المساعد الشخصي الرقمي

مشاهدة النسخة كاملة : شو بدك تطبخي بكرة



الصفحات : 1 2 3 4 [5] 6 7 8

هنودي
06-06-2011, 04:47 PM
شو مافي حدا عم يطبخ هل الايام

شوكولا مرة
06-06-2011, 08:08 PM
اليوم عملنا معكرونة بالبولونيز

هنودي
06-07-2011, 11:42 AM
انا اليوم عندي عزيمة للعشا ام على الغدا مو عاملي شي بدي اقلي بطاطة وعندي فاصولياء بالبندورة وسلطة والحمد الله
اما الشغل المسا الي بيحب يجي على العشا يتفضل

مسلمه 2
06-07-2011, 12:11 PM
هنوتي أسعد الله صباحك ومساك الله بكل خير
أنا بحب العزايم والمة شو رأيك تعزميني وبالمرة أساعدك
الله بعطيك العافيه ويعينك ع الجلي

هنودي
06-07-2011, 06:32 PM
انت بس قولي انك جاي وتكرم عيونك احلا عشى بينعمل على شرفك اخت مسلمة
اما بالنسبي للجلي على قولت امي رياضة
بس بالنسبي الي مملي هههههههههه

مسلمه 2
06-07-2011, 10:20 PM
http://www.up.qatarw.com/get-1-2010-1a13ucz9.gif

الله الله على الكرم الشامي
تسلمي عزيزتي هنودي بارك الله فيكي اكيد ما تقصري

شوكولا مرة
06-08-2011, 12:01 AM
كيفكم يا صبايا
اليوم عملنا عالغدا بامية ورز مممممممممممم شو طيبة

والعشا كنا معزومين وكان عشا فاخر
تبولة وسلطة فاصولية وذرة وحراق باصبعو
معكرونة بالبشاميل كبة مشوية فطاير سبانخ ولحمة وجبنة وفليفلة وزعتر
والحلو كان كيك النسكافيه وحلاوة الجبن وسلطة فواكه


شلون عزيمتك هنودي؟؟؟؟

ام عبير
06-08-2011, 01:27 AM
مرحبا صبايا كيفكم اليوم انا متاخرة كان عندي شغل بلبيت وما قدرت زوركم
اليوم عملت همبرغر لحم وسلطة وبطاطا مقلية وزهرة (قرنبيط)وجنبها ليمون بلكمون يييييييييييييييييي شي بيفتح النفس وعملنا صحن شوربا شعيرية لانه عنا مرضا بلبيت
هنودي يعطيكي الف عافية الله يقويك
شوشو يا سلام شي بيشهي والله الجو بدبي حافل شكله الله يسعدك ويهنيكي

شوكولا مرة
06-08-2011, 03:53 PM
شو الظاهر المطبخ مسكر؟؟؟
وين النشاااااااااااااااط؟؟؟؟؟؟

اليوم مارح نطبخ عنا من مبارح بامية ورز
بس عملنا رز بحليب وكاتو مموج

تفضلوو

هنودي
06-08-2011, 06:14 PM
صحة وهنا لكل د
كانت العزيمة الحمد الله موفقة وميسرة
عملت دجاج مشوي بالفحم وبعدين عملت خلطة وحطيتون فيها وعملت برياني لحم وعملت صينية لحمة وعملت فتوش وشورية وعملت كروسان جبنة وزيتون وعملت زعتر وشوكولا كمل
ومتبل بيتنجان وحمص
امن الحلا عملت كيك مخطط وعملت رز بحليب
ام اليوم ماطبخت عندي من مبارح

ام عبير
06-09-2011, 01:12 AM
مرحبا كيفكم اليوم انا متاخرة كان عندي شغل بلبيت
طبخت اليوم مفركة كوسا وسلطة ودجاج بصلصة الصويا والليمون على طريقة الست منال ومعكرونة اسباكيتي وشوربة

هنودي
06-09-2011, 07:36 AM
صحة ام عبير شو القصة صار عندك تاخير منيح

ام عبير
06-11-2011, 01:43 PM
اهلين هنودي ابتدا موسم الاجازات والفوضى هههههههههههههههه عقبال عندك
صبايا اليوم محتاره شو بدي اطبخ يمكن شاكرية ويمكن مقالي بيتنجان وبطاطا ومتبل وفتوش
ساعدوني شو اختار
بس هنودي وينك اليوم

مسلمه 2
06-11-2011, 02:06 PM
مرحبا ام عبير يعطيك العافيه
مالهم الصبايا اليوم مو بينات حتى هنودي النشيطه مختفيه
اللهم اجعله خير
اتفضلي ع الغدا انا عامله باميه وجنبها رز
مممممممممممم بشهي

هنودي
06-11-2011, 04:55 PM
يسعد مساكم يا قمورات
اليوم فقت كتير متاخرة ويادوب رتب البيت وكان عندي غدا من مبارح كنت عاملي فاصوليا خضرا وعملت متبل بيتنجان وحدون بيض بالبندورة منشان ست الحسن اليسار
اما على العشا جاي على بالي اعمل شاورما ما بعرف حسب الحمي
واليوم عملت حلة رحت كبيتو ما ظبط بنوب ههههههههههههههههه هي اخباري الطبخية وكتير جاي على بالي فيه قطر ياريت تعزموني على حلاوة الجبن من عند ابو البن او فطائر الجوز او الكنافي من عند الناطور او ووووووووووووووووووو
اكيد مللتكم ههههههههههههههه

هنودي
06-12-2011, 08:35 AM
وينكم يا ستات البيوت وين طبخاتكم يالله قوموا وارجونا مواهبكم

ام عبير
06-12-2011, 02:34 PM
مرحبا كيفكم احلى طباخات
بس انا ملاحظة بانه مافي طبخات
يسلموا ام ضياء على العزيمة
مبارح عملت مقالي زهرة وسلطة ومتبل وبطاطا اشتهيتكم كتير طيبين
اليوم انشا الله راح اطبخ شاكرية يلا تفضلوا
هنودي ما نسيت صحنك

هنودي
06-13-2011, 10:34 AM
تسلميلي يا ام عبير انا اليوم بدي اطبخ
فول مقلة وحدو تبولي ورز بفول الي ههههههههههه وحدون لبن ام الحلا فمبارح عملت كسترد بالشوكولا كتير طيب وعملت بوظة بالكاكو يمي حولو

صبا 2
06-13-2011, 11:45 AM
مرحبااااااااااااااااااااا لكل الصبايا الحلوين انا اشتقتلكن كتيررررررررررررررر
وانتو؟ ههههههههههههه اكيد اشتقتولي ههههههههههه
انا اليوم عاملة فتة الفروج وبطاطا مقلية اتفضلوووووووووووووو
لك احلى صبايا والله بتحبو احكيلكن شو طبخت كل فترة غيااااااااااااااااابي ههههههههههههههههههههههههههههههه
مابخلص للصبح خلص يلا مافي مشكلة بلاها ههههههههههههه


اشتقتلكن اشتقتلكن اشتقتلكن

ام عبير
06-13-2011, 03:56 PM
ونحنا صبا اشتقنالك الحمد الله على رجعتك انتي والنت بلسلامة
ما بدنا ياكي تتعذبي وتعدي ايام الغياب بيكفينا انك رجعتي
صبايا انا اليوم بدي اطبخ معكرونة بلبيشميل وباقي عندي شاكرية ورز من مبارح
والحلو بوظة فواكه

صبا 2
06-13-2011, 07:39 PM
الله يسلمك يا ام عبير خلص مارح اعد رح ابلش من جديد كل يوم بيومه انشالله

شوكولا مرة
06-13-2011, 11:29 PM
كيفكم صبايا شو اخباركم
الحمدلله على رجعتك بالسلامة يا صبا نورتي
وحشتيييييييييييييييييييييينننننااااااااااااااااااا اااااااااااااا
اليوم عملنا فروج مع خضار بالفرن كتيييييييييييييييييير طيبة
والحلو ترايفل ولقيمات

صبا 2
06-14-2011, 11:20 AM
مرحبا صبايا كيفكم
وانتي كمان وحشتيني شوشو يعدك شرطي ولا بطلتي ههههههههههههههههه
انا لسه مابعرف شو بدي اطبخ بس اقرر بقلكن ههههههههههههههه

beauty eyes
06-14-2011, 12:10 PM
فكرة رائعة يا سونة
بوركت اناملك
والى الامام:f1b18922f7eb6d5d034

صبا 2
06-16-2011, 05:16 PM
مرحبا ياصبايا شو هالكسل ماحدا عميطبخ شي هالايام
انا اليوم عملت معكرونة بصلصة البيتزا اسهل شي وماعملت حلو لاني كتير تعبانة اليوم
ومالي نفس اعمل شي

هنودي
06-16-2011, 05:25 PM
مرحبغا يا احلا صبايا اجيت لشوف الموضوع لقيتو بالصفحة التانية فعرفت ان عم تطبخو كتير ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انا اليوم عملت مقالي مشكلي وتبولي او الحلا كيك مخطط

ام محمد الاردن
06-17-2011, 07:09 AM
مرحبا احلا شيفات
اشتقتلكم كثيرررررررررررررررررررررررررر
اليوم بدي اعمل منسف والحلو هريسة
الي علىبالة لا يحرم حالة

صبا 2
06-17-2011, 01:18 PM
صباح الخير ياصبايا كيفكن
انا اليوم معزومة عند اهلي ومابعرف شو الغدا بس ارجع بحكيلكن شو كان الغدا
وصحتين وهنا لكل الصبايا
واهلا وسهلا يام محمد والله نورتي الموضوع لاتقطعينا مرة تانية منشتقلك
خبيلي شوية منسف بكرة بجي لعندك وباكلها ههههههههههههههههههههههه

بنت سوريا
06-19-2011, 02:03 AM
اهلين كيفكم

انا بكره بدي اطبخ كوسا محشي وورق عنب

صبا 2
06-19-2011, 11:00 AM
صباح الخير ياحلوات ياغايبات
كيفكن اليوم شو هالكسل اجى الصيف وبطلتو الطبخ ههههههههه
انا اليوم رح اعمل مجدرة الرز وخيار بلبن وشوية مخلل
وبهالشوب الحلو بوظة نبرد على قلبنا شوي

ام عبير
06-19-2011, 01:46 PM
مرحبا صبايا كيفكم
انا اليوم بدي اطبخ محاشي كوسا وورق عنب وملفوف
الظاهر انا وبنت سوريا نفس الطبخ يكون بدك تتغدي عندي او اتغدى عندك
ههههههههههههههههههههه

بنت سوريا
06-19-2011, 04:40 PM
ههههههههههه

لا انتي تعاالي انتي تغدي عندي

بكرة بدي اطبخ مجدرة ووسلطة وبطاطا مقليه

الوردةالحمرا
06-19-2011, 06:48 PM
الله يسلم ايديكن
عالاكلات الطيبة
انا ساويت فطاير بسبانخ وجبنة وبطاطا
وتبولة
والتحلاية على زوجي ياخدنا ويحلينا

صبا 2
06-19-2011, 06:56 PM
صحتين وهنا لكل الصبايا والله اكلات بتشهي
انا مابعرف لسه لبكرة شو بدي اطبخ

فرووحة
06-19-2011, 10:48 PM
مسا الخير لكل الصبايا
انا اليوم عملت بيتزا وفطاير سبانخ
وهلا قررت شو بدي ساوي بكرة رح ساوي دجاج كنتاكي مع بطاطا مقلية
اتفضلوا اهلا وسهلا
:clap2:

لمسة إبداع
06-19-2011, 11:47 PM
أنا راح أطبخ صينية دجاج بالثوم والخضراوات على طريقة منال العالم مع رز بالزعفران وباذنجان مقلي وفتوش

حياكم الله هلا وسهلا اقلطوا.

