المساعد الشخصي الرقمي

مشاهدة النسخة كاملة : شو بدك تطبخي بكرة



الصفحات : [1] 2 3 4 5 6 7 8

سوسنة العسلي
10-07-2010, 08:24 PM
السلام عليكم ورحمة الله وبركاته................. الله يسعد صباحكم ومساكم وكل اوقاتكم يا احلى عضوات في احلى منتدى أكيد كل وحدة فينا دايما همها شوبدها تعمل غدا ٍ لبكرة وكل ما منسأل الزوج بيقول تطبخي (يلي بدك ياه)وبتبقي وحدك محتارة بيهم الطبخة.مو هم تحضيرها قد هم التفكير شو بدها تكون هل الطبخة؟؟؟؟مشان هيك خطرت على بالي هل الفكرة اذا حبيتوا وتكرمتوا كل عضوة بتكتب شوبدها تطبخ لليوم التالي اوا شو طابخة في نفس اليوم ويمكن اذا عرفنا قبل بيوم بيكون احسن مشان نحضر المواد الازمة للطبخ وكمان مشان فرق التوقيت بين البلدان لأنوا يمكن يكونوا اخواتنا بأبوضبي والامارات خلصوا الطبخة ونحنا في اسبانيا واماكن تانيةعم نطمطمط لحتى نصحى(3ساعات فرق ايه مو قلال) المهم اذا حبيتوا الفكرة شاركونا الرأي واذا شي طبخة ما بنعرفها وحبينا نعملها بنرسل رسالة خاصة لصاحبة فكرة الطبخة حتى نتعلمهاولااا شو رأيكم ياحلوين اذا عندكم اقتراحات تانية نورونا فيها اذابتسمحوا والله يجزيكم الخير *:al7nan_87395943:مع كل الحب من سوسنة الشام

ألطاف جاسم العوضي
10-08-2010, 03:27 AM
فكره رائعه يا سوسنة الشام... ستساعدنا كثيرا و تقلل من حيرتنا اليوميه.

أنا الآن أحضر غداء اليوم؛ وهو :: فتوش،، مجبوس دجاج ،، دقوس ( صلصه ) طماط ،، معكرونيه بشميل باللحمه المفرومه .

أتمنى يعجبكم ""منيو""Menuاليوم

orfan
10-08-2010, 03:43 AM
السلام عليكم ورحمة الله وبركاته
مشكورة عزيزتي سوسنة على الفكرة الحلوة فعلا شو بدنا نطبخ بكرة شئ بحير
بالنسبة لي مابسأل زوجي ابدا ولا حتى الاولاد مرتاحة من هالناحية كتير
زوجي بحب يكون على السفرة طبق سوري دائما والاولاد بحبوا الاطباق الغربية
والحمد لله ماعندي مشكله بالنسبة للاكل
قبل ماانام بكون حددت شو بدي اعمل غدا وكتير من الاحيان بتغير الطبخة تاني يوم لهذا السبب
مابقول شوبدي اطبخ تاني يوم
ويلي بساعدني انو بجيب اغراض البيبت لوحدي والطبخات بتكون لعددة ايام ولهيك بقدر احدد شو راح اعمل تاني يوم

اليوم راح اطبخ شوكي ورز ولازانيا وسلطة

حكيت كتير ماهيك شكرا لك مرة تانية على الفكرة الحلوة ولا تاكلي هم كل يوم راح اقلك على طبخة
تقبلي مروري :023:

سوسنة العسلي
10-08-2010, 06:26 AM
الله يعطيكم العافية أختي ألطاف وأختي عرفان وان شاله صحتين وهنا على ألبكم وانا بدي أطبخ رز بالبازاليا مع صلتة وشوربة كوسا ..سهلة كتير اذا حبيتو؟؟؟؟؟؟؟؟مع كل الحب من سوسنة الشام

ام محمد الاردن
10-08-2010, 11:05 AM
سوسنة الشام كثير ممنونة الك على الفكرة(بعرف احكي سوري هههههه)
المهم يا ستي انا اليوم ما طبخت عملت متبل باذنجان وبطاطا مقلية وصلى الله وبارك اما بكرة عنا بالاردن ثلاث ارباع اهل الاردن يوم الجمعة بيعملوا اما مقلوبة او منسف وانا على الاكيد مقلوبة على فكرة اسبوع الماضي يوم الجمعة عمات مقلوبة على باذنجان وبدل ما املح الطبخة 3 مرات احط سكر وانتبهت بالاخر وحطيت ملح بس الحمدلله الله ستر وما انتبهو لما حكيت لاختي هيك هيك صار لحتى عرفوا وجعت الكن راسكن(هاي كمان لبالشامي)تحياتي الك يا بنت الشام انت والاخت orfan

سوسنة العسلي
10-08-2010, 01:50 PM
سوسنة الشام كثير ممنونة الك على الفكرة(بعرف احكي سوري هههههه)
المهم يا ستي انا اليوم ما طبخت عملت متبل باذنجان وبطاطا مقلية وصلى الله وبارك اما بكرة عنا بالاردن ثلاث ارباع اهل الاردن يوم الجمعة بيعملوا اما مقلوبة او منسف وانا على الاكيد مقلوبة على فكرة اسبوع الماضي يوم الجمعة عمات مقلوبة على باذنجان وبدل ما املح الطبخة 3 مرات احط سكر وانتبهت بالاخر وحطيت ملح بس الحمدلله الله ستر وما انتبهو لما حكيت لاختي هيك هيك صار لحتى عرفوا وجعت الكن راسكن(هاي كمان لبالشامي)تحياتي الك يا بنت الشام انت والاخت orfan




الله يسعد اوقاتك كلها يا ام محمد وان شاله صحة وهنا على قلبكم..... بس طمنيني كيف طلعت المقلوبة اذا طيبة لحتى جربها بالسكر ؟؟؟؟؟وشكرا على مشاركتك بالموضوع ومنشوف السبت شو رح تطبخي واحلى تحية من سوسنة الشام:bye:*

ام محمد الاردن
10-08-2010, 02:40 PM
سوسنة الشام والله في النهايةطلعت زاكيةبجوز لانو نفسي بحكوا على الاكل زاكي بس حبيت افيدك اني بكرة الجمعة عندي عزومة ويا ريت تتفضلوا عنا المهم راح اعمل منسف لانهم المعزومين بحبوا المنسف الي بعملوا
:al7nan_87395943:

سوسنة العسلي
10-09-2010, 03:46 AM
سوسنة الشام والله في النهايةطلعت زاكيةبجوز لانو نفسي بحكوا على الاكل زاكي بس حبيت افيدك اني بكرة الجمعة عندي عزومة ويا ريت تتفضلوا عنا المهم راح اعمل منسف لانهم المعزومين بحبوا المنسف الي بعملوا
:al7nan_87395943:
الله يزيد فضلك ياريت كنت قريبة لاني كتير بحب المنسف لما بتعزمني صديقتي الفلسطينيةوانتي كمان نفسك طيب معناته (رحنافيها)وألف صحة وهنا مع كل الحب من سوسنةالشام:clap::clap::clap::clap::clap:

orfan
10-09-2010, 04:09 AM
الف هنا ام محمد على المنسف كتير مشتهية ادوق هالاكلة بسمع عنها بس ما دقتها ابدا
الله يعطيك العافية
ماقلتي ياسوسنة شوعاملة اليوم

انا راح اعمل ملوخية ورز وشوربة جاج بالشعيرية وجاج بروستت مع بطاطة مقلية وفتوش
وجمعة مباركة عليكم

سوسنة العسلي
10-09-2010, 04:39 AM
يسعد صباحك عرفان وان شاله صحتين وهنا على قلبكم انا طابخة( طباخ روحوا)و(طباخ روحوا)و(طباخ روحوا)ههههههه وهي أكلة شامية خص لأنوا حتى صديقاتي الحماصنة والحلبية ما بيعرفوهاوكتير بحبوها واذا ما بتعرفيها؟؟؟؟؟؟وان شاله بكرةبنشوف شوبدنا نطبخ وشكراكتير عزيزتي.....مع كل الحب من سوسنة الشام:al7nan_87395943:

ام بيسو
10-09-2010, 09:59 AM
تسلميلي حبيبتي سوسنة علي الفكرة الحلوة هدي

وربي يديم الصحة والعافية للجميع

انا بفكر ان شاء اللة بكرة اعمل محشي مشكل ومكرونة بشاميل لانو اولادي يموتووو

فيها وربي يسهل

واليوم انا ماعملت شي لاننا فطرنامتاخر ونعمة وخير كتير

ام محمد الاردن
10-09-2010, 10:06 AM
:

الغاليةorfan يا علي والله لو انك قريبة مني الا ذوقتك اياها ما الك صديقات فلسطينيات بالمانيا يعملوها وذوقيها :bye


سوسنة الشام ايش هاي الطبخة علميني خليني اجربها لانو الاكل السوري جناننننننننن انا فكرت بتحكي حراق اصبعو بس لا شكلها طبخة تانية:5cb433c592319b2c472

لميس المحاميه
10-09-2010, 10:53 AM
ياعسل أنته منور الشام وحلب وكل سوريا الحبيبه

منين هذي الافكار برافوا فكرة حلوة ماأخبرك شو ؟أعمل بكرة بس بنفسي

أتعلم الكريم كراميل والمعمول من أيد السيدة منال

أذا علمتيني حخبرك شو أعمل قبلاتي ياغاليه

ياسمينة.
10-09-2010, 11:28 AM
مممممممممم قلت لامي تطبخ بكرا
يخنة فطر
و معكرونة بالبيشاميل
انشالله توافق

ألطاف جاسم العوضي
10-09-2010, 12:10 PM
فعلا فكره رااائعه ... أحببت المشاركه بها للمرة الثانيه ... غدا عندنا زواره والمنيو Menu كالتالي :
مرق ( يخنة ) سمك شعوم + مقلي سمك سلطان إبراهيم + أرز مشخول + باميه بالزيت + معكرونية بشميل ( للأطفال لأن منهم من لا يحب السمك ) + سلطه عربيه + سلطة جرجير ....
كما أعددت لفترة العصر الكيكه اليوميه ( طريقة منال العالم ) + الحلو:كريم كراميل بالشعريه الباكستانيه .
أتمنى أن يحوز غداءنا على إعجابكم و حياكم الله .

سوسنة العسلي
10-09-2010, 04:13 PM
:al7nan_87395943:ام بيسو...صحة وهنا على قلبكم والله يعينك على عمل المحاشي ام محمد...ان شاله ببعتلك الطريقة ؟؟؟طمنيني كيف العزيمة لميس.....الكريم كراميل بصراحة ولامرة ساويته لانوا موجود باسبانيا ورخيص..بس المعمول بقدر علمك ياه وانا واثقة من نفسي لاني كتير بعملو وبطريقة سهلة غير معقدةبس اسمحيلي هلق مستعجلة؟؟؟؟؟؟؟ ياسمينة ...ان شاله رح ترد امك عليك بس قليلي شوهي يخنة فطر؟؟؟؟؟ ألطاف....ماشاله سفرة عامرة ومباركة ان شاله ويعطيك ألف عافية.....مع كل الحب للجميع من سوسنة الشام

الفراشه ياسر
10-09-2010, 06:09 PM
فكره حلوه كتير انا طبخت طاجن لحم بالكريمه للعبقريه منال مع كيك رخامي وسلطة روب مع خيار

سوسنة العسلي
10-09-2010, 07:52 PM
صحة وهنا على قلبك يا عزيزتي فراشة وبتظارك في طبخة جديدة........مع كل الحب من سوسنة الشام:al7nan_87395943:

سوسنة العسلي
10-09-2010, 09:21 PM
رد على اختي ام محمد وطريقة عمل(الطباخ روحو)لحمة مسلوقة او ناعمة اوناعمة كرات اوعجل مقطعةصغيرةمافي مشكلة الموجود بس اهم شي يكون عندك تعضيمة تحتها او عصاعيص وهون سر الطعمة وطبعا اغلي العضم وشيلي الزفرة وصفي من المي لا تتركيه حتى يستوي لانو رح يستوي مع الخضارعلى نار هادية...بصلة مفرومة ..2حبات باذنجان قطع مربعة..2حبات كوسا قطع مربعة..1كيلوا طماطم مقشر ومقطع ..(شوية ثوم حسب رغبتك ورشة نعنع)تقلبي الخضار على النار بالتدريج من البصل واللحم والباذنجان والكوسا والطماطم حتى يذبلواوبتضيفي التعضيمة وبتتركيه على نار هاديه شي ساعتين وبعدين لما بتشوفيه تعقد(مو عقدة نفسية)بتضيفي الثوم المهروس والنعنع وصحة و1000 هنا....اذا الشرح معقد اسأليني؟؟؟؟؟؟

ياسمينة.
10-10-2010, 12:45 AM
اختي سوسنةيا بنت بلادي
يخنة الفطر
نقطع بطاطا قطع صغيرة ونقليها نص قلية
ونقطع الجزر ويقلى ايضا
والبازيلاء والفليقلة الخضراء المقطعةوالبصل المقطع تقلى
تقطع اللحمة قطع وسط وتقلى مع الفطر المقطع شرائح بعدها نضع الخضر كلها فوق اللحم والفطر ونضع الماء والكاري والملح
وبس تستوي نفلفل الرز وتقدم
انا بحب كتير وقت آكلها حطلها عصرة ليمون حامض بتطلع كتيييييييير طيبة
انشالله تكونو فهمتو عليي وقدرت وصل الطبخة منيح

سوسنة العسلي
10-10-2010, 08:29 AM
يسلموا ايديك يا ياسمينة على الوصفةوالشرح المفيد وان شاله بجربها

شذا الورد
10-10-2010, 09:03 AM
فكرة كتير حلوة حبيبة قلبي حتذكرنا ببعض الاكلات ونعملها وانا رحشارك معكن انا عملت اليوم برياني دجاج وسلطة وبكرة انشالله رحاعمل فاصوليا بيضاء ورز تفضلو الكل معزوم ههههههههه

ألطاف جاسم العوضي
10-10-2010, 01:19 PM
ماشاء الله طبخاتكم لذيذه و متنوعه ... غداءنا غدا سيكون مجبوس (كبسه)لحم + أرز + دقوس ( صلصه ) طماطم + حشوة بصل وكشمش(زبيب) ونخي(حمص مجروش) ؛ وهذه الحشوه تكون عادة مصحوبه للمجبوس(سواء لحم أو دجاج أو سمك) ... + سلطه عربيه + بطاطا مقليه + شوربه خضار .
و حياكم الله ... غداءنا الساعه 2:30 ظهرا .

