المساعد الشخصي الرقمي

مشاهدة النسخة كاملة : شو بدك تطبخي بكرة



الصفحات : 1 2 3 [4] 5 6 7 8

زهرة القدس
05-01-2011, 04:34 PM
مساء الخير حبيباتي
انا بشكركم كتير لانكم خففتو عنى الله يفرج عنكم همومكم وعن جميع المسلمين يا رب
بجد شكرا الك اختى شكولا مرة وشكرا لامي ام محمد وام عبير ولصبا والله النور نورك يا حلوه وشكر كتير للغالية هنودي ولام فادي الله لا يحرمنى منكم لو للاكم علي كان انا شو عملت .الله يخليكم وما انحرم من طلتكم الحلوة ومن مساعدتكم لي يا ررب .
يااااااااااااااااااااااا اللهوالحمد لله انو ما في شي في سوريا الله يحميها ويحمي اهلها يارب ويحمى جميع بلادنا الاسلامية يا ربوالف مبروك البيت الجديد ام فادي والله يكون بعونك يا عسل تتهنى بيه ان شاء الله
والف الحمد لله على سلامتك وسلامة اختك ام محمد والله منورة يا الغالية

شوكولا مرة
05-01-2011, 04:59 PM
صحة وهنا لكل الصبايا
انا شايفة رح يتغير الموضوع للحكي مو للطبخ ههههههههههه

اذا بتريدوا بما انو انا الشرطي اللي بدها تحكي تروح عالصبحية ولو
هونيك بحرة وجنينة وقهوة واكل وشرب
هون للطبخخخخخخخخخخخ
يعني اكل وشرب وريحة زفر
خخخخخخخخخخخخخخخخخخ


http://forum.khleeg.com/imgcache/2/50699khleeg.jpg

هنودي
05-01-2011, 07:50 PM
ههههههههههههههههههه يسعدلي اوقاتك يارب
وانا عم درس بنتي اجى على بالي بيتيفور جوز الهند قمت وعملت بس شو طلعو تحفي ياريت اعرف كيف نزلون بس بسيط
بس بكرى شو بدي اطبخ ما بعرف ممكن برغل بالبندورة الله اعلم

صبا 2
05-02-2011, 01:57 AM
هههههههههههههههههههه شوشو الشرطي والله معك حق هون محل الطبخ والنفخ
اجلوا الحكي للصبحية انا اليوم متل ماخبرتكن اتغديت بالمطعم انا طلبت لازانيا لاني كتيررررررر بحبها
والحلو لما ارجعت عالبييت عملت كاتو الاناناس طلع كتير طيب وخفبف
وبالنسبة لبكرة عندي همبرغر بالفريزا بدي نزلها واعمل شوية بطاطا بيطلع احلى صندويش همبرغر
بيتوتي والحلو لسه عندي كاتو جنبو كاسة شاي وخلصت القصة

ام عبير
05-02-2011, 11:19 AM
صباح الخير
كيفكم اليوم
صبا صحة وهنا على الازانيا والكاتو
صبايا انا اليوم طبخت وخلصت ستيك بلفطر وتبولة وسبانخ بلحمة وبدي اقلي كم قرص عجة وبطاطا مقلية
والحلو عمفكر اعمل بسبوسة بس مو هلاء بعد الظهر

شوكولا مرة
05-02-2011, 11:26 AM
صباحكم حلو يا حلوات ويا شيفاااات

اليوم بدي اعمل مقلوبة بيتنجان وجنبو لبن بالخيار
مبارح بالليل عملت كاتو شوكولا ولسى متل ماهو

ورح اعمل شوي شوربة رز

صبا 2
05-02-2011, 11:37 AM
صباح الخير عالنشاط والحيوية كيفكن صبايا
تسلمي رنوش صحة وهنا على قلبك مشاء الله عالنشاط خلصتي الغدا وانا لسا
مافكرت شو بدي اعمل والله محتارة بس عالاغلب رح اسرق وصفة شوشو الشرطي
عندي شوية باتنجان رح اعملها مقلوبة وجنبها خيار بلبن على هالشوبات طيبين
والحلو عندي كاتو الاناناس متل ماهو لسه

ام محمد الاردن
05-02-2011, 04:57 PM
مرحبا صبايا
حاضر يا احلى شرطي كلامك اوامر احنا ما بنقدر نخالف اوامر الحكومة ههههههههه
شو يا شوشو انتي وصبا اكيد غدا آية بنتي عندكم بما انكم عاملين مقلوبة
انا اليوم راح اعمل صفيحة مع سلطة لبن وخيار
هنودي من بعد اذنك نزلي طريقة البتفور
ما بدي اكثر حكي بخاف من الشرطي واقف على الباب