صبا 2
06-20-2011, 05:06 PM
صباح الخير ياصبايا الله يسلم هالايدين عالاكلات الطيبة
انا اليوم رح اعمل فروج بطاطا بالفرن وجنبها صحن فتوش اتفضلو ياصبايا امانة

ام محمد الاردن
06-20-2011, 09:50 PM
الف صحة وهنا صبايا
انا اليوم عملت مسخن ةالحلو خلية النحل وكمان بعجينة العشر دقائق عملت باقي العجينة (فردت العجينة بشكل طولي وحشيتها شوكولا ولفيتها على شكل رول ووضعتها يقالب الكيك) وصورتهم





http://im4.gulfup.com/2011-06-20/1308576824213.jpg ([url=http://www.gulfup.com/]http://im4.gulfup.com/2011-06-20/1308576824441.jpg)


http://im4.gulfup.com/2011-06-20/1308576824412.jpg (http://www.gulfup.com/)


http://im4.gulfup.com/2011-06-20/1308577367831.jpeg (http://www.gulfup.com/)

صبا 2
06-20-2011, 11:32 PM
تسلم ايدك حبيبتي ام محمد على هالاكلات الروعة
ياريتني عندك ادوق هالاكلات الطيبة

ام محمد الاردن
06-21-2011, 02:28 AM
تسلم ايدك حبيبتي ام محمد على هالاكلات الروعة
ياريتني عندك ادوق هالاكلات الطيبة


والله صبا يا ريت وان شاء الله بترجع الامور بسوريا الحبيبةلسابق عهدهاونقدرنزور سورياو بلكي بنلتقي بالاموي (الله كريم)

ام عبير
06-21-2011, 03:46 AM
مسا الخير صبايا الوم طبخت سمك مقلي ورز ابيض وسلطة
ام محمد الله يسلم ايديكي على هل الاكلات شي بيشهي مممممممممممممممممممممممممممممممممممم

ام محمد الاردن
06-21-2011, 04:06 PM
وايديكي حبيبتي ام عبير
اليوم بدي اعمل ورق عنب وكوسا
صبايا تعالوا لفوا معي وبنتغدى سوى(فرصةيلا)هههههههه

ام عبير
06-21-2011, 04:24 PM
يعطيكي الف عافيه ام محمد
يلا افتحي الباب جايه ساعدك

صبا 2
06-21-2011, 05:04 PM
صباح الخير ياصبايا كيفكن اليوم
الله يعطيكم العافية ام محمد وام عبير يمكن خلصتو اللف
انا اليوم عاملة مكسيكانو ورز اتفضلو والحلو كاتو بالاناناس

ام عبير
06-21-2011, 10:41 PM
يعطيكي العافية صبا بدنا الوصفة
هههههههههههههههههههههههههه
ما مننعطا وجه

عبير المطر
06-27-2011, 02:57 AM
فاصوليا خضرا باللحم ورز بشعيرية وسلطة خيار بلبن اذا احيانا الله لبكرة والحمد لله عالنعمة خ انا والحلويات مو اصحاب مافي شي يضبط معي الحمد لله على كل حال اهم شي الصحة والعافية السلام عليكم

ام محمد الاردن
06-27-2011, 05:25 PM
مرحبا صبايا
شيفات شو بدك تطبخي بكرة؟؟؟؟؟؟؟؟؟؟؟؟؟؟؟؟؟؟؟؟؟؟
شو ما عم تطبخوا ؟؟؟؟؟؟؟؟
شو هالكسل
والاشو السيرة
والله انا شايفة بعدسفر شوشو الشرطي لدبي
كسلتواااااااااااااااا

ام محمد الاردن
06-27-2011, 05:28 PM
على كل حال اليوم انا صايمة وبدي اعمل ورق عنب وكوسا
والحلو جاي على بالي اعمل قطايف بالقشطة
الي على بالوا لالالالالالالالالالالالالالا يحرم حالة

صبا 2
06-27-2011, 05:58 PM
مسا الخير عالصبايا والله يا ام محمد بهالشوب ماحدا عميشتهي يطبخ
شي ولاياكل شي مشان هيك الصبايا مكسلين عالصيف ههههههههههههههههههه
ام عبير بدك وصفة المكسيكانو كتير سهلة انا كل بكون محتارة بعملها بتجيبي فروج صدورة
بتقطيعها مكعبات وبفرمي فليفلة خضرا اصابع بس مو كبار المهم فليلفة خضرا وحمرا وصفرا
كلهم نفس التقطيع وبصل جوانح وتوم وفطر مقطع وذرة وبتقليهم بزيت زيتون ليدبلو شوي وبتحطي مكعبين ماجي
وبهارات اسمها بهارات المكسيكانو خاصة وشوية ملح وبهار وبعدين بتحطي الفروج المقطع وبتقليه معهم
وبعدين بتحطي شوية مي وبتغطيهن ليستو وجنبها رز مفلفل وصحتين وهنا
انا اليوم رح اعمل فلافل عربي والحلو رول ايس كريم كيك على هالحر

عبير المطر
06-28-2011, 11:12 PM
عزيزتي صبا شلون تعملي الايس كريم المنزلي

ام عبير
06-29-2011, 12:02 AM
يسلموا صبا على الوصفة شكلها شهية
انا اليوم عملت رز ببازلاء ولبن بخيار وعندي من مبارح كوسا محشي

ام محمد الاردن
06-29-2011, 04:36 PM
اليوم راح اعمل مجدرة وسلطة خيار بلبن
و الحلو عندي عوامة من امبارح
وصلى الله وبارك

شوكولا مرة
07-02-2011, 05:39 PM
صباح الخير يا شيفات كسلانات
اليوم رح اعمل مقلوبة فطر ولبن بالخيار وسلطة تفضلو
الحلو مو عرفانة لسى
بكرا الجميع موجودا بالمطبخ واللي مارح تجي رح اشتغل بالعقوبات ها

صبا 2
07-02-2011, 05:43 PM
مسا الخير عالصبايا الشيقات كيفكن اليوم
انا اليوم رح اعمل فروج بالبطاطا وجنبها صحن سلطة
اتفضلو امانة

هنودي
07-02-2011, 10:02 PM
مرا\حبا يا هوانم انا اليوم عملت مجدرة برغل وقليت بطاطة وسلطة مشكلي ومخلل خيار ولفت وملفوف وجزر والحمد لله اما الحلو مبارح عملت كيك ب7اب طلع شغلي والحمد لله

شوكولا مرة
07-04-2011, 04:35 PM
صباح الخير يا شيفات

اليوم رح اعمل خضار مع لحمة بكيس الفرن
والحلو رح اعمل بسكوت
تفضلو

هنودي
07-04-2011, 04:55 PM
انا اليوم عملت وخلصت ههههههههههههههههههههههههههههه
عملت فريكة وصينية دجاج وسلطة خس وسلطة خيار ولبن ومبارح عملت صينية غريبة مد مع التمر شو طلعة شغلي والحمد للله

ام محمد الاردن
07-04-2011, 06:27 PM
اليوم راح اعمل مسخن بالخبز وبدي اعمل كيكة الشوكولا
لاني صايمة والصايمة منكم تتفضل تفطر معي هههههههه
عم بمزح معكم الي على بالو لالالالالالالالالالالالالالالا يحرم حالة

صبا 2
07-04-2011, 06:55 PM
مسا الخير عالصبايا كيفكن يا شيفات
انا اليوم عاملة لحمة بكرز بتعرفو هلا موسم الكرز والحلو مافي لانها اكلة حلوة ومالحة ههههههههههههههه
ام محمد افتحيلي الباب انا جاي لعندك اتغدا ههههههههههههههههههه
حبيبتي نحن ماننعطى وش راسا منجي هههههههههههههههه

شوكولا مرة
07-05-2011, 03:45 PM
صباح الخير يا شيفات
اليوم انا صايمة و رح اعمل مخبص ( متبل وفوقو لحمة مقلية )
كاتو الجزر وسوكسيه
تفضلو

بنت عمان
07-05-2011, 04:14 PM
واااااااااااااو الفكرة وااااايد عجبتني اتسهل على ست البيت التفكير اليومي

انا صح ما متجوزة لاكنة دايما اروح اطبخ الغداء....

اليوم طبخت مجبوس لحم......

دمتي بود اختي

صبا 2
07-05-2011, 06:01 PM
مسا الخير ياصبايا كيفكن اليوم
انا اليوم عملت شيخ المحشي ورز والحلو ماعملت شي والله

هنودي
07-05-2011, 09:37 PM
مرحبا يا احلا صبايا انا اليوم عملت سلق مقلى وكان عندي لسى من مبارح صحن فريكة وصحن من صينية البطاطة وعملت حدون سلطة والحمد لله

بنت عمان
07-06-2011, 12:42 AM
والله باااااكر اظني بطبخ ........كوسة محشي مع معكرونة ب دجاج

والله اعلم

هنودي
07-06-2011, 01:21 PM
انا اليوم بدي اعمل قرع بالبندورة وصحن بطاطة مقلي وسلطة

بنت عمان
07-06-2011, 02:26 PM
مرحبااااااااااااااااااااااا واللة انا محتارة شو اطبخ

اعتقد بطبخ صالونة <مرق>سمك....