ام محمد الاردن
10-10-2010, 01:59 PM
حبيبتي سوسنة الشام الف شكر الك على الطريقة وان شاء الله راح اعملها
انا اليوم عملت فاصولياء خضرة مع رز مفلفل وانا تاخرت لاني كنت بالمستشفى بجيب لبنتي علاج التشنج عشان هيك اتاخرت بالمشاركة بالموضوع

ياسمينة.
10-10-2010, 11:58 PM
اليوم رح تطبخ ماما
شيش برك وزنكل
يمي يمي يمي

orfan
10-11-2010, 06:09 AM
مرحبة ياحلوين شواخباركون
الف هنا على قلوبكم والله طبخات جيدة عم اسمع فيها
شكرا حبيبتي سوسنة على طبخة طباخ روحوا مكوناتها لذيذة وان شاء الله راح اجربها
شكرا حبيبتي ياسمينة على الوصفة كمان باين عليها لذيذة راح اجربها ان شاء الله
عزيزتي ام محمد الف سلامة لبنتك الله يشفيها ويعافيها
اليوم ان شاء الله راح اعمل سبانخ وبطاطة مسلوقة وتورتوليني وسلطة وغدانا متاخر عشان اليوم عطلة تفضلوا ياحلوين

ام محمد الاردن
10-11-2010, 09:28 AM
مرحبا اخواتي انا اليوم راح اعمل معكرونة بناء على طلب بنتي هدى واحمر دجاج بالفرن
العزيزة orfanالله يسلمك يا رب وما تشوفوا شر انت عملة اليوم سبانخ كنت بدي اجي اتغدى عندك بس قرات انو سبانخ حكيت خليني بالبيت وبنتغدى مكرونة ودجاج تحمير على فكرة انا السبانخ ما بحبوا الا معجنات ام انو اطبخ no
بس كنت بدي اسالك انت او سوسنة الشام ايش هو الشنغليش

صاحبة الذوق الرفيع
10-11-2010, 01:00 PM
اصلا ما اعرف اطبخ

سوسنة العسلي
10-11-2010, 01:55 PM
الله يسعد اوقاتكم ....اخواتي العزيزات ....شذا الورد صحة وهنا والله يزيد فضلك....ألطاف صحة وهنا والله يعطيك العافية ....أم محمد سلامتها لبنتك ومعافية باٍذن الله وصحة وهنا والشنغليش هو عبارة عن لبن يكوروه ويضيفولوا بهارات خاصة ويتركوه فترة حتى يصبح شنغليش(معلوماتي محدودةفيه)أهل حمص شاطرين فيه(بسألك عنه منيح ان شاله)....ياسمينة صحة وهنا شو هي زنكل؟؟؟من وين انتي من سوريا والنعم من اي مكان كنت....عرفان صحة وهنا وشوهي توتوليني.....صاحبة الذوق الفيع نحنا منعلمك تطبخي اذا حبيتي؟؟؟؟؟؟؟؟

المجهولة5
10-11-2010, 10:42 PM
شكراحبيبتي سوسنة ع طرح الفكرة وكمان المشاركة الفاعلة من البنات ربي يعطيكم الصحة والعافية حبيت اشاركم شو رح اطبخ لان بالايام الماضية بعمل اكل سريعة مابعرف بزبط شو بدي اطبخ حتي يجي وقت الوجبة وان شاء الله رح اعمل طاجن الخضار بدجاج وفتوش وووووووو والله مابعرف المهم شاركت معاكم

ياسمينة.
10-12-2010, 01:29 AM
اختي سوسنة انا مدينة بانياس الساحل
تقع بين طرطوس واللاذقية
وان شاء الله قريبا رح اعرفكم عن مدينتي بالصور


بس حبيت شارك وحط معلوماتي عن الشنغليش
منحط للبن ملح ومنسخنو على النار عشان يتلف
يتلف يعني ينفصل اللبن عن المي
ووبعدها يصفى بقطعة قماش عشان تنزل المي كلها منو
وبس تصفى يدعك بالملح حسب الرغبة والفليفلة الناشفة
ويكور على شكل كرات متوسطة الحجم
ويشمس بالشمس شي يومين تلاتة
بعدها يوضع في مرطبان ويغلق باحكام حتى يتعفن
وبس استوى يعني صار القلب رخو شوي
يغسل وتقشر طبقة العفن عنه
ويغطى بطبقة من الزعتر البري اليابس المطحون

انشالله كون فدتكم شوي

ياسمينة.
10-12-2010, 01:31 AM
الزنكل
عبارة عن عجينة بدون خميرة تقطع قطع صغيرة

تفرد كل قطعة على شكل دائرة صغيرة رقيقة
تحشى بخليط من
اللحمة المفرومة والبصل المقليين المضاف الهم البهارات والسماق
وتلف على شكل سندويشة
وتقلى بالزيت
طييييييبة كتير
ونحنا منعمل معها شيش برك

سوسنة العسلي
10-12-2010, 02:30 AM
يسعد صباحك يا ياسمينية الله يسلم ايديك على شرح الشنغليش (انا اعترفت انوا معلوماتي محدودة)بس طلعت ما بعرف شي عنو لاني بشتريه جاهز وكل مرة بقول يمكن حبو بس ما بحبوا بس لو دقتوا من ايديك اكيد رح يعجبني وشكرا على طريعة الزنكل وتشرفت بمعرفتك وسلامي لكل اهل بانياس والساحل السوري*

سوسنة العسلي
10-12-2010, 02:38 AM
شكرا يا اختي المجهولة على المشاركة وصحة وهنا على قلبكم(بس لو سمحتي في اسم تاني بقدر ناديك فيه)ما تاكلي هم كلنا بالهوى سوى مشان موضوع الطبخ والله يكون بعونا

orfan
10-12-2010, 04:15 AM
الله يسعد صباحكون ياحلوين كيفكون اليوم ان شاء الله المزاج تمام
مشكورة حبيبتي ياسمينة على الشنكليش هاي من الاكلات اللذيذة عندي تسلمي على الشرح الحلو
اماالتورتوليني ياسوسنة عبارة عن عجينة محشي بداخلها جبنة وسبانخ بسلق العجينة وبعمل صلصة وبحطها فوقها ودايما بجيب الصلصة جاهزة وكمان العجينة بس بسلقها عشان متوفرة في الاسواق والاولاد بحبوها
وهادى طبق مبارح تفضلي

http://img3.fotos-hochladen.net/uploads/dsc02035831bmlisr.jpg (http://www.fotos-hochladen.net)

حبيبتي ام محمد انا بعمل السبانح بالطريقة الالمانية طعمتة اطيب ولادي مابحبوا السبانخ بالطريقة السورية
بجيبوا جاهز علب وبحط معه فورست وشوية ثوم وبطبخوا وبقدم معه بطاطة مسلوقة كتير طيب
اما اليوم راح اعمل صينية السمك والروبيان للست منال ورز وسلطة بفصلوا

سوسنة العسلي
10-12-2010, 06:44 AM
صحة وهنا يا عرفان ويسلموا ايديك على شرح التورتوليني لما شفت الصورة عرفته موجود باسبانيا بس باسم تاني .....وانا عاملة ان شاله كبسة مع سلطة والتحلاية قطايف عصفيري.... تفضلوا....

ياسمينة.
10-12-2010, 06:59 AM
شكرا اختي سوسنة
شهيتيني عالقطايف مم انا كتير بحبها

ألطاف جاسم العوضي
10-12-2010, 01:37 PM
حبيت أشارككم بلائحة الطعام التي أنوي تحضيرهاغدا على وجبة الغداء ..
شوربة دجاج + تبوله + محشي كوسا + كشري .. و حياكم الله

المجهولة5
10-12-2010, 06:43 PM
رح اعمل مرقوق بخضار والحم وسلطة باذنجان

سوسنة العسلي
10-12-2010, 08:49 PM
صحة وهنا يا أختي ألطاف وشكرا كتير ذكرتيني بالتبولة(لازم وصي الخضري على البقدونس لانه غير متوفر)لانهم يهدوني عرقان بقدونس هدية مع الخضار وعندما اشتري باقة بقدونس كاملة يستغربون الاسبان مني ويبدوا يسألوني ماذا أفعل به؟؟؟؟؟؟؟؟

ياسمينة.
10-13-2010, 12:47 AM
اليوم رح نطبخ سمك مقلي وسمكة حرة
وصيادية

جارة القمر
10-13-2010, 07:23 AM
احنا ملوخيه وجاج محشي ومحمر مممممممممم

تفضلووو صحتين والف عافيه عقلوبكم ياااا رب
:030:

ام وليد
10-13-2010, 10:32 AM
فكره ممتازه جدا و بتفيدنا في الاختيار من بعضنا البعض
مشكوره اختي الكريمه على فكرة المشاركه

يعطيكي العاافيه

راغدة
10-13-2010, 10:45 AM
مشكورة على الموضوع الجميل
وبما اني اليوم عملت دبس رمان فبكرا الاكل مشاوي وتبولة حتى نجرب الدبسات اذا مناح ههههههه

orfan
10-13-2010, 12:14 PM
ان شاء الله هنا يارغودة ابقي تذكرينا ههههههههه
راح اعمل بكرة ان شاء الله شرحات مقلية مع خضار وبطاطة وطبعا طبق السلطة

سوسنة العسلي
10-13-2010, 03:47 PM
صحة وهنا على قلب كل يلي بعتو شو بدون يطبخوا وعلى قلب يلي ما بعتوا وانا اليوم كنت معزومة على فخذ خاروف بالفرن مع خضار وكان كتير طيب....بكرة ما بعرف شو رح اطبخ... ذكروني؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ياسمينة.
10-13-2010, 11:41 PM
انا اليوم جاي عبالي امي تعملي رز بعدس بشعيرية
بحبها كتير لهي الاكلة

سوسنة العسلي
10-14-2010, 03:56 AM
دخيل أمك شو حبابة والله يخليلك ياهاويعطيها ألف عافية وأمي كمان حبابة والله يخليلي ياهاوهي كمان بتساويلي يلي بدي ياه لما بكون بالشام ............. واليوم انا عاملة ان شاء الله سمك بالفرن وسلطة وصحة وهنا وعافية على قلوبكم

ام محمد الاردن
10-14-2010, 04:46 AM
اما انا راح اعمل دجاج تحمير ورز برياني وسلطة

ألطاف جاسم العوضي
10-14-2010, 12:41 PM
إلى الأخت / سوسنه العسلي ....
هههههههه ،،، أكيد راح يستغربون الأسبان ؛ فالأجانب عموما يصابون بالدهشه والاستغراب عندما نشتري حاجياتنا (((((:

orfan
10-15-2010, 03:31 AM
صباح الخير ياحلوين
شو اليوم ماراح تطبخواياحلوين لسى نايمنhttp://img3.fotos-hochladen.net/uploads/n200641ru0dchvgf.gif (http://www.fotos-hochladen.net)

انا طبخت اليوم رز وبازلياوجزر تفضلوا

http://img3.fotos-hochladen.net/uploads/dsc00096kwb48tz35.jpg (http://www.fotos-hochladen.net)

سوسنة العسلي
10-15-2010, 04:20 AM
يسعد صباحكم وكل اوقاتكم ان شاله رح اعمل اكل سريع شرحات لحمة مع بطاطا وسلطة والله ما كنت نايمة كنت عم ساوي البيت بعد يومين عطلة بيكون حالت حالة لانوا كان اليوم الوطني لاسبانيا.....وشكرا الك حبيبتي عرفان على مشاركتك وصحة و100 هنا على قلبكم

ياسمينة.
10-15-2010, 07:35 AM
بـــــــــــــــــامية ورز

ام محمد الاردن
10-15-2010, 12:59 PM
انا عملت اليوم مجدرة كان عندي تعزيل وكنت بدي طبخةسريعة وبنفس الوقت زاكية عرفان انشالله صحتين وعافية وسوسنة محل ما يسري يمري ياسمينة ان شاء الله صحتين بس بدي اقولك اني البامية ما باكلها نهائيا ههههه

ياسمينة.
10-15-2010, 02:10 PM
ممممممممممم ام محمد عاملة مجدرة الله يسامحك كنتي عزميني بموت فيها انا

خلص اذا ما بتحبي البامية ما بقا نطبخها كرمال عيونك

سوسنة العسلي
10-15-2010, 03:58 PM
ان شاله صحة و100هنا على قلوبكم كل الاكل نعمة بس انا متل ام محمد مع البامية مو كتير صحبةوان شاله بكره عاملة كباب هندي ليومين لانو السبت ما بحب اطبخ لانو ولادي بيكون عندهم مدرسة عربية ولازم درسهم عربي وصلهم على المدرسة وهاد اليوم الوحيد يلي بيدرسوا فيه عربي؟؟؟؟ادعولنا

ام محمد الاردن
10-16-2010, 12:53 AM
والله انا محتارةشو بدي اطبخ لاني كنت مخططة نطلع شمة هوا بس ما صبطت للاسف لانو في عند ابومحمد شغل مع انو اليوم معطل يلا خيرها بغيرها ياسمينة يا علي انا انا ما عزمتك يا بنت الحلال اذا بدي اعزمكاول مرة مستحيل اعزمك على مجدرة مشان قيمتك ولو ......
سوسنةالشام الف صحة وهنا بس انت ولادك
بس حصة وحدة عربي بالاسبوع ياستي ولا البلاش بعين الله بس عرفان ما عرفنا شو بدها تعمل????

ألطاف جاسم العوضي
10-16-2010, 05:43 AM
اليوم أنا تعبانه شوي ... صديقتي صممت أن ترسل لنا الغدا اليوم ... حبيبتي ما قصرت : رز بالشعريه + صينية دجاج مع الخضار بالفرن + معكرونه باللحمه المفرومه + فتوش + شوربة مشروم

ياسمينة.
10-16-2010, 07:02 AM
ام محمد انا بموووت بالمجدرة
ومن ايدك اكيد طيبة كتير
انا راضية فيها

الفراشه ياسر
10-16-2010, 11:12 AM
الطبخه تبين كتير حلوه انا اول مره اسمع عليها بس ان شاء الله اجربها مشكوره حبيبتي سوسنه الشام

الفراشه ياسر
10-16-2010, 11:27 AM
اكلات مميزه صحه وهنا حبيباتي انا اليوم طبخت معكرونه مع كرات اللحم وشوربة خضار وسلطه بكره ان شاء الله ناويه مبدئيا اطبخ كشرى مع سلطه

ألطاف جاسم العوضي
10-17-2010, 03:45 AM
تسلم إيديكم حبيباتي ... اليوم أنا بطبخ كشري + ملفوف Cabbage محشي + جوانح دجاج بالثوم والكزبرة + بطاطا مقليه + شوربة سلق + سلطه. وحياكم الله

سوسنة العسلي
10-17-2010, 04:55 AM
صحة و100 هنا على قلوبكم... (الكباب هندي )هو عبارة عن شرحات بصل منقليها بقليل من المسمنة ونقطع بندورة طبعا بعد التقشير ونقلبها مع البصل ونتركهم حتى يستوو وبينما يستو نعمل سياخ صغيرة من اللحمة الناعمة باليد يجب ان تكون اللحمة مدهنة ليكون الطم ألز ولاتنسو البهارات والفلفل والملح وبعد ما تستوي البندورة نضعهم في صينية عالية الحافة ونصف سياخ اللحمة فوقهم وندخلهم الفرن شي ربع ساعة حتى تستوي اللحمة....... وبالهناء والشفاء

زهرة القدس
10-17-2010, 06:34 AM
السلام عليكم اخواتي


جد الفكرة كتير روعة ما تتصورو قديش بنزعج من كتر التفكير بطبخة بكرة

حتى بتمنى ما يجيى ابدا(ههههه)ومو بس انا بعاني من هالشيى كمان امي وقريباتي

جميعهم

]وانا لما بسال زوجي بقلي اعملي شو ما بدك لاكن عدس لالالالالالا ولا مجدرة ولا فريكة


وهو كتير برغب للمقلوبة ومتل ما قالت اختي ام محمد

نحنا بفلسطين والاردن اكتر شي مشهورين بالمقوبة والمنسف

معلش طولت عليكم اتحملونيييييييييييييي

]يلا سلام وبالتوفيق للجميع

ام الربيعين
10-17-2010, 07:34 AM
الحقيقة فكرة الموضوع كثير كثير حلوة وانا كمان دائما اتضايق من فكرة شو بدي اطبخ بكرة بس ماشاء الله البنات ماتركوا اكلة بتجي عالبال الا وعملوهابارك الله فيهن ....
انا اليوم طبخت برياني على الدجاج وبكرة ما بعرف شو راح اطبخ
ههههههههههههههه

orfan
10-17-2010, 01:22 PM
مساء الخير ياحلوين الف هنا ما شاء الله كل الاكلات طيبات الله يعطيكم العافية ويسلم ايديكون
اليوم عملت بيتزا وسلطة ايطالية
وبكرة ان شاء الله كبة مقلية وشاكرية وفتوش

ألطاف جاسم العوضي
10-18-2010, 06:13 AM
الغداء بعد حوالي ربع ساعه ... حياكم الله
سمك مشوي بالفرن + أرز أبيض + سلطة جرجير + باميه بالزيت

سوسنة العسلي
10-18-2010, 06:17 AM
صحة و100هنا على قلوبكم ان شاله انا عاملة تبولة مع مقاليوالتحلاية هريسة جوز الهند

زهرة القدس
10-18-2010, 11:40 AM
السلام عليكم ورحة الله وبركاته
انا اليوم طبخت كبسة بالدجاج
وبكرة بدي اعمل المسخن الفلسطيني
هو كتير كتير كتير زاكي
وبتمنى من جميع الاخوات يجربو ويقلو شو رائيهم فيه
وبالتوفيق للجميعبلا سلالالالالالالالالالام:al7nan_87395943::al7nan_873 95943::al7nan_87395943:

بتول ولجين
10-19-2010, 03:15 AM
والله جبتيها يا زهرة حبيبتي
محتارة اليوم شو اطبخ
ولقيت الفكرة
احلى مسخن
تسلميلي يارب

سوسنة العسلي
10-19-2010, 05:26 AM
يسعد صباحكم وكل اوقاتكم ياأحلى صبايا في أحلى وأرقى منتدى إن شاء الله انا اليوم عاملة انكينار ورز والتحلاية كاتو الأناناس...........

orfan
10-19-2010, 05:47 AM
الف هنا ياسوسنة الشام واناشي ربع ساعة وراح حط السفرة تفضلوا
معكرونة بصلصة البندورة وسلطة ايطالية وبقيان عندي من مبارح كبة مقلية
سلام اشوفكون بعد الغدا

ام محمد الاردن
10-19-2010, 10:30 AM
اليوم عملت مقلوبة دجاج على زهرة والحلو حلو الكاسترد والجلو اما امبارح كنت عاملة كرشات وفوارغ ومقادم خروف اكلة زاكية كثير بس متعبة كثير
تحياتي لكم اخواتي سوسنة الشام عرفان بتول ولجين الطاف والجديدة زهرة بس وين ياسمينة

ياسمينة.
10-19-2010, 12:44 PM
ام محمد حبيبتي يا غالية
انا هون ليكني عمتابعكم
اليوم عملنا مقلوبة بيتنجااااان مم شو طيبة
مع نجومية (خيار بلبن)
اشتهيتكن معنا

orfan
10-20-2010, 03:32 AM
صباح الخير لكل الحلوين والف هنا ماشاء الله كل الاكلات طيبة وبالاخص مقلوبة الباتنجان
اما اكلة الكروش والفوارغ والى اخره ياام محمد مافيني شوفها ابدا وفعلامتعبة كتير بشغلها بس ماقدرت اتقبلها
امي بتعملها وتطلع معها فرجة على شهادة يلي بياكلها واكيد من ايديكي بتطلع طيبة الف هنا ان شاء الله ويعطيك العافية
اليوم عاملة دجاج بالكاري مع رز وسلطة وشوربة اللوخ( الكراث)

ألطاف جاسم العوضي
10-20-2010, 04:51 AM
الغدا سيكون الساعه 2 حياكم الله ... غدائي اليوم :
برياني لحم + دقوس طماطم ( صلصه ) + سلطة عربيه + ورق عنب بالزيت ( جهزته ليلة أمس ) .

ياسمينة.
10-20-2010, 07:03 AM
معكرووووووووووووووونة بالبشاميل مممممممم بموت فيها

ام محمد الاردن
10-20-2010, 01:43 PM
انا عملت اليوم يخنة بازيلاوجزر على لحمة عجل اما بكرة ان الله احياناوضلينا من اهل الارض دوالي تعالو لفوا معي وبنتغدى سوى

سوسنة العسلي
10-21-2010, 02:02 AM
ان شاله صحة وهنا للجميع والله يعطيك ألف عافية يا أم محمد شو قشش وحفاتي صحة وهنا بس ما بقدر دوقها وصارلي موقف أول ما تزوجت بهل الاكلة كنت عروس بالسبع تيام بيت حمايه عاملينها على أساس عم يدلولولني وانا خجلانة قول ما بحبها وراح زوجي وحطلي شقفة من الطوال بتمي وسكتت وركضت على المخسلة وراجعت كلشي(العفو) وحلق بكل عين قوية بقولها ما بحبها وما بعرف ساويها................ وكمان اليوم عاملة ورق الله يعطيك العافية ..بدي ساويها بس بدها همة من قبل بيوم وما عم افضى ..ان شاءالله بعمل اليوم معكرونة بالحمة وشوربة خضار......

ام محمد الاردن
10-21-2010, 02:29 AM
ان شاء الف صحة والله ضحكتيني انت عارفة في ناس بموتوا بالاكلة وفي ناس على العكس تمماما والله انا ما عملتها الاعشان بنتي هدى لانو كان عمي مريض زوجي ذبح طبعا ما حدة رضي يوخد الكرشات وكنت انا كبش الفدا اخدتهم نضفتهم وفرزتهم وبعدين قلت خلص ما ضل فيها الي عليك عليك وطلعتهم وعملتهم
بالنسبة للورق انا اليوم ما علي شغل بالبيت امبارح كان غسيل وضب وكوي قلت بلف الورق اليوم لاني هالاكلة بالذات روحي فيها على فكرة هاد الورق جبتة من سوريا

ألطاف جاسم العوضي
10-21-2010, 07:08 AM
أكلاتكم حبيباتي لذيذة جدا ... تسلم الإيادي ...
اليوم إحنا معزومين عالغدا ،،، وإنشاءالله بكره بطبخ مقلوبه باذنجان ( ذكرتني بها إحدى العضوات بالمنتدى) وبعمل معاها محاشي و فتوش وشوربة عدس ( من فتره طويله ما طبخت هذه الشوربه ) ... وأكيد العين أوسع لكم من الدار ؛ حياكم الله .

علا ابو حميد
10-21-2010, 02:40 PM
انا اليوم عملت ملوخية ورز مفلفل بس وبستغرب من عدد الطبخات الي
بتطبخوها مع بعض لان الرسول صلى الله عليه وسلم نهى عن ادخال الطعام
على الطعام على العمومصحتيييييييييييييين وعافية:al7nan_19966829:

سوسنة العسلي
10-21-2010, 03:24 PM
صحة و100 هنا على قلوب الجميع وانا كمان ما بعمل غير أكلة واحدة لاكن في بعض الاخوات يمكن يكون عندهم ابنائهم ما بحبوا الأكلة الموجودة فالأم الله يعطيها العافية مضطرة تعمل أكتر من صنف على المائدة....بس انا بواحد إيييييه ومو مخلصة وبكرة ان شاء الله جاج مسلوق ورز وسلطة.... وبس خلاص

asrar
10-21-2010, 04:40 PM
http://www.al7aal.net/uploads/images/al7aal.com-88578e1115.gif
موضوعك رائع الله يعطيك العافية
والله بكرة انا عاملة صفيحة وشوربة عدس

orfan
10-21-2010, 04:55 PM
الله يسلم ايديكون يا احلى ستات
اليوم عملت شيش طاووق وسلطة وشوربة العدس
بماانو زوجي مسافر هالايام عم اعمل الاكلات يلي بحبوها الاولاد
ولما راح يرجع ان شاء الله بدي اعمل دائما طبختين شئ للاولاد وشئ لابو الاولاد
ماشاء الله كل واحد زوقه شكل
بكره ان الله احيانا راح اعمل لزانيا وسلطة وشوربة الفطر

ياسمينة.
10-22-2010, 12:43 AM
اليوم رح نطبخ صينية فروج مع بطاطا وجزر على الطريقة الشامية

الفراشه ياسر
10-22-2010, 12:01 PM
صحه وهنا اخواتي العزيزات انا اليوم سويت مقالي وسلطه اما الحلو كيك ليمون بكره ان شاءالله مكرونه بالكريمه مع كفته وسلطه

orfan
10-22-2010, 03:54 PM
مساء الخير ياحلوين الله يعطيكون العافية على الاكلات اللذيذة
بكرة ان شاء الله راح اعمل رز بازليا وسلطة خيار بلبن

جونى
10-22-2010, 05:16 PM
هعمل كشرى مصرى
اصل بحب

سوسنة العسلي
10-23-2010, 03:11 AM
الله يسعد صباحكم ومساكم وكل اوقاتكم وصحة و100هنا على قلوبكم ان شاله اليوم فاصولياء خضرا بالبندورةوقدامها رز بشعيرية وان شاله يضل شي لبكرة لأنو صحتين وهنا ولادي كتير بحبوها.............

قادري رفيدة
10-23-2010, 12:14 PM
السلام عليكم سمحت لنفسي للمشاركة معكم و انا من الجزائر والطبخ عندنا مختلف وانشاء الله يعجبكم انا اليوم الجمعة ومعضم الجزائرين يعملو كسكسي ام ابيض او احمر او مسفوف بخضر الموسم او مسفوف حلو بزبيب ام انا عملت كسكسي احمر بلخضروات واللحم البقري لتافدي الكولسترور يقدم مع الرائب او الحليب الخاثر وفي الليل شربة خضر وميني شورمة وجيلي وفواكه بصحة وراحة انشاء الله اعجبكم الاكل والى اللقاء::bb7fb8d460747357e05:7e1cc57dd09a50d64c7

ياسمينة.
10-23-2010, 12:16 PM
بكرا رح نعمل ملوخية مع رز

سوسنة العسلي
10-23-2010, 03:49 PM
السلام عليكم سمحت لنفسي للمشاركة معكم و انا من الجزائر والطبخ عندنا مختلف وانشاء الله يعجبكم انا اليوم الجمعة ومعضم الجزائرين يعملو كسكسي ام ابيض او احمر او مسفوف بخضر الموسم او مسفوف حلو بزبيب ام انا عملت كسكسي احمر بلخضروات واللحم البقري لتافدي الكولسترور يقدم مع الرائب او الحليب الخاثر وفي الليل شربة خضر وميني شورمة وجيلي وفواكه بصحة وراحة انشاء الله اعجبكم الاكل والى اللقاء::bb7fb8d460747357e05:7e1cc57dd09a50d64c7
شكرا لكي اختي رفيدة على المشاركة وانت بتأمري ايمت ما حبيت تشاركينا وتعرفينا على طبخاتكم الذيذة وصحة و100هنا

ام محمد الاردن
10-24-2010, 10:12 AM
انا اليوم عملت دجاج تحمير مع فريكة مفلفلة وصلى الله وبارك

orfan
10-24-2010, 02:16 PM
الف هنا ياام محمد والله اكله طيبة
اليوم عملت سمك مقلي وبطاطة مقلية وسلطة

جونى
10-24-2010, 02:32 PM
بكرة الاكل رنجة يم يم

orfan
10-24-2010, 02:55 PM
الف هنا جونى بس شوهي الرنجة اول مرة اسمع باسم هالاكلة
بكرة ان شاء الله فاصوليا ورز

جونى
10-24-2010, 03:06 PM
اهلا بيكى يا عرفان
ده نوع من السمك
( سمك مدخن) بتاكل مع الطحينة والصل والطماطم وخيار
http://up.arab-x.com/Oct10/krn64097.jpg

المجهولة5
10-24-2010, 03:52 PM
والله الاخوات هنا بحمسونا نعمل اكلات طيبة
ان شاء الله بكرة رح اعمل خبز الصمون وكفتة التونة للشيف منال

orfan
10-24-2010, 08:05 PM
اهلا بيكى يا عرفان
ده نوع من السمك
( سمك مدخن) بتاكل مع الطحينة والصل والطماطم وخيار
http://up.arab-x.com/oct10/krn64097.jpg






اه قولي سمك مدخن مااطيب هالاكلة بحبها كتير كتير
ان شاء الله الف هنا

أهله
10-24-2010, 09:19 PM
موضوع حلو قوى ..سوسنه

إن شاء الله بكره أطبخ كبده بقرى بانيه مع مكرونه وسلطه

ام محمد الاردن
10-25-2010, 04:00 AM
انا راح اعمل اليوم صفيحة وانا عجنت العجينة قبل ما افتح المنتدى
جوني يا جوني السمك المدخن يم يم يم والله هالاكلة من الاخر انت عارفة تقريبا احنا اكثر شي بنوكلها على العيد لانة الواحد بخربط بالعيد وخاصة عيد الاضحى وكمان انا بحب الفسيخ بس لازم اجهز جالون من الماء قبل اكلة الفسيخ

ألطاف جاسم العوضي
10-25-2010, 02:24 PM
وااااو يا أم محمد ، أنا أحب صفيحة اللحمه وااايد ..عليج بالعافيه .
غدا إنشاءالله سيكون غداءنا صينية دجاج مع الخضراوات + أرز بالشعريه + شوربة جريش + سلطه .... وحياكم الله .

ام محمد الاردن
10-25-2010, 02:54 PM
ان شاء الله الف صحة وهنا الطاف والله كانت الصفيحة زاكية خلص المرة الجاي ابعتلك صور الصفيحة على الايميل يعني شم ولا تذوق هههههههههههه وكمان عملت الحلو سدر حلبة كان جاي على بالي شي حلو بكرة مش جاي على بالي اطبخ بنمشيها حواضر وبكرة عنا قطف زيتون مش راح افضى اطبخ

ألطاف جاسم العوضي
10-26-2010, 11:28 AM
مشكووووره حبيبتي أم محمد وما قصرتي *:
بعد قليل سألف ورق عنب لغداء الغد والذي سيتكون من :
فتوش + شوربة خضار + ورق عنب بالزيت + دجاج تندوري(على طريقة المبدعة / منال العالم ) + بطاطا مقليه + أرز أبيض .

و حياكم الله الساعه 2:30 ظهرا " .