لانة امي وابوي بيحبو ا السمك بس اخواني ما بيحبوة والله يعيني اليوم على منازعهم علي الله يستر ياااااااااااارب

شوكولا مرة
07-06-2011, 04:33 PM
كيفكم صبايا
اليوم اجازة من الطبخ
عندي تنضيف براد هههههههههه
والحلو عندي من مبارح سوكسيه وكاتو الجزر وبوظة

صبا 2
07-06-2011, 07:47 PM
مسا الخير صبايا كيفكن
انا اليوم استراحة عندي اكل من امبارحة شيخ المحشي ورز

كلي رقة وحنية
07-06-2011, 11:31 PM
مسا الخير حبيباتي
انا اليوم طبخت بامية وبرغل
بس بكرة ماني طابخة هههههههههههههههههه
بكرا الطبيخ على زوجي هههههههههههههههههه
بيطبخ مشاوي هههههههههههههه

هنودي
07-07-2011, 04:00 PM
هههههههههههههههههه عجبتني الطبيخ على زوجي
هههههههههههههههه
انا اليوم بدي اعمل معكرونة بصوص البندورة ووقسم بالبن من شان ست الحسن اليسار
والهلا بدي اعمل ليالي لبنان

صبا 2
07-07-2011, 10:55 PM
ههههههههههههههههههههههه
فعلا حلوة هي الطبيخ على زوجي ههههههههههههههه
انا اليوم عملت فاصولية بزيت والحلو رح تنحلى برة بس مابعرف شو
زوجي عاملي مفاجأة الله يسترهههههههههههههههههه

اردنيه زرقاويه
07-07-2011, 11:02 PM
اليوم عملة منسف والحلو طبقات القرفه وبوضه

شوكولا مرة
07-09-2011, 12:23 AM
اليوم تغدينا برا مشاوي وتوابعها سلطة وحمص وبطاطا

شوكولا مرة
07-10-2011, 03:06 PM
اليوم عندي طبخ دجاج مع بطاطا وجزر وفطر وجنبهم رز
الحلو جاية عبالي اعمل محلاية على هالشوب


وين باقي فريق الشيفات

كلي رقة وحنية
07-11-2011, 12:26 AM
انا اليوم طبخت رز وملوخية طلعت بتشهي يييييييييييييييييييييييييييييييم
وراح اعمل رز بحليب للسهرة

صبا 2
07-11-2011, 12:35 AM
انا عملت اليوم مقلوبة الباذنجان وجنبها سلطة الجرجير
بس الحلو مابعرف شو بيدي اعمل

شوكولا مرة
07-11-2011, 04:00 PM
اليوم عاملة فاصولية خضرا وجنبها رز
تفضلو
الحلو من مبارح محلاية

صبا 2
07-11-2011, 04:07 PM
انا اليوم مو عاملة اكل اليوم عندي حوسة
وعندي اكل من امبارحة مقلوبة

كلي رقة وحنية
07-11-2011, 04:13 PM
انا اليوم راح اعمل بطاطا حمس مع سلطة ولبن
وبخصوص الحلو ما راح اعمل اليوم عندي غسيل وتنطيف

هنودي
07-12-2011, 09:19 PM
مساكم عسل يا شيفات
انا اليوم عملت فروج بروستد وقليت بطاطة وحمص ناعم وسلطة خس ام الحلا عملت رز بحليب حولوا

فرووحة
07-12-2011, 09:31 PM
انا اليوم عاملة رز وملوخية
وجربت امبارج طبق للست منال طاجن الروبيان طعمه لذييييييييييذ
اتفضلوا يا حلوين


:al7nan_19966829:

صبا 2
07-13-2011, 12:53 AM
مسا الخير يا صبايا كيفكم يا حلوين اليوم
انا اليوم عملت عجة بالفرن وجنبها خيار بلبن
والحلو عملت ملك شيك على شوكولا اللي بنفسه يتفضل امانة

صبا 2
07-13-2011, 12:58 AM
مسا الخير يا صبايا كيفكم يا حلوين اليوم
انا اليوم عملت عجة بالفرن وجنبها خيار بلبن
والحلو عملت ملك شيك على شوكولا اللي بنفسه يتفضل امانة

شوكولا مرة
07-13-2011, 01:07 AM
اليوم ماطبخت
عندي من مبارح فاصولية ورز

صبا 2
07-13-2011, 04:09 PM
انا مارح اعمل شي اليوم عندي اكل من امبارحة
عندي مباركة مشغولة ههههههههههههههههه

كلي رقة وحنية
07-13-2011, 04:18 PM
اليوم راح اعمل بامية وبرغل
بس حلو ما جلي على بالي اعمل

شوكولا مرة
07-13-2011, 05:45 PM
وانا عندي مباركة موفاضية لطبخ

بس يمكناقلي زهرة وبطاطا وسلطة عالسريع

شوكولا مرة
07-14-2011, 06:52 PM
اليوم رح اطبخ مقلوبة باذنجان وسلطة ولبن
والحلو لازم اعمل لانو بكرا ابو الشباب بالبيت
هههههههههههههه
ولازم نحتفل فيه
ههههههه

ام محمد الاردن
07-14-2011, 07:14 PM
ههههههههههههه اه ديري بالك على زوزك شوشو ههههههههههه
انا محتاره شو اطبخ
بتعرفوها لهالطيخة (حتاره شو اطبخ)

صبا 2
07-14-2011, 07:39 PM
هههههههههههههههههههههههههههههه
شوشو معك حق لازم نحليهم ونسليهم ههههههههههههههههههههه
ام محمد لا تحتاري ولاشي جيبي دليفري
انا اليوم معزومة عالغدا بالمطعم زوجي عازمني
والحلو جاي عبالي المشبك رح اجيب واجي عالبيت اتحلى ههههههههههههههه

شوكولا مرة
07-15-2011, 03:36 AM
ماعملت حلو التهيت بالشغل بعدين رحت لعند جارتي اجت من حلب رحت سلم عليها

يلا عندي بسكوت بالشوكولا منشربو مع القهوة بكرا وبعدين بساوي حلوووووووووووووووووووووووووووووووووو

شوكولا مرة
07-16-2011, 06:19 PM
اليوم رح اعمل مقالي
زهرو وباذنجان وبطاطا
وسلطة ومخلل لفت انا عملته ممممممممممممم شو طيب

صبا 2
07-16-2011, 09:24 PM
مسا الخير
انا اليوم عملت جزمز وجنبه سلطة المخلل
والحلو عملت كاسترد بالشكولا

NORMA
07-16-2011, 09:45 PM
مساء الخير حبيباتي انا ناوية اعمل بكرة مسقعة وسلطة وفلفل مدقوق(فلفل حار مشوي مع شوية طماطم مدقوقة وملح وندقهم في ما يسمى عندنا المهراس ) هدا لازم ناكل معه الخمير او المطلوع .عندنا المراة الشاطرة هي الي تعرف تعجن هدا المطلوع
2313

شوكولا مرة
07-17-2011, 04:13 PM
صباح الخير يا شيفاااااااااات
اليوم عندي طبخ غير شكل
بدي اعمل سجقات او بيقولولها بحلب قبيوات
بالاضافة للفتة وقدامها مخلل اللفت طبعا

ممممممممممممممممم

تفضلوا صبايا

صبا 2
07-17-2011, 06:25 PM
صباح الخيرررر ياحلوات
ماشاء الله عالطباخات الماهرات الله يعطيكي العافية
انا اليوم رح اعمل فريكة ورز وفوقها فروج محمر وجنبها صحن قتوش
والحلو لسه ماقررت مابعرف

ام عبير
07-17-2011, 06:42 PM
مرحبا يا احلى شيفات كيفكم اليوم
انا عندي طبخ من مبارح بامية ورز وصينية بطاطا بلدجاج وراح اعمل شوربة دجاج
والحلو عندي معمول بجوز وعجوة وبوظة

هنودي
07-17-2011, 09:38 PM
يسعد مساكم يا احلا شيفات
انا اليوم عملت برياني سمك وحدو سلطة خس وجرجير والحلة ماعملت بس الله يرضى عليه جبلي بوظة

صبا 2
07-17-2011, 10:49 PM
مسا الخير ياحلوين انا الصبح ماكتبت شو بدي اعمل حلووو
بس عملت وقلت اخبركم شوعملت عملت صينية هريسة او بالمصري بسبوسة
والله كتييررررر طيبة طلعت اللي عبالوو لايحرم حالوووووووو
اتفضلووو امانة ياصبايا قبل ما تخلص
والله لوعميتحل معي الصور كنت حملتها لكم

ام عبير
07-18-2011, 01:52 AM
صحة وهنا صبا خلص انا اخذت نصيبي يمممممممممممممممممممممممممممممممممممممممم
شو طيبة بتشهي

صبا 2
07-18-2011, 08:15 AM
انشالله صحتين وهنا حبيبتي

هنودي
07-18-2011, 02:16 PM
صباحكم متل بسبوسة صبا ههههههههههههههههههههه
كيفكم اليوم مو عرفاني شو بدي اطبخ يمكن اعمل معكرونة ومابعرف شو كمان بس اطبخ بخبركم اما الحلو اليوم عيد ميلاد زوجي لهيك بدي اعمل كيك وجليبالفواكة وبوظة

كلي رقة وحنية
07-18-2011, 03:55 PM
مممممممممممممممم نيالو جوزك ليلة سعيدة هنودي
انا بدي اعمل محاشي ممممممممممممم راح اكل اصابعي من هلق ههههههههههههههههههه

شوكولا مرة
07-18-2011, 04:17 PM
صحة وهنا صبايا
وكل سنة وجوزك بالف خير هنودي

اليوم مارح اطبخ عندي من مبارح سجقات ورح اعمل فتة

والحلو مو جاية عبالي اعمل شي
اعزموني لعندكم!!!!!!!!!

كلي رقة وحنية
07-18-2011, 04:27 PM
هههههههههههههههههههههه ما انتي عزمتينا هلق شو غيرتي رايك هههههههههههههههه

شوكولا مرة
07-18-2011, 04:32 PM
ههههههههههههههه
ماشالله عالسريع جوابك جاهز
عزمتكم عالصبحية
انتو عزموني عالحلو؟؟!!!!!!!!!!!!!!!