سوسنة العسلي
10-26-2010, 01:54 PM
مسا الخير:bye: والله يسعد اوقاتكم وايامكم:s5:انا أسفة تأخرت عليكم :p47:.. بس هلق رح اعطيكم نشرة الأخبار الخاصة فيني:wink2:.. السبت عملت جنب الفاصولياء والرز معكرونة بالجبنة والبقدونس يعني إعانة بس بقيت بحالها لأنواأنا وياسمين ما تغدينا منيح لأنو كنا معزومين على مباركة عروس :030:والأحد زوجي عمل سندويش شرحات جاج مع شرحات فليفلة خضرا وحمرا وبصل وثوم وبقدونس وبندورة وكلهم قلبهم بالزيت البلدي قبل ما يلفهم بالخبز الاسباني مع الشرحات ..لأنو قررنا نخرج للحديقة ونتغدى السندويش:thumbs-up:بس عن جد طييييبة يمكن لأنو ما تعبت فيها بس كنت عم نظف من ورا زوجي لأ نو الزفر صار على السقف :c8319877381e7456f60واليوم ما طبخت لأنو أكلنا زوايد الأكل :storm_1366281775_11واذا بطبخ ما بيخلص الأكل يلي زاد..شو رأيكم:022:وبكرة ان شاله رح أعمل مفركة بطاطا مع شوربة:al7nan_87395943:وأخيراً صحة و100هنا على قلوبكم و أكلاتكم كتير طيبة وبتشهي وبدي أسأل أم محمد على طريقة عجينة الصفيحة وبتظبت متل صفيحة الشام علميني لو سمحتي؟؟؟؟؟؟؟:021:

ياسمينة.
10-26-2010, 01:59 PM
اليم تغدينا سمك مشوي بالفرن

orfan
10-26-2010, 03:40 PM
الف هنا للجميع والله الاكلات كلها طيبة
اليوم تغدينا معكرونة بالدجاج وسلطة وشوربة الفطر
وبكرة ان شاء الله ارمان ورز بالشعرية وشوربة القرع تفضلوا كلكم معزومين

رنونة
10-26-2010, 04:59 PM
شو رأيكم بوكرة بأكلة اسمها بالشامي (شيخ اللبن باليقطين ) يمكن قليل حدا يعرفها ولا شو رأيكم؟

زهرة القدس
10-27-2010, 06:20 AM
السلام عليكم جميعا
كيفكم اخواتي انشاء الله تمام والف وصحة وهنا على قلوبكم جميعا يا رب
انا بصراحة بستغرب من كتير طبخات انتو بتعملوها حتى اول مرة بسمع عنهاوانا بصراحة مو كتير شاطرة بالطبخ لاني من وانا صغيرة كنت ما بحب ادخل المطبخ مع امي كنت اقضي معظم وقتي بالدراسة ولما انخطبت كنت اعرف كم طبخة بس بينعدو على الاصابع ونا جد نفسي اتعلم شي جديد واتمنى منكم تساعدووووني
بس بدي منكم طلب صغير اذا ممكن ؟؟
حابة انكم تقولولي كيف فيني اطبخ السمك الفليه بطريقة تكون زاكية ولذيذة وتكون اول مرة اعملها
:7e1cc57dd09a50d64c7وبالتوفيق للجميع ولكم مني اجمل تحية والى القاء نشوفكم على خير ......

ام محمد الاردن
10-27-2010, 06:40 AM
زهرة القدس
السمك الفيليةانا بنقعة بالليمون والكمون الملح
قبل القلي بحط السمك بالطحين
وبقليه وبحب اعمل سلطة البصل معه
تقطعي البصل جوانح واعصري ليمون علية وحطي رشة ملح وافركية بايدك حتى تشوفي البصل نزلت مية البصل وافرمي بقدونس ناعم وحطي على البصل وحطي علية طحينة او الهردة وملعقتين لبن كثير زاكية ومفيدة او اعملي سلطة البقدونسية افرمي بقدونس -بدك كمية- ناعمة واهرسي سن تومة واعصري علية ليمون وملح وبعدين حطي طحينة وصحتين

ياسمينة.
10-27-2010, 07:56 AM
طاجن زهرة بطحينة

راغدة
10-27-2010, 08:59 AM
حابة اعمل مسقعة باذنجان وحمص
تفضلوا اتغذوا عنا

زهرة القدس
10-27-2010, 10:32 AM
http://www.album.v90v.com/data/media/56/images_197.gifالسلام عليكم ورحمة الله وبركاتة
حبيت اشكر اختي ام محمد على الشرح الي اكتر من روعة تسلمييييييييييلي اختي والله اني حبيتك من كل قلبي لما شفت اسمك وبدون ما اشوفك او اسمع صوتك وتصدقي اني لما طرحت السؤال توقعت انك انتي اول وحدة تجاوب عليه ..
جد اختي انتي منورة الموضوع بتواجدك وما بعرف شو عملنا لولاك انتي الكل بالكل اختي وخيرك دائما سباق والله ..ربي يخليك محمد يا رب قولي امين ويخليلي بنتي كمان(ههههه)
ربي يسعدك ويوفقك والك مني اجمل تحية تقدير واحترام

زهرة القدس
10-27-2010, 10:40 AM
اختي راغدة كيفك يا قمر على فكرة انا عاملة متلك اليوم مصقة الباذنجان لاني كتير كتير كتير بحبها
وهي اكلتي المفضلة والله انو طعمها روعة ولا شووووووووو.
شو رايك انتي تيجي تتعشي عندي ونتسلى مم بعض(هههه)
صحتين وهنا على قلبك يا رب http://www.prnamg.com/za7arf/shokrmror/8.gif

زهرة القدس
10-27-2010, 10:44 AM
اختي ام محمد نسيت اسالك شو يعني الهردة وقصدك بالبن البن الرائب

ام محمد الاردن
10-27-2010, 11:23 AM
زهرة القدس الهردة هي نفسها الطحينة بس انا ما كنت اعرف انك فلسطينية لانة بالخليج بحكوا للطحينة الهردة
اللبن الرايب الروب او الزبادي بما انك فلسطينية لازم تكوني عرفت شو يعني اللبن
الله يخليلك بنوتي وانا محمد الله يعوضنيبداله لانة طير من طيور الجنة والحمدلله رب العالمين

ام محمد الاردن
10-27-2010, 11:26 AM
نسيت اقولك انت وراغدة الف صحة انا المسقعة بموت فيها وصحتين ياسمينة على طاجن الزهرة كمان هاي الاكلة كتير زاكية اما انا عملت قلاية لحمة مفرومة مع بندورة وبصل لانو كنت مشغولة بدراسة بنتي هدى

ياسمينة.
10-27-2010, 02:07 PM
وانا محمد الله يعوضنيبداله لانة طير من طيور الجنة والحمدلله رب العالمين


اختي ام محمد الله ينفعك فيه بالآخرة يارب
انا كمان كان عندي اخ صغيييييير صار طير من طيور الجنة[/color][/i]

سوسنة العسلي
10-27-2010, 03:52 PM
مسا الخير أم محمد وياسمينة والطاف وعرفان وزهرة القدس وكل الأخوات يلي شاركوا معنا بهل الاكلات الذيذة و100صحة وهنا على قلوبكم وأم محمد يارب يعوضك بمحمد ويصبرك ورب العالمين بحبك لأنه عز وجل إبتالاكي هذا الإبتلاءولا تنسي بيت الحمد الخاص فيك بإذن الله في الجنة...........

ام محمد الاردن
10-28-2010, 04:31 AM
تسلمي ياعمري وانا الي بهون علي قول الحمدللهه لاني راضية بقضاء الله وقدرة
ما خبرتينا شو راح تطبخي
انا راح اعمل اوزي (رزحبة طويلة مع بازيلاوجزر) وراح احمر دجاج بالفرن
حابة اعمل اشي زاكي بس لسة مش عارفة شو اعمل
انا بحب اعمل حلو لانو ما بعرف اقعد بدون الحلو
انا مع الحلو المنزلي حتى وان كان مو نفس الجاهز 100%
ياسمسينة شو راح تعمل امك اليوم
عرفان لساك محتارة

ياسمينة.
10-28-2010, 06:19 AM
اختي ام محمد امي مو بالبيت هالكم يوم اللي جايين يعني انا يلي رح اطبخ
اليوم رح طعميهم معكرونة هههههههه وزيادة ما فيي اعمل اكتر
لانو لسا بدي استغل البيت

orfan
10-28-2010, 09:42 AM
الله يعطيك العافية ياياسمينة ويخليلك الماما وترجع بالسلامة
هيك ورجينا شطارتك باين عليك ست بيت شطوره والف هنا
الف هنا حبيبتي ام محمد اكلاتك طيبين الله يعطيك العافية والله يعوضك بمحمد
الحمد لله مابحتار بالطبخ اليوم عاملت مقلوبة باتنجان وسلطة
بكرة ان شاء الله بشكل مبدئي بامة ورز وصينية بيتزا

ام محمد الاردن
10-28-2010, 10:32 AM
يسلموا ياسمينة على المعكرونة فيها العافية
عرفان الف صحة وهنا على قلبكم كنت ناوية ميل اتغدى عندك بكرة بس لما عرفت انو فيها الشغلة بامية غيرت رأي

بتول ولجين
10-28-2010, 12:27 PM
امممممممم وانا عملت بيتزا اليوم كمان
ومو عارفة بكرا شو اعمل
شو بتنصحوني ههههههه
احتمال بما انه بكرا عطلة عنا اعمل منسف جميد تفضلو

orfan
10-28-2010, 01:55 PM
الف هنا حبيبتي بتول ولجين
اهله وسهله فيك ياام محمد وحياتك من غير الطبخة وين المشكله
شوبتحبي اطبخلك

ام محمد الاردن
10-28-2010, 02:52 PM
تسلمي عرفان الله يسعدك بس انا ما بدي عزبك وشو رايك نطلع سوى لعند بتول لالنو عاملة منسف جميد يعني ما بتفوت وبنعملها مفاجئة وبلكي بالمرة كانت معنا سوسنة وياسمينة خلي اللمة تكتمل

بتول ولجين
10-28-2010, 03:09 PM
الف هنا حبيبتي بتول ولجين
اهله وسهله فيك ياام محمد وحياتك من غير الطبخة وين المشكله
شوبتحبي اطبخلك




على قلبك يا عمري
وتسلميلي يارب
ويعطيكي العافية يا عسوووووولة

بتول ولجين
10-28-2010, 03:12 PM
تسلمي عرفان الله يسعدك بس انا ما بدي عزبك وشو رايك نطلع سوى لعند بتول لالنو عاملة منسف جميد يعني ما بتفوت وبنعملها مفاجئة وبلكي بالمرة كانت معنا سوسنة وياسمينة خلي اللمة تكتمل



يا حبيييييييبتي والله يااااااااااااااريت
بتشرفوني
شو بدي احسن واحلى من هيك لمة...........
تكرمو يا عمري يا ام محمد
انتي وكل الحبيبات
منيح انك قلتيلي لحتى ازيد العيار هههههههه

http://www.maktoobblog.com/userFiles/k/a/karaki/images/show.jpg

صباوتالا
10-28-2010, 08:11 PM
ياعيني انا شميت في ريحة منسف ههههههههههههه بحه كتير واكيد من ايدين ام بتوله بيشهي ياويلكم ازا بتروحو وما بتاخدوني ههههههههههههههههههههههههههه بس انا بكره حابه اعمل سمك مقلي تفضلو ياحبايب

زهرة القدس
10-29-2010, 03:58 AM
مساء الخير صبايا
كيفكم حبيباتي _سوسنة وبتول وولجين وام محمد وياسمينة وorfanووصباوتالا_انشاء الله ما كون نسيت حد
اختي ام محمد الله يرحم محمد ويكونلك طيرمن طيور الجنة يلعب وحوليكي يا رب امين
على فكرة انا زعلانة منك بدك تروحي على بيت بتول ولجين انتي والصبايا وما تاخدوني معكم الله يسامحكم طيب انا بكرة عاملة مشاوي على الفحم شو رايكم تجووووووووووووووووووووني(ونقعد نحكي ونتسامر بس ما بدنا نجيب سيرة الطبيخ(هههههههه)
تسلميلي يا بتول ولجين على المنسف شكلو روعة بالصورة واكيد من ايديكي بكون ازكى من العسل يا عسل..
ام محمد نسيت اسالك انت اصلك اردنية ولا فلسطينية؟؟؟؟؟؟؟؟؟
وياسمينة حبيت اسالك سؤال صغير اوي؟بعرف احكي مصري مو(هههههههه)
انتي كم عمرك حبيبتي وانشاء الله ما يكون سؤالي ضايقك
يلا سلالالالالالالالالام

بتول ولجين
10-29-2010, 04:03 AM
يا حبيبتي مية اهلا وسهلا فيكي يا عسل
واحلى منسف لعيونك يا غالية
انتي بس تفضلي
ويا عيني على المشاوي امممممممممممممممممم
تسلمي يا قمر

سوسنة العسلي
10-29-2010, 06:13 AM
يسعد صباكم يا عوالي على قلبي جميعاً عم اطحن برغل بس لخلص بحكيكم

ياسمينة.
10-29-2010, 06:51 AM
انا اليوم كسرت صحن وقت كنت عمبجلي
وجرحت ايدي يعني اليوم اخواتي رح يموتو من الجوع
الا اذا اتصلو وجابو دليفري من برا



اختي زهرة القدس بالعكس ليش حتى اتضايق سؤالك عادي
وانتي اكتر حدا ظريف بالمصري هههههه
انا مواليد 1988 يعني 22 وقريبا رح صير 23

بتول ولجين
10-29-2010, 06:57 AM
سلامتك الف سلامة حبيبتي ياسمينة
من غير شر عنك
ديري بالك على حالك يا عسل

ام محمد الاردن
10-29-2010, 09:13 AM
زهرة وطني لا يا عمري لا تزعلي خلص بنوخدك معنا لعند بتول وبكرة بنميل لعندك
انا من القدس مواليد الاردن
ياسمينة سلامتك ان شاء الله الي بيكرهوكي يا رب وديري بالك على حالك
انا اليوم ما طبخت بس عملت حلو وهو ليالي لبنان تفضلوا ذوقوا

orfan
10-29-2010, 12:29 PM
والله روحه مابتتفون لعندك حبيبتي بتول لاني كتير حابة دوق اكلة المنسف الله يسلم ايديكي شكله بشهي
سلامة قلبك ياياسمينة ديري بالك على حالك
تسلم ايديكي يازهرة القدس ريحة الشوي وصلت لعندي الف هنا ان شاء الله
حبيبتي سوسنة الشام ماخلصتي طحن البرغل بكرة عازمتك لعندي لاتعذبي حالك بالطحن
حبيبتي ام محمد بكرة ان شاء الله عمله اكلة محاشي لاتقولي مابتجي هه
الباتنجان والقرع من سوريا اليوم وصلوني تازة بكرة راح اطبخهم والكل معزومين ماحدى يعتزر

ام محمد الاردن
10-29-2010, 12:57 PM
ان شاء الله يا عرفان الف صحة وهنا والله اكلة ما بتتفوت ههههههه
وعقبال ما تنور الشام بطلتك البهية

سوسنة العسلي
10-29-2010, 01:21 PM
حبيباتي الله يسعد اوقاتكم عملت اليوم كبة مقلية وشوربة عدس وعملت موضوع عنها بس بصراحة تعذبت بالموضوع اكتر من الكبة لانوا تعذبت بتنزيل الصور واخيرا عرفت وانا بنتظار مباركتكم لي على هذا الانجاز
العظيم ويمكن بكرة روح للطبيب لاني حوليت هههههههههههههههههههه
وهي صورتها آمنة تفضلوا
1915:clap2:

ام محمد الاردن
10-29-2010, 01:24 PM
يسلموا ايديكي مبينة زاكية بس انت بتطحن اللحمة يدويا
سلامة عيونك يا عيوني

سوسنة العسلي
10-29-2010, 01:30 PM
الله يسلمك ... ايه انا بفرم اللحمة لانو زوجي بيجيب شقة خاروف وبنفصلوا بالبيت ولحمة الكبةبالذات ضروري..... عن إذنك رايحة صلي المغرب وجهز العشا بعدين برجع اذا قدرت مع السلامة حبيبتي

ياسمينة.
10-29-2010, 01:43 PM
شكرا الله يسلمكن جميعا
عرفان انا جايي بكرا عالغدا لعندك

بتول ولجين
10-29-2010, 03:19 PM
والله يا عرفان بتشرفيني يا قمر
انتي غالية علي
امممممممم
والله اكلة هالمحاشي ما بتتفوت
خلص انا جاي ان شاء الله بكرا عندك
هههههههه

orfan
10-29-2010, 04:19 PM
اهله وسهله بكل الحبايب والله بتشرفوني
وسلامة عيونك ياسوسنة الشام وان شاء الله الف مبروك على تنزيل الصور
بس في البداية بكون في صعوبة بعدها بتصيري بتعطي دروس هه
ان شاء الله الف مبروك حبيبتي
:clap2::clap2:

المجهولة5
10-29-2010, 08:40 PM
ماشاء الله عليكم يا بنات عملين طنة ورنة واكيد بقيادة زعمتكم سوسنة
شو هذة الاكلات الطيبة والعزومات من وري يا حلوين ههههههههههههههههه
لك انا بموت في الجمعات الحلوة وبحب الاكل السوري بس لا حد يزعل
والله بتفتحوا نفس الوحد ليطبخ
الصراحة كل يوم لازم بمر ع موضوعكم الحلوة حتى لو ما شاركت لان بعمل اكلات خفيفة ع الماشي هههههههههههه شئ سلطة او بيض مسلوق او شندوتش جبنة او تونة ههههههههههه
الاكلات للي بحبوها الصغار وانا ما كون نفسي باكل ( خليني انحف شوي هههههههههه)


لانة ابو العيال ما بجي الا الليل ما بتغدا معنا ابدا ولما بيجي بكون الاولاد ناموا بعملة اكلة خفيفة............... والله سردت لكم قصة حياتي ما تاخذوني

بس حبيت احكيلكم انكم عملتوا جوا اكثر من رائع ولمة حلوة ومميزة
تشكروا علية
من الاخت سوسنة ومبروك ع تنزل الصور
.. عرفان يعطيك الف عافية ... واكلات بتفتح النفس
... يا سمية... سعيدنا فيك كتير.. واكلات الطيبة
.. الغالية ام محمد.. فين ما بتروح بتعمل جوا خاصة ... واختي نحن معاك ع طول في وقت السراء والضراء و ربي يعوضك خير و نحن لبعض
... ام بتول ... والله انت منبع الطيبة
وشكرا للمتوصل
من رغودة
ام صبا
زهرة القدس
جونى وجميع المتوصلين

اتمنى اني ما طولت عليكم (بتقولو بسوري حكيتا كتار وكتير ة غلبة)

ياسمينة.
10-30-2010, 12:19 AM
بالعكس اختي المجهولة انتي كتير ظريفة
وانا كتير فرحت بتعرفي عليكن

ام محمد الاردن
10-30-2010, 01:37 AM
اليوم الجمعة وانا راح اعمل مقلوبة على لحمة خارووف المجهولة على العكس انت خفيفة الدم والظل وبتمنى تدخلي وتشاركي معنا

سوسنة العسلي
10-30-2010, 02:02 AM
ماشاء الله عليكم يا بنات عملين طنة ورنة واكيد بقيادة زعمتكم سوسنة
شو هذة الاكلات الطيبة والعزومات من وري يا حلوين ههههههههههههههههه
لك انا بموت في الجمعات الحلوة وبحب الاكل السوري بس لا حد يزعل
والله بتفتحوا نفس الوحد ليطبخ
الصراحة كل يوم لازم بمر ع موضوعكم الحلوة حتى لو ما شاركت لان بعمل اكلات خفيفة ع الماشي هههههههههههه شئ سلطة او بيض مسلوق او شندوتش جبنة او تونة ههههههههههه
الاكلات للي بحبوها الصغار وانا ما كون نفسي باكل ( خليني انحف شوي هههههههههه)


لانة ابو العيال ما بجي الا الليل ما بتغدا معنا ابدا ولما بيجي بكون الاولاد ناموا بعملة اكلة خفيفة............... والله سردت لكم قصة حياتي ما تاخذوني

بس حبيت احكيلكم انكم عملتوا جوا اكثر من رائع ولمة حلوة ومميزة
تشكروا علية
من الاخت سوسنة ومبروك ع تنزل الصور
.. عرفان يعطيك الف عافية ... واكلات بتفتح النفس
... يا سمية... سعيدنا فيك كتير.. واكلات الطيبة
.. الغالية ام محمد.. فين ما بتروح بتعمل جوا خاصة ... واختي نحن معاك ع طول في وقت السراء والضراء و ربي يعوضك خير و نحن لبعض
... ام بتول ... والله انت منبع الطيبة
وشكرا للمتوصل
من رغودة
ام صبا
زهرة القدس
جونى وجميع المتوصلين

اتمنى اني ما طولت عليكم (بتقولو بسوري حكيتا كتار وكتير ة غلبة)
يسعد صباحك حبيبتي فدوى ....شكراإلك تعبت معي كتير مشان الصور

وبالعكس طلتك كتير منورة وشرفتينا وبتمنا تخبرينا على الوجبات يلي بتعمليها لأنواأكيد بتفيدنا وبالشامي بنقول(يخزي العين حولها شو بتنحب )

ألطاف جاسم العوضي
10-30-2010, 03:15 AM
اليوم جمعه ... يوم الزوارة وجمعة الأهل... الغدا اليوم :
مجبوس دجاج مع رز و حشو + مرقة باميه ورز أبيض + سلطة عربيه وتبوله + ورق عنب بالزيت ( حضرته يوم أمس ) + صينية معكرونه بشميل ( الأطفال بحبوها ) ... الحلو عيش السرايا ( أيضا حضرته يوم أمس ) .
الغدا الساعه 2:30 تقريبا وحياكم الله .

orfan
10-30-2010, 07:26 AM
منوره حبيبتي المجهوله
والف هنا لكل الصبايا
اليوم كان الغدا محشي تفضلوا
http://img3.fotos-hochladen.net/uploads/dsc002405jlmqkw7e.jpg (http://www.fotos-hochladen.net)

سوسنة العسلي
10-30-2010, 08:02 AM
ان شاله صحة وهنا للجميع وجمعة مباركة للجميع .....شو صحن هل المحاشي شكله بيجنن طبعاً لانو ريحة ارض بلادي طالعة منه...انا لما بدي أعمل محاشي بوصي سلفي بجيبها من المغرب او لمابرجع من الشام بكون جايبة معي ..لأنو الكوسا عنا طولها شي 30 سم ولونها خضرة مشان هيك؟؟؟؟؟؟؟؟؟؟؟؟؟؟؟؟

المجهولة5
10-30-2010, 08:19 AM
الف صحة وهناء عرفان لان لصحيت من النوم
والله المحاشي شكلها كثير طيب
اعتذر لان لم اذكر اختنا لطاف من الكويت
ع التوصل الرائع والكلات الطيبة من تحت ايديك
والله بشهتي المجبوس لما بعرف اانك بتعملية ما كول العافية

ألطاف جاسم العوضي
10-31-2010, 08:40 AM
اليوم كنا معزومين عالغدا ... قبل قليل رجعنا البيت ... كانت السفره عامره ماشاءالله : دجاج بالفرن مع خضار + مجبوس لحم وحشو + حمسة ربيان + أرز و دقوس + فتوش وسلطة معكرونيه ,,, أما الحلو فكان كريم كراميل + سلطة فواكه .

يوم أمس كان عندنا زواره واليوم عزيمه >>> غدا إنشاءالله راح يكون الغدا شي خفيف ( علشان الرشاقه هههههه ) ... >>> شوربه عدس و فتوش .

بتول ولجين
10-31-2010, 08:46 AM
حبيبتي ام فادي انتي الطيبة يا عسل
يا عيني عليكي يا عرفان شو طبق هالمحاشي
بيشهي
من ايدين ما نعدمها يارب وريتو صحة وعافية
اليوم عملت فاصوليا خضرا ورز
وبكرا مو عارفة احتمال
معكرونة بشاميل
تفضلو

ام محمد الاردن
10-31-2010, 12:47 PM
عرفان ان شالله الف صحه وهنا الريحة واصلة لعنا
يا عيني عليكي يا بتول انا بحب الفاصوليا كتير صحتين وعافية

الطاف يا عيني ياعيني الف صحة ان شاء الله
انا عملت ورق عنب لفيتة من مبارحلانة كان علي شغل كثير بالبيتوكنت عملة نقانق او سحقوقلت خليني احط مع الورق بالفعل كان لذيذ لا سيما انو النقانق شغل بيتي يعني مضمون
سوسنة انا استغربت من الكوسى الاسباني ليش هلقد طويل

orfan
10-31-2010, 04:37 PM
مساء الخير ياحلوين
ماشاء الله ياالطاف شو هالاكلات الطيبة
والف هنا حبيبتي بتول انا بحب الفاصوليا والرز وبالذات لما بحط بقلبها كوسا محشي
يعطيك العافية ياام محمد بكره جاي اتغدى عندك صرلي فترة بقول بدي لف ورق عنب بس عم كسل ياريت جاي لعندك لنلف سوا يلى خيرها بغيرها
ونحنا بالمانية كمان عندنا الكوسا طويل بس انا بقصها بالنصف وبنقها وبحشيها عادي
طولنا عليكم وماقلت شو طبخت اليوم
اليوم عملت شاورما وبطاطة مقلية وسلطة
وبكرة ان شاء الله بما انو عطلة راح يكون الفطور فول مدمس والغدا متاخر لحم بعجين ومناقيش جبنة وزعتر وفليفلة وطبعا سلطة ويلي على بالو يتفضل اهله وسهله

ام الربيعين
10-31-2010, 05:13 PM
شو هاالاكلات الطيبة من ايديكم يابنات والله شي بيشهي بجد
ان شاء الف عافية على قلوبكم
انا اليوم عملت بامية ورز مع دجاج مقلي وسلطة خضار
وبكرا اولادي عاجبهم لازانيا يمكن راح اعملها وامري لله لان هذا طلبهم

ام محمد الاردن
11-01-2010, 05:36 AM
عرفان الف صحة ياربي على قلبكم خلص ليوم بنضبط مواعيدنا عشان نلف الورق مع بعهض انا لسة مش عارفة شو بدي اطبخ قلت بشوف شو عاملين
بجوز اعمل معجنات باللحمة وسبانخ وكمان شوربة عدس مع لحمة مفرومة وشعيرية
بس سوسنة وياسمينة وينكم والطاف وبتول والمجهولة

ألطاف جاسم العوضي
11-01-2010, 07:22 AM
وااااو أكلات لذيذة وبتشهي ... تسلم الأيادي ...
أكثر من عضوة ( منهم الغاليه أم محمد والعزيزه عرفان ...) ذكرت لحم بعجين ومناقيش ... فياليت المقادير والطريقه.
ولكم مني جزيل الشكر والامتنان .

المجهولة5
11-01-2010, 09:28 AM
ان شاء الله ع العشاء رح اعمل دجاج مشوي وخضار سوتية وسلطة خضرا
يا عيني ع المعجنات يمي بحبة كثير بس ما بعملة كثير لان بخاف يزيد وزني هههههه
ورق العنب كنت بحب كثير ودايم اعملة بس بطلت اعملة واحبة لان توحم علية بابني سامر
والف صحةو هناء ع قلبكم

تنبية اخواتي لا يجوز اختصار لفظ الجلالة والا تصغيرة لان اي شي بنكتبة محاسبين علية
ويكتب كما هو (ان شاء الله )

orfan
11-01-2010, 09:50 AM
مساء الخير ياحلوين
الف هنا على الاكلات اللذيذة
حبيبتي الطاف شوفي هالرابط وان شاء الله بفيدك

خلطة اللحم بعجين انا بحط لحمة ناعمة ملح بهار بصلة مفرومة ناعم وبندورة مفرومة ناعم بخلطهم مع بعض وبمدها على سطح العجينة
خلطة الزعتر زيت وزعتر منخلطهم مع بعض وندهن سطح العجينة
خلطة الجبنة ببشر الجبنة بيضة واحيانا بحطلها نعناع ناشف وبرشها على سطح المنقوشة وبدخلها الفرن
وهذا الرابط فيه مقادير العجينة

http://www.manalonline.com/forum/showthread.php?t=9830&highlight=%E3%E4%C7%DE%ED%D4

بتول ولجين
11-01-2010, 10:20 AM
صحة على قلوبكم حبيباتي
انا اليوع عملت
برياني سمك لمدام منال
وطلع تحففففففففة

ام الربيعين
11-01-2010, 10:22 AM
مشكورة يا عرفان على المعلومات
تسلم ايدك حبيبتي اشتهيت اكلها من تحت ايدك

ام الربيعين
11-01-2010, 10:24 AM
انا طبخت اليوم مرقة زهرة على اللحم مع الرز وسلطة خضار

ياسمينة.
11-01-2010, 02:08 PM
انا اليوم ساويت
شوربة عدس وبطاطا مقلية بكزبرة وتوم

orfan
11-02-2010, 04:38 AM
صباح الخير ياحلوين
اليوم عملت محشي برغل ومعكرونة بالبندوره وسلطة

زهرة القدس
11-02-2010, 05:35 AM
السلام عليكم ورحمة الله وبركاته
والحمد لله على الصحة والعافية دوماومني افضل الصلاة والسلام على سيدنا وحبيبنا محمد عليه الصلاةو السلام افضل الخلق اجمعين.......
كيفكم حبيباتي انشاء الله تمام والله كتير مشتاقة ليكم طمنوني عنكم
ما بصح لازم اذكركم بالاسم مو(ام محمد وسوسنةوياسمينة وبتول ولجين وصبا وتالا والمجهولة وorfanوام الربيعين)وانشاء الله ما كون نسيت حد
انا اعتذر بشان غيبتي عن المنتدى وعن الوجوه الطيبة متلكم وعن جميع الاعضاء الي جد اكتر من روعة ربي يسعدهم ويوفقهم جميعا انشاء الله........
لما انا بغيب حبيباتي بكون عندي اسباب وظروف تمنعني من تواجدي هون
وليس كسلا في دخولي اليه .. صدقوني بتمنى ابقى برفقتكم اطول فترة ممكنةمن الزمن لاكن ليس كل ما يتمناه المرء يلقاه...
ومن اهم الاسباب
1_انقطاع التيار الكهربائي عندنا اما من المدينة او البلدة بالكامل وهيك بصير دائما في فصل الشتاء(الله بعين)
2_او او انقطاع النت وبطئه لدرجة لا استطيع دخول المنتدى
3_ وثالثا والاهم متل ما بتعرفو اني ست بيت متلكم وبنتي لساتا صغيرة وبدها عناية لهيك لااستطيع دخول النت في اي وقت لاكن ادخل حسب ظروفي
وهذه اهم الاسباب التي تمنعني من الدخول...
انا امبارح اعملت مقلوبة بالحمة بصراحة اول مرة اعملها
وطلعت زاكية لاكن انا حاسة انو مقلوبة الدجاج ازكى من مقلوبة اللحمة يمكن لاني متعودة اكلها ...
بس اليوم مو عارفة شو اعمل
انتو قلولو شو اطبخ اليوم بس اعطوني صبخة سهلة (ههههه)
اختي orfan ريحي هالخروف اما بتذبحي او بتفرجي عنو والله حرام بقطع القلب (ههههه)
وبالتوفيك لكن ولكل من ساهم بتاسيس هذا المنتدى وجزاك الله كل خيرhttp://files.fatakat.com/signaturepics/sigpic227786_12.gif

زهرة القدس
11-02-2010, 05:53 AM
[QUOTE][SIZE="4"][quote=ام محمد الاردن;209184]عرفان الف صحة ياربي على قلبكم خلص ليوم بنضبط مواعيدنا عشان نلف الورق مع بعهض انا لسة مش عارفة شو بدي اطبخ قلت بشوف شو عاملين
بجوز اعمل معجنات باللحمة وسبانخ وكمان شوربة عدس مع لحمة مفرومة وشعيرية
بس سوسنة وياسمينة وينكم والطاف وبتول والمجهولة
الله يسامحك يا ام محمد دائما بتنسيني ........