اردنيه زرقاويه
07-18-2011, 04:37 PM
اليوم انا عامل ورق دوالي وملفوف وكوسه محاشي والحلو من مبارح عملت دونات

كلي رقة وحنية
07-18-2011, 04:37 PM
ههههههههههههههههههههههههه
دقي عالخشب
لا حبيبتي الحلو من تحت ايدك غير شكل وما بيتفوت ههههههههههههههههه
يعني عالصباحية قهوة بس مو حلو بحكي كتير انا هههههههههههههههههه
لازم يكون في حلو

suzanabdallah
07-18-2011, 05:01 PM
صباح الخيرات عليكم كلكم بكره ما تطبخوا عازماكم على الغداء من عندى وكل واحد تختار على مزاجها
اولا الشوربات
http://images.panet.co.il/articles/01092006-132950-1.jpg
http://www.dm33.com/up/uploads/images/Dm33-com-dcd7f9d821.jpg
http://www.aawsat.com/2007/09/24/images/food1.438329.jpg
http://www.baddawi.com/forum/uploaded6/1_1262365898.jpg
http://www.3br.cc/forum/imgcache/1/50053br.jpg

suzanabdallah
07-18-2011, 05:04 PM
وثانيا السلطات
http://www.3br.cc/forum/imgcache/1/46823br.jpg
http://www.3br.cc/forum/imgcache/1/46833br.jpg
http://www.3br.cc/forum/imgcache/1/46843br.jpg
http://www.3br.cc/forum/imgcache/1/46853br.jpg
http://www.3br.cc/forum/imgcache/1/46873br.jpg

suzanabdallah
07-18-2011, 05:16 PM
والوجبه الريئسيه
http://1.bp.blogspot.com/_XDoiO-2seK0/Sm1qs1AOX3I/AAAAAAAAD88/jhxdgkRVofs/s400/%D9%88%D8%AC%D8%A8%D8%A9+%D8%A7%D9%84%D8%AF%D8%AC% D8%A7%D8%AC+%D8%A7%D9%84%D9%85%D8%B4%D9%88%D9%8A+% D9%85%D8%B9+%D8%A7%D9%84%D8%A3%D8%B9%D8%B4%D8%A7%D 8%A8.jpg
http://www.layaale.com/up/uploads/images/layaale-405cafe05d.gif
http://raddar.co.il/Files/37280699.jpg
http://forum.khleeg.com/imgcache/2/49455khleeg.gif
http://www.7oobk.com/vb/imgcache/2/472997oobk.jpg

suzanabdallah
07-18-2011, 05:21 PM
والحلو كمان
http://img260.imageshack.us/img260/5039/mouletounsiais8eq4.jpg
http://forums.graaam.com/up/uploaded16/250916_11232976678.jpg
http://www.alwatanyh.com/imgcache/5743.png
http://food.fatakat.com/photos/big/182.jpg
http://img175.imageshack.us/img175/5508/57276210pd7.jpg

suzanabdallah
07-18-2011, 05:27 PM
واخير العصير
http://www.qatarp.com/files/59/oi.l.bmp
http://www.qatarp.com/files/59/pol.bmp
http://www.qatarp.com/files/59/jhy.bmp
http://www.qatarp.com/files/59/htg.bmp
http://www.qatarp.com/files/59/kuji.bmp

suzanabdallah
07-18-2011, 05:31 PM
ونسيت الشاى والقهوة
http://www.hayah.cc/forum/hayahimgcache/1/20713hayah.jpg
http://www.hayah.cc/forum/hayahimgcache/1/20714hayah.jpg
http://www.hayah.cc/forum/hayahimgcache/1/20711hayah.jpg
http://forum.khleeg.com/imgcache/2/93242khleeg.jpg
http://forum.khleeg.com/imgcache/2/93244khleeg.jpg

هنودي
07-19-2011, 03:04 PM
شو هل الدلا يا سوزان
وانتو بخير يا اخلى اخوات بالدني
انا اليوم بدي اعمل فاصولياء خضراء وحدها سلطة خيار ولبن والحلو لسى عندي من مبارح بيقدوني اسبوع شوكولا تعالي لعندي ياقمر بتحضري وبيحضر واجبك

شوكولا مرة
07-19-2011, 04:02 PM
هنودي حبيبتي تسلميلي يارب كلك ذوووووووووووق

سوزان يسلمو ايديكي عالاكلااااااااااااات شي بيشهي بس هيك نحنا طماعين وما منصدق
بعدين كل يوم منقللك هاتي ههههههههههه



اليوم رح اعمل فاصولية خضرا بالزيت ممممممممممممم
ورح اعمل دجاج بالفرن مع خلطة ماجي كتير طيبة
وسلطة ومخلل وفليفلة
تفضلو

ابني عم ينق بدو كاتو يمكن اعمل كاتو الاناناس

صبا 2
07-20-2011, 02:14 AM
مسا الخير ياصبايا سوزان الله يعطيكي العافية والله غدا عالاصول تسلم ايدك
حبيبتي شوشو اذا ما وسعتك بيوتنا بتسعك عيونا بتشرفي
واذا ماكنت عاملة حلو بعمل لعيونك
انا اليوم عملت بامية ورز بالشعيرية والحلو ووووو
عملت كاتو بالشكولا

كلي رقة وحنية
07-20-2011, 07:13 PM
كيفكن يا صبايا
انا بدي اعمل كبسة مع لحمة وسلطة
والحلو بدي اعمل باف باستري

صبا 2
07-21-2011, 02:22 AM
مسا الخير يا حلوين كيفكم اليوم انشالله تكونو بخير
انا اليوم عملت تشكن برغر وجنبها سلطة جرجير والحلو بوظة على فريز

asrar
07-21-2011, 03:53 AM
مسا الخير يا حلوين
اخخخخخخخخخخخخخخخ يا رقة وحنية شو مشتهية الكبسة ممكن صحن

والله انا محتارة شو اطبخ شو في خيارات ممكن تساعدوني

كلي رقة وحنية
07-21-2011, 01:55 PM
ههههههههههههههههههه
مشان الكبسة اهلا وسهلا
ومشان الغدا لاتحتاري لا تعملي
معزومة لعند ام محمد هههههههههههههههه
بترتاحي ههههههههههههه

شوكولا مرة
07-21-2011, 04:05 PM
صباح الخير صبايا
يسلمو صبا عالعزيمة كلك زوء

اليوم رح اعمل سبانخ ورز
تفضلو

صبا 2
07-22-2011, 06:04 AM
مسا الخير
انا اليوم تغديت بالمطعم كوردون بلو وبطاطا وسيزر سلط

صبا 2
07-22-2011, 06:05 AM
مسا الخير
انا اليوم تغديت بالمطعم كوردون بلو وبطاطا وسيزر سلط

هنودي
07-22-2011, 08:35 PM
مساء الخير انا اليوم عملت صينة دجاج بالفرن سلطة خس والحلو موجاي على بالي اعمل شي

شوكولا مرة
07-22-2011, 09:27 PM
عندي من مبارح سبانخ ورز
وكاتو الاناناس

ام محمد الاردن
07-23-2011, 03:24 AM
اليوم الجمعة هاد يوم المقلوبة
عملت مقلوبة باذنجان الحلو ما عملت شي مع انة اليوم عبد ميلاد بنتي هدى وعدتها يوم ثاني

صبا 2
07-23-2011, 08:16 AM
مسا الخير ياصبايا
انا اليوم كنت معزومة عند اهلي امي كانت عاملة يبرق
والحلو كاتو بالبوظة

إسراء عمر
07-23-2011, 11:47 AM
الله يعطيكي العافية فعلا موضوع الطبخ محير كتير انا حبيت الموضوع :023:
انا اليوم عاملة مقلوبة ومبارح سمك وقبلو فتة دجاج وهي كمان اكلة سورية ما بعرف اذا باقي البلدان بيعرفوها ع كل حال هي كتير كتير كتير طيبة
انشالله تكون الاقتراحات عجبتكم:36_1_51:

صبا 2
07-24-2011, 01:35 AM
اهلا وسهلا فيكي حبيبتي اسراء
واقتراحاتك كتيررر حلوة
انا اليوم عملت كوسا بلبن والحلووو كاتو بالاناناس

شوكولا مرة
07-24-2011, 01:44 AM
مرحبا يا شيفات
اليوم عملت رز وبامية
وفاصولية بالزيت

هنودي
07-24-2011, 01:05 PM
صباح الخير يا هوانم كيفكم اليوم انا اليوم عاملي برغل ببندورة وسلطة خيارة ولبن وبدي اقلي صحن بطاطة

كلي رقة وحنية
07-24-2011, 01:43 PM
انا اليوم عاملة كواج هههههههههههههههههههه

شوكولا مرة
07-25-2011, 01:46 AM
اليوم عاملة سبانخ باللحمة ومسقعة وانجنار
طبعا هدول الطبخات لبابا

شوكولا مرة
07-26-2011, 02:23 PM
شو ماعم تطبخو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لسى ما جا رمضان !!!!!!!!!

اليوم رح اعمل سمك مقلي وطرطور وسلطة
تفضلووووووو

ام محمد الاردن
07-26-2011, 03:26 PM
الف صحة وهنا شوشو
اليوم عندي عزومة لبنات حماي
راح اعمل القدرة الخليلية وامبارح طبخت الهم منسف وبكرة بدي اهج من البيت هههههههههههههههههه

هنودي
07-26-2011, 04:11 PM
ههههههههههههههههههههه والله ضحكتيني يا ام محمد
الله يعينك حبيبتي تعالي عندي
شو شوشو بللشتي بالسمك
هههههههههههههههههههههههههههههه
انا اليوم عاملي مطبقة بامية لجوزي
وعاملي مقلوبة بيتنجان الي ولبنتي وحدون سلطة خيار ولبن ومخلل من شغل ايدي وصحن خضراخيار وفليفلة وبصل اخضر وجرجير ونعنع بس
ام الحلو ماراح اعمل بدي روح زيارة المسا باي

ام عبير
07-26-2011, 07:32 PM
مسا الخير
اليوم طبخت كبسة لح وحدا سلطة ولبن

razzoon
07-26-2011, 07:41 PM
اليوم ما رح اعمل شي من كتر ما سألت زوجي شو بدنا تنغدى بوكرة يئبر ألبي قلي ما تطبخي شي منتغدى برا يا سلام اتفضلوااااا وصحتين عا ألب الكل مممممم

flower juri
07-26-2011, 08:13 PM
اليوم طابخة ملوخية وجنبها رز
يلا صبايا تفضلوا

فرووحة
07-27-2011, 01:34 AM
والله يا صبايا مليت من التفكير بالطبخة لبكرة ساعدوني

شوكولا مرة
07-27-2011, 08:47 AM
اليوم مارح اطبخ عندي سمك وجمبري
اليوم عندي شغل الكبة لرمضان
بدي جهزها يعني مو فاضية للطيخ
طبعا رح اقلي صحن كبة لانو مو معقول اشتغل فيها وما دوقها هههههههه
وسلطة طبعا

تفضلو

هنودي
07-27-2011, 10:41 AM
اممممممممممم والي صحن ام منير لاتنسيني انا السبت اذا الله راد بدي اعمل كبة
ام اليوم مابدي اعمل شي عندي من مبارح بامية ومقلوبة وكمان اليوم رايحة على لولو حد بيتي بدي جيب كم غرض من شان رمضان
باي

ام محمد الاردن
07-27-2011, 11:04 AM
شوشو لا تنسي صحن كبة والا.....................
على فكرة انا ما بحضر مثلكم ...............
المهم اليوم بدي اعمل صيتيةدجاج مع بازيلا وجزر بالفرن ...... اتقضلواااااااااااااااا

فرووحة
07-27-2011, 08:51 PM
صحة وهنا شوشو عالكبة والله شهتيني ههههههه
انا اليوم عملت مقالي كوسا وباذنجان وبطاطا مقلية
مع صحن سلطة خس

شوكولا مرة
07-28-2011, 01:00 AM
تكرمو صبايا
هي صحن الكبة من مطبخي
تفضلوا

http://forum.hawahome.com/nupload/301318_1282857346.bmp

razzoon
07-28-2011, 02:03 AM
شوشوووووووووووووووووووووووووو تسلم ايديكي عالكبة ما شالله بتشهي مع انو اليوم بعتتلي جارتي كبة بس ما متل هي تسلم ايدك وصحتين عا ألبكن

شوكولا مرة
07-28-2011, 08:44 AM
اليوم بدي اطبخ انكنار - خرشوف - ارضي شوكي
وجنبو رز ولبن
وبدي اعمل حلو بس لسى ماقررت

ورح حضر التمر هندي والمحمرة واسلق الحمص

شوكولا مرة
07-28-2011, 08:45 AM
صحة وهنا رزون
ياريتك جنبي لدقك ياها
خلص مو مشكلة تفضلي لعندي وبعملك انتي والصبايا احلى كبة
تكرم عيونكم يا غوالي

ام محمد الاردن
07-28-2011, 09:25 PM
يسلموا شوشو على الكبة روووووووووووووعة ممممممممممم الريحة وصلت لعندي

اليوم ما كان جاي على بالي اطبخ مشيتها حواضر

فرووحة
07-28-2011, 10:27 PM
انا طبخت عن يومين صينية بطاطا ودجاج بالفرن
وسلطة خس
والسبت مافي طبيخ بمشيها حواضر منشان نحضر لرمضان

شوكولا مرة
07-29-2011, 08:51 AM
اليوم عندي من مبارح انجنار ورز
مبارح عملت حلو بارد احتفالا بعيد ميلادي ههههههههه
اليوم رح كمل تجهيز ورح اعمل السمبوسك

هنودي
07-29-2011, 02:22 PM
صباح الخير انا اليوم مابدي اعمل شي شو بس جوزي بيعطل هههههههههههههههههههههه

ام محمد الاردن
07-29-2011, 06:15 PM
اليوم الجمعة شو يعني



مممممممممممممممممممممممقلوووووووووووووووووووية

وبدي اجرب القطايف العصافيري على طريقة الشبف شوشو الشرطي

شوكولا مرة
07-30-2011, 08:40 AM
اليوم بدي نضف البيت مشان هيك مارح اطبخ
عندي بيتنجان مشوي ورح اعمل مخبص وصحن حمص
بدي اعمل شوي عجوة
تفضلو

هنودي
07-31-2011, 08:41 AM
صباحكم عسل والله فايقة محتارة شو بدي اطبخ

حلا.81
07-31-2011, 09:15 AM
صباحكن فل وعسل وياسمين الشام كيفكن حبيباتي شو عمتعملو فيني والله اغلب الاكلات السورية اللي ذكرتوها عاملتها من قريب بس بدي اعرف شو هي طباخ روحو حبيبتي سوسنة والله انا من حلب ومابعرفها ....عكل يمكن ناوية اعمل كسكسي وهي اكلة مغربية بس لذيذة او كواج وكل عام وانتو ياصبايا بألف ألف خير وكل الامة الاسلامية والعربية وشعبنا الحبيب في سوريا انشالله يارب بألف خير

شوكولا مرة
07-31-2011, 09:29 AM
صباح الخير يا حلوات
اليوم بدي جرب طريقة مندي تعلمتها وجنبها سلطة ولبن
تفضلوا

شوكولا مرة
07-31-2011, 09:33 AM
صباحكن فل وعسل وياسمين الشام كيفكن حبيباتي شو عمتعملو فيني والله اغلب الاكلات السورية اللي ذكرتوها عاملتها من قريب بس بدي اعرف شو هي طباخ روحو حبيبتي سوسنة والله انا من حلب ومابعرفها ....عكل يمكن ناوية اعمل كسكسي وهي اكلة مغربية بس لذيذة او كواج وكل عام وانتو ياصبايا بألف ألف خير وكل الامة الاسلامية والعربية وشعبنا الحبيب في سوريا انشالله يارب بألف خير

اهلا وسهلا فيكي حلا شرفتينا بالفريق هههه

الطباخ روحو اكلة سهلة وسريعة وخفيفة
بقلي لحمة مفرومة مع بصلة صغير ة عالنار بعدين بضيف كوسا مفرومة وبقلب بعدين بندورة مفرومة ومقشرة وبقلب الكل بحط ملح وبرها وبتركهم عالنار ليستوو وتنشف المرقة شوي مع التحريك كل حين
بدق نعنع يابس مع توم وبضيفهم بالاخير بقلبهم وبتركهم شي 5 دقايق وبقدمها قدامها فليفلة خضرا
وصحة وهنا

ام محمد الاردن
07-31-2011, 10:49 AM
اليوم rest

خلي الطيخ لرمضان

كل عام وانتو بالف خير

شوكولا مرة
08-01-2011, 08:47 AM
صباح الخير يا شيفات
كل عام وانتو بالف خير
رمضان مبارك للجميع

اليوم رح اعمل عالفطور
تمر + ماء
شوربة دجاج مع الذرة
كبة مقلية
فتوش
لحم بالعجين
محمرة
تمر هندي وقمر الدين

والحلو رح اعمل قطايف عصافيري
تفضلوااااااااا

بنت عمان
08-01-2011, 12:37 PM
اناااا اليوم رح اعمل على الفطور
1ـــــ سمبوسة

2ـــ فطاير

3ــــ خلية النحل

4ــــ كسترد

5ـــ شوربة دجاج

واتمني العايلة يعجبهم الفطور....

فرووحة
08-01-2011, 03:38 PM
انا عملت عالفطور شاكرية
والحلو قطايف عصافيري

شذى الياسمين
08-01-2011, 04:10 PM
وانا عملت فطور أمس

دجاج بالارز والكركم من وصفات اختنا منال
وشوربة ماجي بالشعيريه
وفتوش

والحلو بسبوسة جلاكسي
والعصائر فيمتو

بس تاني يوم رمضان محتاره شو اعمل

وكل عام وانتم بخير

razzoon
08-01-2011, 04:17 PM
كل عام وانتو بخير أنا اليوم فطرت عندبنت حماي ورق عنب وبوكرة ناوية اعمل شوربة كفتة وبيتزا والحلو لهلأ ماقررت وصحتينننن

شوكولا مرة
08-02-2011, 01:50 AM
اليوم
شوربة فطر
فتوش
لحم بالعجين لانومبارح ما اكلنا ( جارتي بعتت محشي ) ههههه
فول مدمس
قمر الدين وتمر هندي
والحلو عملت خشاف

تفضلوا

صبا 2
08-02-2011, 07:36 AM
مسا الخير وكل عام وانتو بالف خيررر
انا اليوم عاملة شوربة عدس سمبوسة
كبة نية وفتوش ومقلوبة الباذتجان وبطاطا مقلية
وسوس وقمر دين
والحلووو معروك شوكولا
وانشالله صيام مقبول وافطار شهي

شوكولا مرة
08-02-2011, 10:24 AM
صحة وهنا للجميييييع

صبا 2
08-02-2011, 11:50 AM
على قلبك حبيبتي شوشو
وصحة وهنا على قلبك كمان

شوكولا مرة
08-02-2011, 11:54 PM
صباح الخير

شوربة فطر
سمبوسك جبنة وخضار
تبولة - محمرة
معكرونة بالبشاميل

قمر الدين - جلاب

الحلو خشاف ويمكن اعمل قطايف عصافيري

تفضلوا

هنودي
08-03-2011, 10:00 AM
يسعد مساكم يا غوالي انا اليوم كان عندي عزيمة فعملت
او شي تمر ولبن
وبعدين شوريبة عدس
وبعدين فتوش
وقليت سمك وبطاطو وسمبوسك جبنة ولحمة دجاج
وعملت محشي بيتجان وكوسا ومتبل
والعصائر عملت فيمتو وتانج
والحلو صراحة ماعملت حطيت فواكة بس الضيوف جابو معهم قطايف جوز وقشطة
والحمد لله
اي صح وجارتنا بعتتلنا صحن معجنات

صبا 2
08-03-2011, 11:45 AM
مسا الخير ياصبايا انا اليوم عملت
شوربة خضار
وسمبوسة باللحمة وسبرينغ رول
ومحمرة على طريقة حبيبتي شوشو طلعت بتشهي
ولحمة بالفرن ( وبالشام بيسموها سبع دول على ما اعتقد)
وخيار بلبن
والحلو مشبك ولقم
والعصائر تمر هندي وسوس

شوكولا مرة
08-03-2011, 01:58 PM
صحة وهنا للجميع
صبا لحمة بالفرن منقللها بالشام كواج