المجهولة5
11-02-2010, 08:24 AM
فين الحلوة سوسنة لة كم يوم ما بشوفة
ان شاء الله يمكن اعمل ع العشاء خبز الصاج وسلطة و صحن خضار بزيت

زهرة القدس
11-02-2010, 12:10 PM
تسلميلي يا مجهوله على هالتنبية والله كنت بفتكر اني لما بكتب بملفي الشخصي يعني بيصل ليهم الي اكتبو ..فيكي حبييبتي توضحيلي كيف فيني ارسل ليهم بالضبط وبكون مشكورة ليكي والله..
http://photo.bdr130.net/files/file/phooto/%D8%B5%D9%88%D8%B1-%D9%88%D8%B1%D9%88%D8%AF.jpg
صباياااااااااااااااااااااااااااااااا
خبر عاجل.......
انا كتبت ليكم رسالة شكر لانكم قبلتم تكونو صديقاتي لا كن كتبتها داخل ملفي الشخصي
وكنت متوقعة انها تصلكم لاكن اعتقادي كان خاطئ والله ..
ارجو منكم تسامحوني وما تزعلو مني وتفتكرو اني كنت مطنشيتكم
والي حابة تقرا الرسالة تتوجه لملفي الشخصي وتقرائا اذا حابة..
يلا سلام حبيباتي وبالتوفيق للجميع

ام محمد الاردن
11-02-2010, 01:13 PM
زهرة وطني الغالية ينساكي الموت والله بعد ما نزلت الموضوع اتذكرت انو ما سالت عنك
بس والله انت بالبال
انا اليوم ما طبخت كان عندي معجنات قبل بيوم وقلت فرصة انزل على السوق هههههه سوسنة وينك ؟؟؟؟؟؟؟؟؟؟؟؟
المجهولة الف صحة على العشاء
عرفان الغالية ايش يعني محشي برغل
انت ياعرفان بتعملي المقرمشة (الصفيحة)

flower juri
11-02-2010, 11:18 PM
كيفكم
اليوم عاملة ملوخية وجنبه رز بالشعيرية
والله اكلة ملوكية

ألطاف جاسم العوضي
11-02-2010, 11:35 PM
شكرا حبيبتي عرفان على ذكر مقادير و طريقة "المناقيش " ... الله لا يحرمنا من معلوماتك و خبراتك المطبخيه .

سوسنة العسلي
11-03-2010, 03:17 AM
صباحوا يا حلوينننننننننننننننننننننننننن

سوسنة العسلي
11-03-2010, 03:36 AM
يسعد صباحكم ومساكم وكل اوقاتكم اشتئتلكم بس صدقوني ما عم افضى ... السبت والاحد كتير صعب والاثنين كان عطلة ولما بيكونو الاولاد والاب معطلين صعب لانو بدوهن يطلعوا واليوم راحوا على المدرسة من غير شر ....وانا كتيركتير كتير كتيررررررررررر بتشكر كل يلي سئلوا عني الله يوفقكم كلياتكم ...وبنسئل عنكم بالخير...
السبت عملت: عدس اسود بالزيت والخضار كتير طيب وصحي اكلة اسبانية بكتبلكم ياها ان شاله وشرحات لحمة مع خضار
والاحد: بيتزا.............
والاثنين :كوسا بالبن جايبتون من الشام محفورين ومحشين ومقلين (بس برجع بقليهم شوي)
واليوم :بدنا بخلص زوايد الاكل ان شاله
وصحة وهنا على قلوبكم جميعاً

ام محمد الاردن
11-03-2010, 11:54 AM
اللع يسعد مساكم
ام مهند صحة وعوافي وزي ما حكيتي اكلة ملوكية
سوسنة الله يعطيكي العافية واحنا بنستنا تنزل طريقة العدس بلزيت الواحد بعيش وبتعلم وانا بحب اسال واعرف واتعلم
بس الكوسا باللبن انت بتقلية انا لما بعمل الكوسا باللبن ما بقلية بس بقلي الكوس للمخشي
انا عملت اليوم ما عرفت شو اطبخ عملت مقلوبة

orfan
11-03-2010, 01:44 PM
يسعد مساكم حبيباتي والف هنا على قلوبكم
والله اكلات طيبة


حبيبتي ام محمد المحشي برغل من الاكلات الحلبية الطيبة واللذيذة
وهاي الطريقة ان شاء الله تعجبك
http://img3.fotos-hochladen.net/uploads/jrb42386lk0wguomx.jpg (http://www.fotos-hochladen.net)


2 كيلو باذنجان حجم وسط
الحشوة :
ثلاث أرباع كوب حمص جاف
2 ملعقة كبيرة سمنة
نصف كوب برغل خشن
نصف كوب دبس رمان
3 حبة كبيرة فليلفة حمراء
2 كيلو بندورة
باقة بقدونس
ربع كيلو لحمة مفرومة ناعم
1 - 2 ملعقة كبيرة رب البندورة
ملعقة كبيرة دبس فليفلة
ملعقة صغيرة بهار مشكل
ملح
المرق
نصف كوب من عصير الحصرم
عصير ليمونة أو ليمونتين او حسب ماانتي بتحبي الحموضة
ملعقة كبيرة دبس البندورة
نصف ملعقة كبيرة نعناع جاف
4 فص ثوم مهروس
ملح
عظام خاروف لحتى نحطها في قاع الطنجرة


الطريقة
·يغسل الحمص و ينقى من الأوساخ ثم ينقع طوال الليل بالماء البارد وبعدها يسلق
·تحفر حبات الباذنجان و توضع جانباً
· يغسل البرغل جيداً ثم يوضع على مصفاة و يترك حتى يجف
·ثم نضيف دبس الرمان للبرغل و يترك جانباً
·تقشر البندورة و يتم التخلص من البذور و العصير ثم تفرم ناعماً , يفرم البقدونس و الفليلفة الحمراء إلى مكعبات صغيرة
·تخلط البندورة و الفليلفة الحمراء و البقدونس و الحمص المسلوق و البرغل مع اللحمة النية و رب البندورة و دبس الفليلفة و الملح و البهار و يتم التذوق بطرف اللسان للتأكد من حموضة الحشوة و يضاف المزيد من دبس الرمان إذا دعت الحاجة وهلق اصبحت الحشوة جاهزه
·توضع الحشوة على مصفاة ثم تحشى بها حبات الباذنجان مع الضغط الجيد حتى تمتلىء الحبات بشكل كامل , يوضع العصير الناتج من الحشوة جانباً ثم يعاد ضغط الحشوة في كل حبة باذنجان و حشيها مجدداً
·ترتب حبات محشي الباذنجان في طنجرة كبيرة فوق عظام الخاروف , يذوب رب البندورة بالماء ثم يوضع فوق المحشي مع النعناع و الثوم و عصير الحصرم و دبس الرمان و مرق الحشوة و يضاف المزيد من الماء حتى تغمر حبات المحشي
·يغطى المحشي بطبق مسطح كبير ثم يوضع فوقه ثقل كي لا تخرج الحشوة من المحشي أثناء الطبخ
·يوضع المحشي على النار و يترك حتى يغلي ثم تهدى النار و تغطى الطنجرة و تترك لمدة ساعة أو حتى ينضج المحشي
·يرفع المحشي من الطنجرة و يرتب في طبق مسطح كبير و يقدم و بجانبه طبق من المرق
والف هنا

ام محمد الاردن
11-03-2010, 03:22 PM
والله شكلة بشهي يسلموا ايديكي بس سؤال صغير انت ذكرتي دبس الفيلفيلة انت قصدك الشطة والا هاد اشي ثاني

المجهولة5
11-03-2010, 03:35 PM
والله شكلة بشهي يسلموا ايديكي بس سؤال صغير انت ذكرتي دبس الفيلفيلة انت قصدك الشطة والا هاد اشي ثاني
اهلا ام محمد دبس الفيلفيلة هو الشطة الحارة الثقيلة اللي بتجي فية الفلفل مقطع ومهروس ناعم ان شاء الله تكون عرفتيها

المجهولة5
11-03-2010, 03:38 PM
يسلام ع الاكلة الحلوة يا عرفان اول مرة بعرفة وجديدة وشكلة كمان طيبة
وسبحان الله الوحد مهم تعلم بتكون نقطة من بحر
ان شاء الله اجربها ... يا عيني ع الاكل السوري شو طيب

ام محمد الاردن
11-03-2010, 04:28 PM
اهلا ام محمد دبس الفيلفيلة هو الشطة الحارة الثقيلة اللي بتجي فية الفلفل مقطع ومهروس ناعم ان شاء الله تكون عرفتيها
عرفتها بارك الله فيك
امبارح لسة عاملة شطة
انا عجبتني طريقة عرفان ان شاء الله راح اجربها

ام الربيعين
11-03-2010, 07:49 PM
انا اليوم طبخت رز احمر وهذه اكلة عراقية مع بطاطا مقلية ودجاج بالكريمة من وصفات حبيبتي عرفان الي ما بينشبع منها
وسلطة كول سلو وسلطة خضار وهذه الصور مشان تشتهوا الاكل حبيباتي

http://up.arab-x.com/Nov10/YyI44772.jpg

http://up.arab-x.com/Nov10/2JQ44773.jpg

http://up.arab-x.com/Nov10/T6g44773.jpg

http://up.arab-x.com/Nov10/OS944773.jpg

http://up.arab-x.com/Nov10/vxt44773.jpg

ام محمد الاردن
11-04-2010, 03:59 AM
يسلموا ايديك ام الربيعين شكلهم بشهي انا لسة ما افطرت
انا اليوم مش جاي على بالي اطبخ ههههههههههه خلينا نشوف سوسنة عرفان زهرة القدس المجهولة بتول لم عبير شو بدهم يطبخوا
شو رايكم اخواتي تتضامنوا معي اليوم offما في طبخ اليوم

بتول ولجين
11-04-2010, 04:00 AM
يا عيني يا عيني على هالاكلات يا حبيبتي ياام الربيعين
يسلمو حبيبتي
والله يعطيكم العافية جميعا
انا مبارح عملت فطاير ومعجنات
واليوم بدي اقوم اعمل كسكسي التونسي كتير بنحبه

بتول ولجين
11-04-2010, 04:01 AM
ههههههههههههه
والله ياريت يا ام محمد نعمل
off
كان اف افونا من البيت الاولاد وابوهم هههههههههه
تسلمي يا ام محمد دماتك عسل
يلا انا قايمة اطبخ سلام يا حلوين

زهرة القدس
11-04-2010, 04:41 AM
كيفكم جميعا وصحتين وهنا على قلوبكم يااحلى فراشات بالمنتدى ...
انا امبارح اعملت مسخن فلسطيني كتير طيب والله بتمنى تجربو ..
واليوم اممممممممممممممممممممم ما بعرف شو بدي اعمل بالضبط يمكن فاصوليا
والله هالاكل شيبننيييييييييييييييييييييييييييي ضروري ناكل(هههههه)يعني...
شو بدنا نساوي هيك الحياة الله بعين...[IMG]http://hypnogarden.com/images/AnimatedButterflyWreathe.gif

سوسنة العسلي
11-04-2010, 06:38 AM
يسعد صباحكم كيفكم الله يعطيكم العافية..... شو هاد ام الربيعين ريحة الاكل واصلة لعندي صحة و100 هنا على قلوبكم
ام محمد والله ما بنئدر نعمل (اوف )لأنوا اووووف اووووف اوووف اوف بتصير موال اذا بدك
وكتير هاد الشعور بينتابني بس بزعل على الولاد لأنو اول ما بيطلعوا من المدرسة بيسئلوا شو في اكل اليوم واذا حكيتلهم للمزح حواضر اول ما بيدخلوا البيت بيصيرو بشمشموا متل القطط وبيقولوا آآآه ماما عاملة كذا مو حواضر......
وبدي اعمل ان شاله مقلوبة ام محمد انا كتبت طريقة العدس بالزيت ان شاله يعجبك................

صـ الألم ـمت
11-04-2010, 06:49 AM
موضوع حلوووووووو كتير

انا طبخت مقلوبه اردنيه

orfan
11-04-2010, 07:31 AM
ماشاء الله عليك ام الربيعين شو هالاكلات الطيبة الله يسلم ايديكي والف هنا ان شاء الله
حبيبتي ام محمد ياريت نقدر نقول اووف بطلت اطبخ ويلي معلقين فينا شو ذنبهم بيجوا من الشغل ومن المدرسة تعبانين راسا على الاكل الله يديم العافية وان شاء الله كل يوم منعمل اطيب اكل
الف صحة وهنا ام بتول على الكسكسي التونسي
زهرة القدس الله يسلم ايديكي على المسخن اكلة لذيذة
والف هنا لسوسنة الشام ولصمت الالم على المقلوبة ممممممممممممممم كتير طيبة
اما انا فاليوم عملت شاكرية ورز بالسان العصفور للغالية منال على طلب زوجي مع انتي ماصرلي زمان عاملتها قال مشتهي عليها
وللاولاد كبة البطاطة كمان للغالية منال وصدورة وز بالصلصة البنية وسلطة ويلي على بالو يتفضل اهله وسهله

بتول ولجين
11-04-2010, 10:14 AM
اممممممممممم
عالشاكرية
والله بحبها كتير يسلم ايديكي
ما شاء الله زوجك مبسوط فيكي وبيطلب على كيفه هههههههههه
الله يخليكي يا رب منورة حياتهم

سوسنة العسلي
11-04-2010, 10:54 AM
يسعد اوقاتكم إليكم صورة المرحومة المقلوبة مع اللبن بخيار
http://www.manalonline.com/forum/attachment.php?attachmentid=1952&stc=1&d=1288853072
شكله كل الاخوات عاملين مقلوبة ...........
وعلى فكرة انا ما بقلبها لأني بطبخ الرز بمرقة الباذنجان بعد ما اقليه واغليه بالماء.. وبعدين بصفوا فوق الرز والحمد لله يلي اقدرت صورها بسرعة
وصحة و100 هنا للجميع والله يديم العافية

ام محمد الاردن
11-04-2010, 01:42 PM
مأكول الهنا يا سوسنة وسبحان الله كل وحدة الها طريقة بتختلف بالتكوين بس بالنهاية مقلوبة ههههههههههه والمقلوبة مش زاكية الا بلمة العيلة

ام الربيعين
11-04-2010, 03:15 PM
شو المنتدى كله اليوم عامل مقلوبة
تسلم الايادي وصحة وعافية على عوائلكم جميعا
تسلمي ياعرفان على الطبخ الحلو من تحت ايدك وصحتين وهنا على قلوبكم
وعجبتني كثير فكرة الاوووووف لو بايدي كان الاسبوع كله off
بس الاولاد شو ذنبهم
تسلم ايدك يابتول على المعجنات والف عافية
انا بكرة ما بعرف بجد شو بدي اطبخ؟؟؟؟

المجهولة5
11-04-2010, 07:12 PM
زهرة القدس بحب المسخن وبعملة كثير حلوة حتى الخبز بعملة ببيت ... صحة وهنا ع قلبك
...عرفان يعنياكلاتك الحلوة صحة وهنا
ام بتول ..... كسكس تونسي ما بستضيغ طعم الكسكس بحسة محلى... صحة وهنا

سوسنة بتجنن اكلاتك ووواااااااااااة صحة وهنا
ام الربيعين شكل سفرتك بتفتح النفس صحة وهنا ع قلبك

ام محمد خذي اوف مثل ما بتريدي انا مريحة حالي اغلب الوقت اووووف ههههههههه
بس ليةكم يوم متشجعة بصحى بكير وعمل غدا
امس عملت ع الغدا دجاجة شواية متيلة من اليوم اللي قبل
وتشكلية خضار محمرة بزيت زيتون واكييييييييييد خبز اسمر