ام محمد الاردن
08-03-2011, 02:45 PM
مرحبا شبفات
اليوم عملت
ماءتمر
عصيرجوافة ومانجا
ملوخية وزر ودجاج تحمير
الحلو رز بحليب

شذى الياسمين
08-03-2011, 03:24 PM
صحه على ألبكم عزيزاتي

وانا عملت

فتة اللحم بالباذنجان والحمص
والى جانبها أرز بالشعيريه
وسمبوسه
وشوربة ماجي
وسلطة

والعصائر ،، تانج ،، وفيمتو ،، وعصير جوافه

والحلو ،، حلى الاناناس بالكريمه

nilly
08-03-2011, 07:34 PM
صباح الخير يا حلوين
انشاءالله اليوم رح اعمل دجاج بروست وبطاطا مقليه وشورية نودلز وسلطة والعصير فيمتو وما في حلو لانو زوجي ما بحب من الحلو الا البسبوسة وما الي زمان عامليتها هههههههههههههه

هنودي
08-04-2011, 01:35 AM
صحة على قلبكم يا هوانم
انا اليوم عندي من مبارح فماراح اعمل غير شوربة

razzoon
08-04-2011, 02:07 AM
صحتين عا ألب الكل والله أنا اليوم عاملة خفايف نص الأكل عم بيضل ناوية
شوربة ذرة وفتوش ومجدرررررررة وعصير ورد وتمر هندي وتانج أورانج والحلو المسا جاييني ضيوف بالسهرة ناوية عالتشيز كيك وبقلاوة او كنافة لشوف اتفضلوا

شوكولا مرة
08-04-2011, 04:17 AM
اليوم رح اعمل شوربة سمك
سمك مقلي
طرطور- سمبوسك خضار
والحلو بدي اعمل قطايف عصافيري
قمر الدين

ام محمد الاردن
08-04-2011, 10:26 AM
عملت اليوم صينية دجاج بالثوم والليمون ومعكرونة بالخضار

ام محمد الاردن
08-04-2011, 10:29 AM
شوشو امبارح عملت قطايف على طريقتك وكانت روعة
يسلموا كثيررررررررررررررررر

الغربة
08-04-2011, 10:49 AM
انا عملت اليوم شوربة خضاار

وسمبوسه باللحم ومتبل وارز ابيض

ومكرونه صينية وفتوش

وفول بالخلطة

وعملت فيمتو

والحلا جبنية

شوكولا مرة
08-04-2011, 11:49 AM
صحة وهنا عالجميع

فرحت انو ظبطت معك القطايف يا ام محمد
انشالله صحة وهناااااااااا

ام محمد الاردن
08-04-2011, 11:57 AM
علىقلبك يالغلا

صبا 2
08-04-2011, 12:02 PM
مسا الخير ياصبايا
انا اليوم عملت شوربة فطر
وبطاطا مقلية ومحمرة وكبة نية
وعندي لحمة بالفرن من امبارحة
وعصير قمر الدين وتمر هندي
والحلوو قطايف

المجهولة5
08-04-2011, 09:15 PM
مممممممممممم ع اطباق
صحة وهناء
كيفك الغوالي
ام محمد
ام عبير
هنودي
شوشو
صبا
والله اشتقالكم
وخصوصا ام محمد لية فتررررررررررة عنها
وكمان زهووووووررررررة

امس عملت فتة كفتة
وسمبوسة جبن
صينية رقاق سمبوسة بشاميل هذا وصفة من ابتكار ههههههههه
عصير مانجو
والحلووو بسبوسة بكنافة
وكان عندي من قبلو فطائر سبانج
وشوربة حب بخضار

وبكرررة اللي هو اليوم
مادري ايش اعمل لان مرهق ومالي خلق ع طبخ
ممكن شوربو شوفان
سمبوسك بخضار
وبشو ف حسب الهمة

صبا 2
08-05-2011, 03:37 AM
اهلا وسهلا فيكي حبيبتي ام فادي من زمان مابينتي عليناا
كيفك ياعسل ان شالله صحة وهنا لكل الصبايا
انا اليوم رح اعمل
عندي شوربة من امبارح وصحن فتوش
وسمبوسك لحمة وجبنة ومحمرة
ورح اعمل فاصولية وبقلبها كوسا محشي ورز
والعصائر قمر دين وسوس وتمر هندي
والحلوو
كنافة بين ناررين ومعمول
اللي على بالو لايحرم حالوو

شوكولا مرة
08-05-2011, 06:49 AM
صحة وهنا صبا وام فادي وباقي الصبايا

اليوم عندي من مبارح شوربة سمك
معكرونة بالبشاميل
متبل بطاطا
تبولة
لفائف الهوت دوغ
تمر هندي وجلاب
الحلو عصافيري

تفضلواااااااااااااااااااااا

هنودي
08-05-2011, 06:59 AM
بسعد مساكم الله يعطيك الف عافية
انا اليوم عندي شوربة وعملت مجتمر وسمبوسك جبن وسلطة خس وعصير برتقال فريش
وعصير فيميتو
متبل و الحلو للمسا مابعرف شو اعمل
وصحة وهنا للجميع

ام محمد الاردن
08-05-2011, 07:40 AM
هلا ام فادي كيفك يالغلا
شوشو وهنودي والبطة صبا ههههههههههه
اليوم يا شوشو الجمعة انتي احكي شو راح اطبخ؟؟؟؟؟؟؟؟؟؟؟؟؟؟
اما الحلو لسة مش عارفة شو اعمل
والعصير خرووووب
شورية شعيرية

شوكولا مرة
08-05-2011, 10:10 AM
صحة وهنا جميعا

ام محمد بما انو اليوم جمعة رح تطبخي مقلوبة
صح؟؟؟؟؟؟

شفتي كيف منعرف شورح تطبخي هههههههههههههههه

هنودي شو هاد مجتمر ؟؟؟
فسري واشرحي

ام محمد الاردن
08-05-2011, 10:55 AM
برااااااااااااااااااااااااااااااافوا عليكي يا شوشو بالفعل كبخت مقلوبة باذنجان

وهنودي على السرررررررررررررررررررررررريع فسري شوووووووووووو يعني مجتمر والا ............؟؟؟؟؟؟؟؟؟؟؟

ام عبير
08-05-2011, 06:05 PM
صباح الخير كيف الشيفات راح عطيكم ملخص طبخاتي
اول يوم تمر+قهوةعربي ملوخية ورز بشعيريةوتبولة ويلنجي وسمبوسك مشكل لحم دجاج خضارجبنة وشوربة الفطر
والحلو سمبوسك بلمكسرات وكوب كيك وعصير مشكل وتوت
اليوم التاني قهوة عربي ورطب وتمر كان عندي باقي الملوخية والرز وورق العنب وتبولة وسمبوسك وشوربة شعيرية والحلو لقمة القاضي والعصير نفسه
اليوم التالت تمر ورطب وقهوةعربي شاكريةو رز وشوربة فطر وكبة مقلية ومشوية

اليوم الرابع تمر ورطب وقهوة عربي
سمبوسك مشكل مشوية بلفرن وفتة لحم ومعجنات رول اللحم بلموزاريلا وشوربة شعيرية وسمبوسك
والحلو حلا قهوة كب كيك بلفستق وعصير مشكل ومنكا

اليوم الخامس تمر ورطب وقهوة عربي
والفطور كان جاهز صفحية شامية وفطائر سبانخ وزعتر وشوربة خضار بس طبعا شغلي
وسلطة وسمبوسك
والحلو قطايف عصافيري
والحمد الله على النعمة
وصحة وهنا على قلوبكم كل يلي عم تطبخوه والله يعطيكم الف عافية

ام محمد الاردن
08-06-2011, 12:38 AM
الله يعطيك الف عافية ام عبير
اليوم راح اعمل ورق عنب وكوسا
الشورية شوربة خضار مع الفريكة
الحلو ليالي لبنان
العصير كركديةو خروب

شوكولا مرة
08-06-2011, 03:12 AM
صحةوهنا صبايا
الله يعطيكي العافية ام عبير بس مرة تانية لا تغطيييييييييي


ام محد شو آخدة طبختي اليوم؟؟؟؟؟؟؟؟ ههههههههههههههه



اليوم عندي عزيمة والشغل كتير الحمدلله

رح اعمل
شوربة دجاج مع الذرة
فتوش
كبة مقلية---- وبيجوز اقلي سمبوسك لسى ما بعرف
يبرق ( ورق عنب ) وكوسا
بامية ورز
معكرونة بالبشاميل ( لزانيا)

تمر هندي - قمر الدين

الحلو كنافة -

صحة وهنا للجمييييييييييييع

كلي رقة وحنية
08-06-2011, 03:39 AM
مسا الخيرات حبيباتي
انا عندي اكل من مبارح
كنت عاملة عزيمة وفضل اكل
بس احسن رتحت بعد العذاب
عندي اليوم
شوربة بالعدس
وكبسة بلحمة
وبطاطا مع فراريج بالفرن
ويبرق وكوسا
وسمبوسك
وفطاير بزعتر ونقانق
بس راح اعمل عصير بس
وحابة اعمل كوكتيل بموز وتفاح وعسل وفريز

صبا 2
08-06-2011, 03:53 AM
الله يعطيكن العافية ياصبايا شو هالاكل الطيب
والله جوعتوني الواحد ما يدخل عالمنتدى وهو صايم
ههههههههههههههههههههه
ام عبير الله يعطيكي العافية ومتل ماقالتلك شوشو لا تغطي
بيني كل فترة
انا اليوم عندي اكل من امبارحة وكلشي تمام بس تسخين
وخلصت وراحت الحمدالله
وانشالله الف صحة وهنا لكل الصبايا

ام عبير
08-06-2011, 06:11 AM
اهلين بلصبايا الله يعافيكن يا رب
اليوم راح اعمل فول مقلاه وراح اقسمه نصين نص بتبله بلبن ونص ساده
وشوربة دجاج مع ذره وفتة حمص بدوة
والحلو قطايف عصافيري والعصير مشكل

شوكولا مرة
08-07-2011, 01:45 AM
صباح الخير
بدي اعمل اليوم شوربة
كبة مقلية
عندي من مبارح يبرق وكوسا
فتوش
والحلو مابعرف شو رح اعمل