وبكرة(ان شاء الله)بقي شوي من الدجاج المشوي راح اعمل شورما واي شي ومع سندوتش وسلطة مع لبن للعيال
والله طولت عليكم اعذروني

orfan
11-05-2010, 09:38 AM
ان شاء الله الف صحة وهنا للجميع
الحقيقة المقلوبة طيبة الله يسلم ايديكي ياسوسنة شكل الطبق بيفتح النفس
اليوم عملت طبخة سوسنة العدس بس شوطلعت طيبة بنصحكون تجربوها
خلاص صارت في المدونه عندي
تسلم ايديكي ياسوسنة وكتير دعتلك امنتيني بالدعاء صرت كل لقمة بدي ادعيلك الله يحفظك ويخليلك عائلتك
وهلق شوفي تطبيقي
http://img3.fotos-hochladen.net/uploads/foto0804t9yinex4d.jpg (http://www.fotos-hochladen.net)
ان شاء الله يعجبك

ام محمد الاردن
11-05-2010, 11:40 AM
ما شاء الله عنكطم حبيباتي الله يعطيكم العافية
انا عملت انا وسلفتي كيكة الزبادي وكمان معجنات سبانخ وجبنة وبطاطا بس شو شكلهم تحفة وهاي الصور


http://www.al7aal.net//uploads/images/al7aal.com-09cd81d9bc.jpg



http://www.al7aal.net//uploads/images/al7aal.com-75a209faa7.jpg (http://www.al7aal.net//uploads/images/al7aal.com-75a209faa7.jpg)



http://www.al7aal.net//uploads/images/al7aal.com-f534d3d2cc.jpg




http://www.al7aal.net//uploads/images/al7aal.com-f534d3d2cc.jpg




http://www.al7aal.net//uploads/images/al7aal.com-a67ddd973d.jpg (http://www.al7aal.net//uploads/images/al7aal.com-a67ddd973d.jpg)

samah9
11-05-2010, 05:16 PM
السلام عليكن اخواتي والله اطباق روعة مثلكن

والف شكر لسوسنة العسلي على الموضوع الاكثر من رائع


بما انه غدا الجمعة فالطبق المشهور بالمغرب هوالكسكس الذي يكون على مائدة

الغداء يوم الجمعة ولايخلو بيتا منه وكل حسب ذوقه ومستواه المادي لان في


انواع من الكسكس






http://www.adem.ch/maroc/images/Couscous.jpg



بعض انواع الكسكس بالخضر
http://img184.imageshack.us/img184/7830/couscoustunisienaupoissax8.jpg


http://www.osrah.net/forum/uploaded/339/01194515808.gif


الكسكس بالتفاية

http://img77.imageshack.us/img77/7314/couscoustfaya6fz.jpg


http://img84.imageshack.us/img84/8287/p1000580zv6.jpg

سوسنة العسلي
11-05-2010, 05:57 PM
السلام عليكم ورحمة الله ما شاء الله عنكم يا سلام شو هل الاكلات الطيبة وشكلها بيشهي
الله يعطيك العافية حبيبتي عرفان أكيد طالعة طيبة لانوا من ايدك
والله يجبر بخاطرك لانك دعيتيي وان شاله بتئلك الملائكة ولكي مثله
وانا اليوم عاملة خضار بالفرن
والتحلاية كاتو الشوكولا وكلير
وصحة و100هنا على قلوبكم جميعاً
1980
1981
1982

ألطاف جاسم العوضي
11-06-2010, 03:21 AM
تسلم إيديكم حبيباتي عضوات المنتدى على هالطبخ الطيب ...
محشي البرغل جدا عحبني وحابه أجربه ؛ بس عندي سؤال : ما هو دبس الحصرم؟ و أين أجده ؟ و كذلك أين أجد دبس الفليفله؟ بالمناسبه أنا من دولة الكويت .

orfan
11-06-2010, 04:16 AM
السلام عليكن اخواتي والله اطباق روعة مثلكن

والف شكر لسوسنة العسلي على الموضوع الاكثر من رائع


بما انه غدا الجمعة فالطبق المشهور بالمغرب هوالكسكس الذي يكون على مائدة

الغداء يوم الجمعة ولايخلو بيتا منه وكل حسب ذوقه ومستواه المادي لان في


انواع من الكسكس






http://www.adem.ch/maroc/images/couscous.jpg



بعض انواع الكسكس بالخضر
http://img184.imageshack.us/img184/7830/couscoustunisienaupoissax8.jpg


http://www.osrah.net/forum/uploaded/339/01194515808.gif


الكسكس بالتفاية

http://img77.imageshack.us/img77/7314/couscoustfaya6fz.jpg


http://img84.imageshack.us/img84/8287/p1000580zv6.jpg




ماشاء الله شوهالاطباق اللذيذة
واكيد طعمتها جنان
الحقيقة ولا مرة جربت اكلة الكسكس بس على هالصور صار لازم نجرب
الف هنا ان شاء الله

orfan
11-06-2010, 04:42 AM
الف هنا حبيباتي على هالاكلات الطيبة
ماشاء الله ياسوسنة صينية خضار بتشهي الله يسلم ايديكي حبيبتي


عزيزتي الطاف
بالنسبة لعصير الحصوم اظن بس بسوريا معروف ويمكن تستعيضي عنه بعصير الليمون

http://img3.fotos-hochladen.net/uploads/62txv4zmf60.jpg (http://www.fotos-hochladen.net)

http://img3.fotos-hochladen.net/uploads/prodverjusxwfb9oq1y.gif (http://www.fotos-hochladen.net)

اما الحصرم فهو العنب قبل ان يستوي بتكون الحبة خضراء وحامضة نحنا في حلب منعصر هذه الحبوب وتعبأ في قناني طبعا يضاف له ملح ويستعمل للتحميض السلطة وفي الطبخ متل المحشي البامة وغيرها


اما دبس الفليفلة فهي عبارة عن
فليفلة حمراء حرة أو حلوة أو وسط
ملح خشن

http://img3.fotos-hochladen.net/uploads/redpepperpaste0vj9qiz68.jpg (http://www.fotos-hochladen.net)


بتغسلي الفليفلة بشكل جيد بتجففيها ثم تقطعيها نصفين تتخلصي من بذورها
ثم ننشر الفليفلة على سطح مستوي في مكان مشمس بحيث يوضع كل نصف بجانب الأخر و لازم تكون الشمس قوية و أن ننشر الفليفلة مباشرةً بعد التقطيع لأن الفليفلة سريعة العطب
تتركي الفليفلة في الشمس لمدة يوميين أو ثلاثة أو أكتر حسب حدة الشمس حتى تجف بشكل غير كامل أي تكون ثلاث أرباع جافة
تطحني الفليفلة بماكينة طحن اللحمة على الشفرات المتوسطة مرتان ثم ترشيها بالملح الخشن و توزعيها على مرطبانات صغيرة و توضع في الفريزر حتى وقت استخدامها


ان شاء الله اكون افتك والف هنا

سوسنة العسلي
11-06-2010, 08:05 AM
يسعد اوقاتكم اليوم زايد عندي خضار مشكلة من مبارح وعملت رز ابيض قدامها
الله يعطيك العافية عرفان حبيبتي دايما بنعزبك معنا

ام محمد الاردن
11-06-2010, 12:12 PM
ماشاء الله شوهالاطباق اللذيذة
واكيد طعمتها جنان
الحقيقة ولا مرة جربت اكلة الكسكس بس على هالصور صار لازم نجرب
الف هنا ان شاء الله

وانا من رايك عرفان اكلة الكسكسي باينتها طيبة وبدي اسال اذا موجود عنا بالردن لازم اعملة بس احنا اكلة قريبة الة اسمها المفتول
عرفان يسلموا اديكي اول مرة بعرف عن دبس الحصرم ود الفليفلة
بس وين ياسمينة مو باينة ؟؟؟؟؟؟
زهرة القدس وينك كمان
الطاف ما حكيتي النا شو بدك تطبخي انا بكرة بدي اروح عند اهلي
بس ما بعرف امي شو محضرة غداء لبكرة برجع بخبركم

زهرة القدس
11-06-2010, 03:00 PM
اهلين حبيباتي معلش على التاخير
انا اعملت اليوم مقلوبة وبكرة ما بعرف شو اعمل بالضبط ......الله بعين شو بدنا نساوي
معها حق ام محمد نحنا بنعرف المفتول وما بنعرف شي اسمو الكسكسي ..... تسلميلي يا عرفان على دبس الفليفلة والله شكلها بشهي ...
وصحتين وهنا على قلوبكم جميعا

orfan
11-06-2010, 03:06 PM
مساء الخير ياحلوين
اليوم كان يوم الدجاج العالمي عملت شوربة الدجاج ومغربية بالدجاج وجنبها لبن وصينية دجاج بالكاري وتبوله تركية
لحتى ارضي كل الازواق
اما بكرة لسى ماقررت بالظبط يمكن سمك اوربما تتغير الطبخة اخر لحظة على كلن ان شاء الله بكرة بخبركون :bye:

ام محمد الاردن
11-06-2010, 03:16 PM
مساء الخير ياحلوين
اليوم كان يوم الدجاج العالمي عملت شوربة الدجاج ومغربية بالدجاج وجنبها لبن وصينية دجاج بالكاري وتبوله تركية
لحتى ارضي كل الازواق
اما بكرة لسى ماقررت بالظبط يمكن سمك اوربما تتغير الطبخة اخر لحظة على كلن ان شاء الله بكرة بخبركون :bye:
الله يعطيكي العافية عرفان والله يعينك كنت بدي اسالك عن الزيتون الاسود كيف بتعملية اذا ما فيها ازعاج

بتول ولجين
11-06-2010, 11:36 PM
يعطيكم العافية حبيباتي
ويسلمو سموحة عصور الكسكسي
انا دايما بعمله وبنحبه كتير
وهاي الصورة نفس الكسكسي اللي بعمله
بس مو بسمك باللحمة انا بعمله
http://img184.imageshack.us/img184/7830/couscoustunisienaupoissax8.jpg

مبارح طبخت ملوخية ورز مع دجاج مقلي
واليوم والله محتارة
شو اعمل
جنني الطبييييييييييخ
هههههههه

orfan
11-07-2010, 01:50 AM
صباح الخير للجميع كيفكون اليوم وشو اخبار الطبخات الطيبة معكم
اليوم ان شاء الله راح اعمل سمك وسلطة وبطاطة مقلية


عزيزتي ام محمد بالنسبة للزيتون الاسود الحقيقة انا جربتوا مرة وحدة وبالعادة امي بتعملوا على ايدها وبتبعتلي
شوفي هالطريقة ان شاء الله تعجبك
هناك طريقتين لعمل الزيتون الأسود
الطريقة الأولى :اتركي الزيتون عدة أيام حتى يذبل بعدها رشي عليه كميه كبيره من الملح الخشن وهو الأفضل ، وحركيه حتى يختلط مع الزيتون وضعيه في مصفاة بلاستيك أو ستانلس ستيل وابتعدي عن الألمنيوم وفوقه تقله وضعي تحته وعاءحتى يتصفى فيه ماء الزيتون تخلصي من الماء من وقت للتاني ،اتركيه بهذا الشكل لمدة جمعتين او حتى يتوقف الماء من النزول بعدهااغسلي الزيتون بماء ساخن ثم ضعيه في مرطبان وضيفي بعد الفلفل الحار وهون في عندك ثلاث طرق
1 خلط كميات متساوية من الليمون وزيت الزيتون وعصير الليمون وغمر الزيتون به.
2 غمر الزيتون الأسود بزيت الزيتون مع إضافة نص كوب من عصير الليمون وهاي الطريقة امي بتعملها
3 خلط كميات متساوية من الماء وزيت الزيتون والخل أو عصير الليمون وغمر الزيتون الأسود به.
الطريقة الثانية وهي أن تقومي بإذابة الملح في الماء الذي سيغمر الزيتون (يمكن للبيضة ان تطفو على سطح الماء المملح)وتقومي بوضع قطع من ليمون وبعض الفلفل الحار(اختياري) على وجه الزيتون ثم إضافة مقدار نص كوب من الزيت و نص كوب من عصير الليمون أو الخل


وانا بفضل اول طريقة لانها اطيب

ألطاف جاسم العوضي
11-07-2010, 03:03 AM
شكرا حبيبتي عرفان على الرد السريع والتوضيح ... أطباقك كلها شهيه و مميزه ... تسلم الأيادي

ألطاف جاسم العوضي
11-07-2010, 03:09 AM
يوم أمس كنا معزومين عالغدا في أحد المطاعم اللبنانيه المنتشره في دولة الكويت ... كانت الطاوله تحوي معظم الأطباق اللبنانيه ذات المذاق الطيب .
اليوم >>> بداية انفلونزا :( بصراحه مافي طاقه للمطبخ ، اتفقت مع صديقتي ترسل لنا الغدا اليوم ووصيتها على شوربة الدجاج (مفيده لنزلات البرد والانفلونزا) وهي أخبرتني بأن الوجبه راح تكون مرقة باميه و أرز بالشعريه ... بصراحه ماقصرت ... والله يبعد عنكم المرض يارب .

بتول ولجين
11-07-2010, 03:11 AM
من غير شر عنك حبيبتي الطاف
الله يشفيكي ويعافيكي يارب
ديري بالك على حالك يا قمر

ام محمد الاردن
11-07-2010, 01:48 PM
عرفان الف شكر الك ما قصرتي بنوب وانا بعمل الزيتون الطريقة الاولى بس مع اختلاف بسيط وهي اني بغلي مي وبحط الزيتون بالمي الي بتغلي لحتى تبرد المي وبعدن بحط بمصفاة ستيلوبرش كمية وفيرة من الملح وبكمل بنفس الطريقة
بس انا بضل عندي حب فضول وقلت بسالك انت او سوسنة بارك الله فبكي ما قصرتي
انا اليوم كنت بزيارة لعند اهلي وكانت الوالدة الله يطول بعمرها عاملة ورق العنب والكوسا بس والله شغل امياتنا الو نكهة خاصة
الطاف الف سلامة على قلبك وما تشوفي شر
بس يا جماعة وين سوسنة وياسمينة وزهرةالقدس ؟؟؟؟؟؟؟؟؟؟؟؟؟؟؟؟؟ظ

زهرة القدس
11-07-2010, 07:46 PM
السلام عليكم خواتي
كيفكم انشاء الله تمام
انا اليوم اعملت منسف خواتي وبكرة لسا ما قررت بس لازم اعمل اكلة زاكية لاني بدي اصوم.........والله يتقبل من الجميع اصيامهن يا رب
تسلميلي ام محمد لانك تسالي عني وما تنسيني..حبيبتي انا مريضة لهيك ما عم بدخل واطول بالمنتدى يعني بدخل شي عشر دقايق وبعدها بطلع......
الله يبعد الضر والمرض عنا وعنكم اخواتي..
وكل سنة وانتم سالمين بناسبة قدوم عيد الاضحى..ويعيدو علينا وعليكم بالف خير يا رب وجميع الامة الاسلامية انشاء الله...
اختكم زهرة القدس

ام محمد الاردن
11-07-2010, 08:51 PM
سلامتك زهرة القدس ان شاء الله ما عقلبك شر
انت اليوم صمتي تقبل الله من الجميع
انا اليوم كنت عاملة محشي باذنجان
كان بشهي اتمنيتكم معي بكرة لسة ما قررت

سوسنة العسلي
11-08-2010, 01:00 PM
السلام عليكم ورحمة الله وبركاته وكل عام وانتم بألف خير وصحة وعافية
وان شاء الله متل هل الايام بنكون كل الاخوات على عرفة
ادعولي لاني كتير مشتهية الحج الله يكرمنا فيه جميعا اللهم آمين
انا خبرتك حبيبتي ام محمدانو السبت والاحد ما بيصحلي افتح الانترنت
وكمان بكرة عطلة عنا يعني كمان رح كون غايبة وبرجعلكم الاربعاءان شاله
ومبارح كنا عاملين مشاوي وسلطة واليوم زايد عندي بس بدي اعمل سلطةو100هنا للجميع
http://www.m5zny.com/upfiles/8vx10164.jpg (http://www.m5zny.com/)
[URL=http://www.m5zny.com/][img]http://www.m5zn

الوردةالحمرا
11-08-2010, 02:12 PM
شهيتونا عالشوي
انا امبارحة ساويت همبرغر
واليوم محشي كوسا

orfan
11-08-2010, 04:26 PM
الف سلامة عليك يازهرة
والله يتقبل صيامك حبيبتي ام محمد
والف هنا ياسوسنة على اكلة الشوي
نورتي ياالوردة الحمرا والف هنا على اكلة الكوسا
مبارح عملت فخدة مشوية بالفرن
واليوم مقالي بطاطة بالتوم والكزبرة ومكمور باتنجان وتبولة وحمص بالطحينة تفضلوا اهله وسهله

شوكولا مرة
11-09-2010, 09:37 AM
كيفكم جميعا والف صحة وهنا للجميع
انا كنت عاملة شاكرية وبرغل
واليوم بدي اعمل يخنة كفتة وبطاطا وفطر وجنبهم رز بشعيرية
تفضلوااااااا

ام محمد الاردن
11-09-2010, 10:11 AM
مرحبا كيفكم
شوكولا لامرة ان شاء الله الف صحة وهنا
سوسنة ريحة المشاوي لهون واصلة صحتين
عرفان الف صحة بس ايش مكور باتنجان يعني متبل
الوردة الحمراء انت جديدة على الشاشة صح هههههه الف صحة وهنا
بس يا جماعة وين ياسمينة ؟؟؟؟؟؟؟؟
انا راح اعمل مقلوبة زهرة بس مو على الغدا على على المغرب لاني صايمة تفضلوا معنا على الفطور

بتول ولجين
11-09-2010, 10:21 AM
هلا حبيباتي منورين
شوكولا مرة ان صحتين يا قلبي
سوسنة يا عيني يا عيني على المشاوي ما بقاومها ابدا هههههه
عرفان بالعافية على قلوبكم حبيبتي
بس ما فهمت عليكي شو هو مكمور الباذنجان؟
الوردة الحمراءحياكي الله بينا يا عسل
ام محمد الف صحة عالمقلوبة وصيام مقبول يا قمر
انا مبارح عملت برياني سمك مدام منال
طلع كتير لزيز
واليوم مو عارفة شو اعمل شكلي راح اطبخ زهرة بطحينية

ام محمد الاردن
11-09-2010, 10:27 AM
ان شاء الله الف صحة وهنا بتول الغالية انا هالاكلة بحبها كثير

shemo
11-09-2010, 12:53 PM
مش عارفه هعمل ايه بكرة
بس هعمل اليوم سمك مشوى ورز وسلطه على الفطار ان شاء الله

الوردةالحمرا
11-09-2010, 01:23 PM
صباح الخير
اهلا وسهلا بالكل

والله خجلتوني على هالترحيب
لما نقرأكل وحدة شوطابخة بتذكرونا باللاكلات الطيبة الف صحة وهنا للجميع
انا كمان عم بصوم
بدي اساوي شوربة عدس وكبابة مع بطاطا بالفرن

orfan
11-09-2010, 03:14 PM
الف هنا للجميع
حبيبتي ام محمد هذا رابط اكلة المكمور
http://www.manalonline.com/forum/showthread.php?t=20053
اليوم عامله كبسة بالدجاج مع بقية الاكلات من مبارح وسلطة
وصحة وهنا على قلوبكم جميعا
وصيام مقبول حبيباتي ايمو والورده الحمرا

أهله
11-09-2010, 06:01 PM
كل عام وانتم بألف خير..وصيام مقبول لكل الصايمين

النهارده عامله بسله وأرز أبيض وشوربه

وبكره إن شاء الله ....حعمل حمام محشى بالفريك ..بس مش عارفه أعمل إيه جنبه؟؟؟

ممكن بطاطس فى الفرن

orfan
11-09-2010, 08:04 PM
مساء الخير للجميع
الف هنا ان شاء الله يااهله على الحمام المحشي
بكرة راح اعمل ان شاء الله ورق عنب ومحشي قرع تفضلوا

ألطاف جاسم العوضي
11-09-2010, 08:50 PM
ألف شكر يا "بتول و لجين " و "أم محمد" للسؤال عني :)
ألف لا بأس عليك يا "زهرة القدس" وسلامات إنشاءالله .

غدا إنشاءالله سيكون الغدا: شوربة عدس + فتوش + شيش طاووق (قمت بتتبيلته قبل قليل) + بطاط مقليه + معكرونية خضار بالصلصة الحمره .
وحياكم الله .

ملاحظة: الغدا لغير الصائمين أما أنا والوالده راح نأكل نفس أطباق الغداء على الفطور لأننا صايمين .

ام محمد الاردن
11-09-2010, 09:16 PM
اهلة ان شاء الله الف وهنا يا عيني على الحمام بالفريك يم يم يم
عرفان بتحبي اساعدك بلف ورق العنب وبنضرب عصفورين بحجر بساعدك وبتعرف عليكي
الطاف فطورك بكرة مغري وبجوز آجي اشركم بالفطورانت وست الوالده
انا بكرة ناوية الف ملفوف (الكرنب) الي على باله ما يحرم حاله

بتول ولجين
11-10-2010, 10:06 AM
يا حبيبتي ام محمد اهلا وسهلا فيكي والله الزهرة طلعت بتشهي هههه
يعطيكي العافية ازا بدك اساعدك بلف الملفوف ههههههه
عرفان يسلمو عوصفة المكمور كنت حابة اتعرف عليها
وحرام عليكي ورق العنب ما بقاومه ابدااااااااااا الف هنا
اهلة منورة معنا والف هنا للحمام المحشي
الطاف الحمد لله عالسلامة وما عليكي شر حبيبتي
والف هنا وعافية عالغدا الشهي
اليوم ان شاء الله بدي اطبخ بامية ورز تفضلوووووووو

شوكولا مرة
11-10-2010, 10:10 AM
كيفكم يا ستات يا حلوات
الله يعطيكم الف عافية عالطبخات الطيبين
اليوم عملت كفتة مع بطاطا وفطر وجنبهم رز بالشعيرية
تفضلوا

الوردةالحمرا
11-10-2010, 11:17 AM
:bye:انا اليوم محتاااااااااااااااااااارة
اول شي متكاسلة شوي وبنتي فايقة مترشحة
يمكن نكمل بواقي الاكل الموجود

سوسنة العسلي
11-10-2010, 11:20 AM
الله يسعد صباحكم وكل اوقاتكم
وصحة و100هنا على اكلاتكم الطيبة
والله يتقبل من يلي عم يصوموا (نيالكم)ولا تنسونا من الدعاء لما بتفطروا
وسلامة كل يلي كانوا تعبانين ونحنا هون من كتر البرد زارتنا الانفلونزا بدور
واليوم ان شاله عاملة سبانخ بالحمة ورز بالشعيرية وشوربة

orfan
11-10-2010, 12:27 PM
صبحكون الله بالخير
الف سلامة عليكم ياسوسنة ان شاء الله ماتشوفوا شر
سلامة بنتك ياالوردة الحمرا

ام محمد الاردن
11-10-2010, 10:48 PM
الورده الحمراء سلامة بنتك
سوسنة الغالية ما على قلبكم شر
عرفان العزيزه الله يسعد صباحك ومساكي وكل العضوات
انا اليوم عملت مقلوبة لانة كان عندي ضيوف

ألطاف جاسم العوضي
11-11-2010, 08:12 PM
سلامتك يا سوسنه من كل شر ...
أم محمد حياك الله بأي وقت حبيبتي ...
اليوم كنا صايمين ؛ وكان فطورنا (كأيام شهر رمضان الكريم ) :
شوربة عدس ، سلطة عربية ، جريشة (مضروبة) خضار ، تشريبة لحم (ثريد) ، لقيمات .

orfan
11-11-2010, 10:24 PM
تسلمي حبيبتي ام محمد الله يسعد مساكي وصباحك
حبيبتي الطاف ان شاء الله صيام مقبول والف هنا
اليوم عملت معكرونة بالصلصة الحمرا وسلطة
وبكرة لسى ماقررت بعد

بتول ولجين
11-12-2010, 11:13 AM
الف سلامة عليكي حبيبتي سوسنة
انا اليوم بدي اطبخ شاورما
ونقعت الدجاج تفضلوووو

orfan
11-12-2010, 01:18 PM
صباح الخير ياحلوين كيفكون
اليوم مافي طبخ بدي اخد الاولاد على السوق واشتري هدايا العيد
وان شاء الله راح غديهم بمطعم سمك ويلي على بالو يتفضل يروح معي
على فكرة شو بدكون تطبخوا بالعيد
اتمنى لكم نهار سعيد احبتي

ألطاف جاسم العوضي
11-12-2010, 10:43 PM
إحنا صايمين من أول شهر ذي الحجه ... إنشاءالله يتقبل منا و منكم ...
فطورنا اليوم كان : فتوش + شوربة خضار + مجبوس دجاج + دقوس طماطم (صلصه) + حشو ( مصاحب للمجبوس ) + بلاليط .
وغدا أيضا صايمين بس إلى الآن ماقررت شنو الفطور !!!

شوكولا مرة
11-12-2010, 11:21 PM
كيفكم يا احلى طباخاااااااااااات
الله يتقبل صيام الصايمين
ويشفي كل المرضانين
ويطعمي كل الجوعانين
بكرة بدي اعمل مقلوبة باذنجان ولبن مع الخيار
اول يوم العيد محتارة شو اطبخ كان بدي لف ورق عنب بس جوزي بدو اعمل كبة سفرجلية
بس لسى ما قررت
تفضلو

سوسنة العسلي
11-13-2010, 04:08 PM
الله يسعد اوقاتكم يا أحلى صحبة في أرقى منتدى
والله يسلمكم جميعا من كل شر وأذى ومرض
والله يتقبل صيامكم وطاعاتكم آمانة من الصايمين إدعولنا عند الافضار
اول مبارح كنت عاملة رز بالبازاليا
http://www.al7aal.net//uploads/images/al7aal.com-e44cbff7b5.jpg (http://www.al7aal.net//uploads/images/al7aal.com-e44cbff7b5.jpg)
ومبارح سندويش شاورما لانو بنتي صايمة واتفقت مع صديقاتها يفطروا كلهم بالجامع وكل وحدة تجيب اكله مشان هيك ساويتهم واتغدينا منهم
http://www.al7aal.net//uploads/images/al7aal.com-3e66add802.jpg (http://www.al7aal.net//uploads/images/al7aal.com-3e66add802.jpg)
وعملت الغريبة طريقة الست منال شو طلعت روعة وقلت بما انو شغلت الفرن بعمل للصبايا قالب كاتواhttp://www.al7aal.net//uploads/images/al7aal.com-7565d19ebc.jpg (http://www.al7aal.net//uploads/images/al7aal.com-7565d19ebc.jpg)
وهي الغريبة اتفضلوا
http://www.al7aal.net//uploads/images/al7aal.com-bbe5b2e2e1.jpg (http://www.al7aal.net//uploads/images/al7aal.com-bbe5b2e2e1.jpg)
واليوم الزوايد وبكرة سمك ان شاء الله
وبالعيد ما في طبخ الغدا خارج المنزل
واذا قصرنا بالتواجد منكون عم نجهز للعيد
وكل عام وانتم بألف ميلون مليار بليار...إلخ خيروسعادة وراحة بال

بتول ولجين
11-13-2010, 06:25 PM
وانتي بالف خير حبيبتي سوسنة والله يعطيكي العافية يارب والك الاجر ان شاء الله
والله شكلهم بيفتح النفس ما شاء الله
والف هنا على قلبكم حبيبتي عرفان
تتهنو ان شاء الله
وبالنسبة لاول يوم العيد بما انه الدبايح شغالة فاكيد ان شاء الله بطبخلهم المعلاق تفضلووووو
ما هو عيد اللحمة ههههههه
الله يتقبل من الجميع يارب

ام محمد الاردن
11-13-2010, 10:05 PM
السلام عليكم كيفكم اخواتي
الله يعطيكي العا فية سوسنة ويسلموا على الغريبة شكلها بشهي
بتول الله يعطيكي العافية ومثل ما قلت عيد اللحمة ان شا ء الله كل عام والجميع بالف خير
انا اليوم عملت مجدرة وبكرة لسة مش عارفة
وين البقية كل وحدة اكيد مشغولة

ياسمينة.
11-14-2010, 10:13 AM
كيفكن يا احلى الطباخات
سوسنة الغريبة طالعة بتشهي
اليوم ما بعرف لسا شو بدنا نتغدى هههه

الوردةالحمرا
11-14-2010, 11:12 AM
صباح الخيرات
سلام للجميع والف صحة وهنا
اليوم بدي اطبخ فاصوليا
وبالعيد رز وكمأة
وكل عام وانتو بالف خير

ام محمد الاردن
11-14-2010, 09:44 PM
مساء الخير
ياسمينة وينك يا بنت الحلال غاطة ؟؟؟؟؟؟؟؟؟؟ مو مبينة

الوردهالحمرا ان شاء الله صحتين وعوافي بس ايش هي الكمأه
انا اليوم ما طبخت عملت حواضر بطاطا مقلية متبل باذنجان لاني رحت اجيب لبنتي الدواء من المستشفى وبالنسبة لبكرة مش عارفة بس لاوم تكون اكلة مرتبة لان الكل صايم بكرة ان شاء الله

زهرة القدس
11-15-2010, 01:08 AM
السلام عليكم ورحمة الله وبركاتة
الف صحة وهنا للجميع ياااااااااااااااا رب
انا اليوم اعملت دجاج مقلي ومع سلطات وبكرة انشاء الله محاشي ويمكن اغير
الله وحدو بيعلم....
المهم انتم كيفكم وشو اخباركم يا حلوين يا احلى فراشات بالمنتدى (ام محمد وبتول ولجين وسوسنة وعرفان وياسمينة ووالوردة الحمرة وصبا وتالا و... والكل والله )
معلش اعذروني لاني غبت فترة طويلة عن المنتدى والله كنت مريضة والحمد لله تحسنت
كل عام وانتم بالف خير وينعاد علينا وعليكم بالف خير يا رب
اختكم زهرة القدسhttp://www.sunna.info/souwar/data/media/30/eid4.jpg

بتول ولجين
11-15-2010, 04:27 AM
ياحبيبتي يازهرة الف الف سلامة عليكي حبيبتي
لا باس طهور ان شاء الله
نورتينا يا غالية
والف هنا وعافية على قلبكم

سوسنة العسلي
11-15-2010, 05:50 PM
السلام عليكم ياأحلى صبايا
كيفك ياياسمينة اشتقنالك عسى المانع خير
ويا أحلى زهرة القدس نورتينا برجعتك
ماشاء الله المنتدى كل ورود وزهوربأحلى حديقة
اليوم انا عاملة ملوخية ورز وشوربة وسلطة
وكل عام وانتم بخير

ام محمد الاردن
11-15-2010, 08:07 PM
كل عام وانتم بخير
بما انو بكرة العيد وكما هو مغروف عيد اللحمة راح اعمل المعلاق
الف سلامة زهرة ما على قلبك شر
سوسنة صحة وهنا على الملوكيةوليست الملوخية هههه هيك بسميها