صبا 2
08-07-2011, 04:01 AM
مسا الخير ياصبايا كيفكن وكيقفالطبخ معكن اليوم
انا رح اعمل شوربة فطر وكبة نية
ومحمرة وبابا غنوج ورح اعمل
اوزي وسمبوسك باللحمة وفتة المكدوس
والعصير تانج بالدراق وعصير الرمان
والحلوو والله مابعرف شو رح اعمل

هنودي
08-07-2011, 12:37 PM
هنودي شو هاد مجتمر ؟؟؟
فسري واشرحي
هههههههههههههههههههههه
انكتبت غلط ياقلبي
مجامر اذا ما بتعرفيها تكرم عينك بخبرك عنها هي اكلي يبرودية اهل يبرود بيعملوها
انا اليوم عملت ملفوف وسلطة خيار ولبن وعصير فيمتو والحلا قطايف قشطة وجوز

صبا 2
08-07-2011, 12:53 PM
والله حبيبتي انتي كريمة ونحن منستاهل المنيحة مابدهااا
سؤال اكيد بدنا تخبرينا عنها بلكي عجبتنا وحبينا نعملهااا
ههههههههههههههه

شوكولا مرة
08-07-2011, 01:22 PM
ههههههههههههههههههههههه

يعني فسرتي؟؟؟؟؟؟؟؟؟؟؟؟
وفسر الماء بعد الجهد بالماء هههههههههههه


يعني مافهمنا المجتمر لحتى نفهم المجامر هههههههههه

فسري واشرحي

صبا 2
08-08-2011, 11:41 AM
هههههههههههههههه
الله عليكي يا شوشو ههههههههههههه
انا اليوم ماعملت شي تقشيطات مشان
ماينكب شي حراام

شوكولا مرة
08-08-2011, 01:08 PM
مبارح خلصت كل شي بالبراد ( تصافي )
اليوم كلو جديد
طبخت
شوربة عدس
فطاير عروق ( اكلة عراقية ) بس كتييييييييييييير طيبة مع الشوربة
محمرة
سمك مقلي وطرطور
سلطة بقول ( فاصولية حمرا وحمص وذرة ) مع خس ومايونيز
تمر هندي

وعملت مشبك وطلع يميييييييييييييييييييييييييييييييييييييييييي

ام محمد الاردن
08-09-2011, 12:12 AM
احنا مصرين على راينا بدنا نعرق الاخ مجامر هنودي هههههههههههههههههه

امبارح كان عندي تنضيف البراد
اما اليوم قاصوليا خضرة ورز
شوربة بصل
اما الحلو مشبك علة طريقة ام شوشو
العصير عملت من امبارح كركدية وخروب

شوكولا مرة
08-09-2011, 01:32 AM
صحة وهنا صبايا

شايفة الكل كان عندو تنضيف براد بنفس اليوم ههههههههههههههههه

شو متفقين؟؟؟؟؟

اليوم عندي شوربة عدي وباقي عروق شوي
بدي اعمل تبولة وفتة لحمة وباقي قطعتين سمك بيمشي الحال
الله يديم نعمته علينا يارب

والحلو مشبك من مبارح
يميييييييييييييييييييييي شو طلع طيب
تزكرتكم مبارح وانا عم اعملو

شوفو منظرهم بالمقلاية


http://www7.0zz0.com/2011/08/09/11/737414994.jpg



وهي بعد القلي


http://www7.0zz0.com/2011/08/09/11/626932614.jpg

حنين مصر
08-09-2011, 04:30 AM
بدى اعرف طريقة المنسف اللى بتقولوا عليها شوقتونى كتير وبدى اعملها .....حنين من مصر

اردنيه زرقاويه
08-09-2011, 04:48 AM
يا سلام عليكم يا صبايا والله شهتوني ع اكلاتكم انا اليوم عامل شوربة خضار ومفتول وسلطه وسمبوسك والحلو قطايف جوز

شوكولا مرة
08-09-2011, 04:55 AM
اهلين اختي حنين نورتي معنا

تكرم عينك رح نخبر ام محمد هي اختصاصها مناسف هههههههههه

رح تلاقي طلبك عندها انشالله

ام عبير
08-09-2011, 05:20 AM
يا سلاممممممممممممممممم على الطبخات الشاطرات
الله يعطيكم الف عافية عم تتعبوا بلمطبخ بلشهر الكريم
انا اليوم بدي اطبخ ستيك بلفطر وسلطة وبطاطا مقلية ومعكرونة بلبشاميل وشوربة شعيرية وشوربة دجاج بلذرة
و سمبوسك مشكل وعصير تمر هندي وجوافة
والحلو بسبوسة بلقشطة على طريقة المبدعة منال العالم

اردنيه زرقاويه
08-09-2011, 06:56 AM
اهلا وسهلا حنين المنسف الاردني سهل كتير http://www.manalonline.com/forum/showthread.php?t=23794 اتفضلي وبتقدري تعملي بجاج كمان نفس اطريقه اتمنا انو يعجبك واي استفسار انا بل خدمه :7e1cc57dd09a50d64c7

ام محمد الاردن
08-09-2011, 08:26 AM
نكرم عيونك حنين وشوشو
المنسف
كيلو لحمة خروف
كيلو رز حية قصيرة(رز مصري)
لسلق اللحمة راس بصل عود قرفة ورقتين غار 10 حبات هيل

لبن رايب حوالي كيلو ونص بنعملة على ابريق الخلاط وبنضيف اما ملعقة اكل نشاء او بيضة
وبنخفقهم وبنغليهم بطنجرة صغيرة وبتنركهم على جنب

الرز بننقعه وبنطبخة مثل الرز الي بتعملية للفاصوليااو الملوخية

اللحمة بنسلقها وبنشيل الزفره عن الوجهة وبنضيف البصل وورق الغار وعود القرفة والهيل
حتى تستوي اللحمة
وبنملح اللحمة
بناخد اللحمة وبنقص المرقة عنها للريع
وبنضيف اللين المغلي ونضع باكيت ماجي على اللبن
واذا موجود عندك بهار السمنة البلدية (جواجة السمنة من عند العطار )
وبجب اضيف ملعقة هيل مطخون على اللبن
واتركهم بغلو حوالي5 دقائق


التقديم

قطعي خيز و ضعية بجاط التقديم او السدر ونضع من اللين المطبوخعلة الخبز بس ما تكثري لبن

تضع الرز فوق طبقة الخبز
وتضع اللحمة علة الرز
ويزين باللوز زالصنوبر

ويوضع اللبن بطنجرة او جاط عميق ويصب علة الاكل وحسب الحاجة والف صحة وهنا

بتمنى تكون واضحة ومفهومة

هنودي
08-09-2011, 11:40 AM
ههههههههههههههههههههههههه
الله يسعدكم والله فرط من الضحك على اسيد مجامر
ههههههههههههههه
تكرم عيونكم المجامر طريقتها
العجينة
كيلو طحين و3ملاعق حليب بودرة وملعقة كبيرة سكر و ملح و1ملعقة خميرة حب وملعقة صغيرة بكم بودر
وبيضة وزيت عافية مقدار كاسة شاي
ونعجنها منيح وتتركها تتخمر
الحشوي لحمة مفرومة ناعم 4\3الكيلو
و2حبة بندورة مفرومة ناعمة
وبصلتين كبار كمان مفرومة فرم ناعم
4حبات بيض
وملعقة كبيرة فقلفل اسود
و2ملعقة دبس رمان
وملح
ونص باقة بقدونس هي زيادي من عندي ههههههه
المهم نخلطهم كلهم مع بعض كلو ني مو مطبوخ

نعمل العجينة دوائر صغيرة ونحفرها حفرة صغيرة بقلب العجينة يعني بدها تصير العجينة متل الارضي شوكي
http://i288.photobucket.com/albums/ll164/aljawarh/RachidaAmhaouch_Gratins2-15.png

هي الارضي شوكي العجينة لازم تكون حفرة العجينة متل هل الحفرة ب تعمليها بعمل حفرة صغيرة ومن ثمة الضغط على الاطراف العجينة نحصل على المطلوب وبتحطي الحشوي السابقة فيها وبتحطيها بالفرن ومابتاخد كتير وقت بالفرن حوالي 10 قائق
جربوها كتير كتير طيبة

صبا 2
08-09-2011, 12:25 PM
مسا الخيرر عالصبايا
الله يعطيكي العافية شو هالاكلات الظريفة
هنودي الله يعطيكي العافية اكلة جديدة بس شكلها طيب
ام محمد الله يعطيكي العافية عالمنسف الرائع
شو الظاهر الكل اليوم عامل اكل جديد ههههههههههههه
انا اليوم عملت شوربة خضار
وسمبوسك لحمة طلعت مالحة هههههههههه
وشرحات مقلية وبطاطا مقلية ومحمرة وسلطة خشنة
والعصيرر قمر دين وتمر هندي وعصير تانج دراق
والحلو مااااافي للاسف لاني اتعبت ماعملت شي

هنودي
08-09-2011, 12:50 PM
صحة وهنا
انا اليوم عملت ورق عنب
ومعجنات وسمبوسك
ومتبل بيتنجان
وسلطة خير ولبن والعصير برتقال
والحلو قطايف عصافيري وجوز وقشطة
حولوا

شوكولا مرة
08-09-2011, 03:18 PM
صحة وهنا ياحلواااااااااااااااااااااااات
ماشالله اليوم الصفحة عمرانة بالاكل هههههههههههههههه
يسلمو هنودي عالمجامر وام محمد عالمنسف

رح جربون

سلام يا امامير

شذى الياسمين
08-09-2011, 03:48 PM
صحه ع البكم جميعا
ويسلمو على طريقة المجامر اول مره اسمع فيها
ان شاء الله اجربها


اليوم ناويه اطبخ
ملوخيه وحابه اعمل حلو بين نارين


وصوما مقبولا للجميع

ام محمد الاردن
08-10-2011, 12:41 AM
اليوم بدي اعمل محاشي بيتنجان وكوسا
اما الحلو هريسة
العصير راح اعمل كركدية
وصلى الله وبارك

شوكولا مرة
08-10-2011, 01:34 AM
لسى ما قررت
بس قرر بقول

اردنيه زرقاويه
08-10-2011, 04:01 AM
والله يا صبايا زعلتوني منكم ليش منسفي ما عجبكم هههههههه على كل حال انا عامل اليوم جاج قلي ومتبل ومحمر على طريقة شو شو وسمبوسك وكبه وبطاطا قلي والعصير تمر هندي وليمون والحلو ما عملة اشي بدي اجيب جاهز

هنودي
08-10-2011, 10:04 AM
يسعد مساكم ياحق كيفكم اليوم

شوكولا مرة
08-10-2011, 10:45 AM
لاتزعلي اردنية مو هيك قصدنا
بس نحنا تنابل ما منحب نفتح روابط كتير هههههههههه
منحب نلاقي كل شي عالجاهز ههههههههه
على كل حال يسلمو ايديكي


اليوم عملت شوربة بندورة
سمبوسك جبنة وخضار
فول مدمس
فتة لحمة
عصير فواكه

والحلو كريم كرميل

اردنيه زرقاويه
08-10-2011, 11:26 AM
لا على سلامتكم ام منير انتو الخير والبركه

صبا 2
08-10-2011, 11:32 AM
لا حبيبتي اردنية لاتزعلي منسفك كمان رووعة
بس متل ماقالتلك شوشو نحن كسالا ههههههههههههه
انشالله صحتين وهناا للجميع انا اليوم عملت
شوربة خضار وكبسة باللحمة وصوص البندورة اللي جنب الكبسة
وسمبوسك والعصير تانج وقمر دين وتمر هندي
والحلوو كنافة نابلسية

اردنيه زرقاويه
08-11-2011, 06:50 AM
انا اليوم عامل منسف والحلو جيز كيك و العصير جاهز من عند ابو احمد ههههههههه تعرفي ام محمد

هنودي
08-11-2011, 09:07 AM
السلام عليكم انا اليوم طبخت فاصولياء خضراء بزيت وتوم وسلطة خس
والشوربة عندي كان عدس
والعصير عصير فيمتو
والحلا كان عندي كيك قطعتو وحطيتو بصينية وعملت كسترد صبيتون فوقهم ورشت فوقهم فستق حلبي طلعة طيبة يمي

شوكولا مرة
08-11-2011, 12:33 PM
اليوم فطرت برا مشاوي وتوابعو ( حمص متبل تبولة
شوربة وفطاير
وجلاب وقمر الدين
الحلو كان قطايف جوز

هنودي
08-11-2011, 12:46 PM
صحةوهنا للكل شو محدا فطر لسى هههههههههه

ام محمد الاردن
08-11-2011, 12:54 PM
اليوم عملت صينية كفتة ودخلتها الفرن وعلة الغاز عملت شورية خضاربالفريكة
ودخلت اريج جسمي ريع ساعة ونمت وقمت ولقيت الصينية ملزقة وناشفة ما عليها مرق هههههههههههههه
شو بدي اساوي شلتها من الصبنبة وحطيتها بصبنبةثانية ومشسي الحال
وعملت سلطة لين بخيار عشان اغطي على .......... الي لزق هههههههههههه
والحلو ليالي لبنان


اردنية انتي شاريةالعصير من عند ابو احمد هههههه وان سمعك زوجي بتساليني عن الاخ ابو احمد هههههههههههه
هههه شو اقلة اه احكي الي ههههههههههههههههههههههههههههه

شوكولا مرة
08-11-2011, 01:04 PM
ماشالله عليكي ام محمد دبرتيها بسرعة وغيرتي الصينية
بس يا ريتك صورتيها لنشوف الشطارة

شوكولا مرة
08-11-2011, 01:08 PM
اردنية طمنيني شلون طلعت المحمرة؟؟
واذا سمحتي عطينا اسم نناديلك فيه اخف من اردنية زرقاوية
هههههه

ام محمد الاردن
08-11-2011, 01:19 PM
شوشو والله اجت ببالي اصورها بس قلت بلا فضايح بت بنت

اردنية زرقاوية والله يا ريت
بدنا ساعة واحنا بناديكي هههههههههه

اردنيه زرقاويه
08-12-2011, 06:20 AM
ههههههههههههههه ليش في حدا بزرقاء ما بيعرف عصير ابو احمد
خلص ام محمد بعزمك انتي وياه ع نفس المحل وهيك ما بشك جوزك

اردنيه زرقاويه
08-12-2011, 06:22 AM
بسيطه انا ام عون والبنوته سندس زي ما بدك نادوني ههههههههههه
اليوم انا ما عملت اشي تقدرو تحكو تفضايا لتلاجه والحلو عملت دونات وكب كيك جوزي بيتوحم ع الكب كيك ههههههه والعصير اناناس وتمر هندي
المحمره والله يا شوشو يسلم اديكي عليها طلعت بتشهي ما يوم واتاني الا تكون ع اسفره

شوكولا مرة
08-12-2011, 06:30 AM
اهلا بالبنوتة سندس

صحة وهنا عالمحمرة

اليوم انا عاملة
شوربة فطر
فطاير جبنة
مقلوبة بيتنجان هههههههههههه اليوم جمعة ام محمد
والله بالصدفة ههههه هلأ انتبهت

سلطة لبن بالخيار
فاصولية بالزيت

والحلو عملت مهلبية

ام محمد الاردن
08-13-2011, 02:04 AM
هههههه ما حزرتي شوشو
المرة عملنا منسف

ام محمد الاردن
08-13-2011, 02:13 AM
سندس لا والله ما بعرف للاخ تاع العصير ههههههههه
اعطيني عنوانة وصدقيني الا الروح واشتري من عنده
اليوم ما بدنا طبخ
فطورنا حمص وفول وفلافل وراح اعمل سلطة وشوربة امممممممممم اكلة ملوكية وما بتكركب المطبخ هههههههههه
اما الحلو لسة ما قررت !!

اردنيه زرقاويه
08-13-2011, 02:47 AM
ههههههههههههههه حرام عليكي ام محمد في حدى ما بيعرفو
انا اليوم عامل صينية خضار بلحمه بل فرن وشوربه فريكه والحلو كنافه بين نارين
والعصير خروب وقمر دين

شوكولا مرة
08-13-2011, 10:50 AM
اليوم فطرنا جاهز
بيتزا وسندويش فيليه دجاج
وعصير برتقال

صبا 2
08-13-2011, 01:31 PM
مسا الخير ياصبايا مشاء الله عليكي حبيبتي شوشو
صايرة عمتاكلي جاهز كتيررر انشالله صحة وهنااا يارب
شو ياصبايا مافي حدا عميطبخ غير شوشو وام محمد وام عون
شو هالكسل هههههههههههههههههه
انا اليوم عملت شوربة عدس
ومعكرونة بشاميل وبطاطا مقلية ومحمرة وسمبوسك
باللحمة والعصيرر تانج والحلوو مافي للاسف عمبسمن
قمت لغيت الحلوووو ههههههههههههه
بخاف عالستايل ينتزع ههههههههههههههههههههههههه

ام محمد الاردن
08-13-2011, 01:45 PM
هههههههههههههههه الله عليكي يا بطة والله معك حق والله الواحد بدل ما ينحف عم يسمن
سندس خلاص هاتي العصير وتعي عندي وهيك انا بذوقة واكيد راح يعجبني هههههههههه
شوشو خطي حرام جيبة الرجال جاهز الف صحة وهنا
وهنودي وينك مو باينة

شوكولا مرة
08-13-2011, 04:21 PM
ههههههههههههههههههه

يعني انا نازلة صياعة على دبي بدكم ياني ضيع الوقت بالطبخ
ههههههههههههههههههههههه

نازلة نقاهة وشم هوا ما بدي اكل هوا ههههههههههههه


بس هلأ رجعت على بيتي
ورجعنا عالطبخ والنفخ

ست ام سلمى
08-13-2011, 04:59 PM
صباح الخير يا صبايا ورمضان امبارك عليكم ولا اني انصدمت لما قرات النعي احكولي امتى ماتت وليش والله يرحمها ويصبر اهلها

ست ام سلمى
08-13-2011, 05:01 PM
ياريت من الصبايا الموجودات حد يرد علي

ام محمد الاردن
08-13-2011, 11:31 PM
ام سلمى تو فت سمر رحمة الله عليها
توفت اظني الخميس الي مضى
وهي كانت مريضة بمرض سرطان الدم
والله يرحمها ويصبر اهلها على فراقها
والموت ما بعرف كبير او صغير الي بيجي اجلة بتوفى
تعددت الاسباب والموت واحد
الله يرحمنا اذا صرنا الى ما صارت الية
ويرزقنا حسن الخاتمة
آآآآآآآآآآآآآآآآآآآمين

نرجع لموضوعنا شوشو اذا كنتي بدبي بتشمي هوا لا والله الحق معك مش غلط
لانة كمان الروتين اليومي ممل وبضل التغيير مطلوووووووووب

اليوم مفكرة اعمل كبة مقلية وبطاطا مقلية وفتوش وشوربة عدس
الحلة تشيز كيك بارد
العصير عندي كركدية
والي على بالوووووووووووووووووووووووو امنة لا يحرم حالة

اردنيه زرقاويه
08-14-2011, 01:49 AM
هههههههههه خلص ام محمد تكرمي ضيفي للكركديه العصير الي بدي اجيبلك اياه هههههههههه
انا اليوم عامل شوربة شعيريه وصينية داود باشا ورز بشعيريه وسمبوسك وصحن متبل والحلو لسا ما قررة

اردنيه زرقاويه
08-14-2011, 07:15 AM
ششششششششششو صبايا مافي حدا طابخ اليوم بش ديرو بالكم من كبسة حماتكم بدها تشوف شطارة كنتها هههههههههههههههههه

هنودي
08-14-2011, 09:31 AM
ههههههههههههههههههههالله عليكي يا اردنية حلوي
ههه حماتنا انا مامني حماتي بسوريا ماراح تجي هههههههههههههههههههه
انا اليوم عملت برياني سمك وقليت سمك وعملت فتوش و العصير بيبسي
هههههههههههههههههه لانو ماعنا ابو احمد هون ههههههههههههههههههههه
ام الحلا فبقى عندي من مبارح بيقدوني لاسبوع ههههههههههههه الي بدوا لايحرم حالوا

صبا 2
08-14-2011, 11:54 AM
ههههههههههههههههههههههههه
الله عليكم ياصبايا
ههههههههههههههه
حبيبتي ام عون انا كمان حماتي ساكنة بالسعودية
يعني مارح تجي ماخدة راحتي تمام
ههههههههههههههههه
انا اليوم عندي اكل من امبارحة شوربة عدس
ومعكرونة بشاميل وبطاطا مقلية وسمبوسك لحمة
والحلو معمول بجبنة يممممممي شو طيبة