شوكولا مرة
05-02-2011, 06:28 PM
تكرمي ام الزوووووووووز

وهي صحن المقلوبة تفضلي

http://www9.0zz0.com/2011/05/02/14/469592569.jpg

ام محمد الاردن
05-02-2011, 09:05 PM
تكرمي ام الزوووووووووز

وهي صحن المقلوبة تفضلي

http://www9.0zz0.com/2011/05/02/14/469592569.jpg


يسلموا هالايدين يارب

ام محمد الاردن
05-02-2011, 09:31 PM
شوشو وكل الصبايا تفضلوا شاركونا الغدا
الصفيحة
http://disk04.arb-up.com/i/00047/irb884vamwlk_t.jpg (http://arb-up.com/irb884vamwlk)
http://disk04.arb-up.com/i/00047/gu761tuqap63_t.jpg (http://arb-up.com/gu761tuqap63)
http://disk04.arb-up.com/i/00047/jfmq06tpdn7q_t.jpg (http://arb-up.com/jfmq06tpdn7q)

المجهولة5
05-03-2011, 01:06 AM
مممممممممممممممممممم ياسلام ع الصفيحة بتجنن يا ام محمد حرام عليك اشتهيتها

صحة وهنا للجميع
شوشو لية مقلوبة لونة ع رمادي يعني من البهار ولا هي برغل
تسلم ايدك

مهم نرجع للموضوع بكرة ارح اعمل رز مع تونة وملوخية
وسلام للحلوين

ام عبير
05-03-2011, 07:50 AM
ام محمد مشكورة على الصفيحة وصحة وهنا على قلبكم
المجهولة يلي تتكلمي عنه حبيبتي لحمة مفرومة لارز ولابرغل
شوشو المقلوبة شكلها بيشهي

هنودي
05-03-2011, 09:38 AM
صبوحة يا حلوين
كيفكم اليوم صحةوهنا على الطبخات الطيبة ال\ي بقى عندها مقلوبي تبعتلي صحن لانو كتير بحبها لهل الاكلي
اما انا راح اعمل اليوم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ما بعرف ة والله يمكن اعمل كواج اما الحلو جاي على بالي اعمل غريبة بالتمر والسمسم اممممممممم شو بحبها حبيبتي ام محمد طريقة البيتيفور كتير سهلي وما بتاخد معك وقت
انا عملت نص المقادير
6 بيضات =2كاس سكر بيطلع الحلو متوسط اذا بتحبي زيديه بس السكر ناعم الحبيبات=5\2كاس سمنة ذائبة= 5\2 كاس جوز الهند=ملعقة فانيليا سائلة صغيرة وملعقة كبيرة بيكم بودر= برش برتقال وعصيرها=6كاسات طحين هلق انا بصراحة مابعير طحيت لحتى تتماسك العجين واقدر شكلها بالقالب واذا بدك طرق تانية للبتيفور تكرم عيونك

شوكولا مرة
05-03-2011, 11:52 AM
صحة وهنا صبايا
يسلمو ام محمد عالصفيحة بتشهي
ام فادي حبيبتي متل ماقالتلك ام عبورة هي لحمة مفرومة
لأني بصف البيتنجان وبحط الرز وبطبخها وبعدماتستوي بقلبها وبغلفها كلها باللحمة المفرومة وبحط المكسرات

يسلمو هنودي عالبيتيفور وتكرمي رجعي صفحة وخدي الصحن

انا اليوم مارح اطبخ لأنو عندي مقلوبة لسى وباقي عندي كاتو شوكولا وبوظة
يعني اليوم راااااااااااااااااااحة

ام عبير
05-03-2011, 01:26 PM
مرحبا يا حلوات
انا اليوم اجازة عندي شوية اكل من مبارح وزوجي راح يجيب غدا جاهز معه
اما الحلو اليوم عملت حلاوة الجبن امممممممممممممممممممم كتير طيبة طلعت

صبا 2
05-03-2011, 02:59 PM
مسا الخير ياحلوااااااااااااات كيفكن اليوم
ام محمد اهلا وسهلا فيكي وفبنتك بتشرفي شوشو يسلموووووووووووووو ايديكي عالمقلوبة والله طالعة بتجنن انا عملتها بس بدال اللحمة المفرومة
فوقها حطيت فروج محمر هيك بحبها ابن عمي هههههههههههههههههههه على قولة باب الحارة بس والله ماخطرلي اصورها يلا غيرها
بخيرها ام محمد شو هالصفيحة والله شكلها بجنن يسلمو هالايدين مشكورين كل الصبايا على هالاكلات اللي
بتشهي والله عمتعطونا افكار احسن مانقعد ساعة عمنفكر شو بدنا نطبخ شكرا حبيبتي هنودي
عالبيتفور انشالله رح اجرب الطريقة هي
اما انا فاليوم عندي مقلوبة لسه والحلو رح اعمل بوظة شوكولا على طلب ابني طبعا لازم ننفذ ههههههههههههههه
وصحتين وهنااااااااااااااااااااااااا لكل الصبايااااااااااااااااااااااااا

هنودي
05-03-2011, 03:50 PM
يسعد مساكم حبيبتي ام عبير ياريت تعطيني طريقة حلاوة الجبن الي عملتيه
لانو عنا بالامارات مافي حلاوة جبن طيبة
وانا كتير بحبها ياريت لا تتاخري علي ياعسل

شوكولا مرة
05-03-2011, 04:50 PM
وانا بضم صوتي لصوت هنودي
بدنا طريقة حلاوة الجبن
على قولتك هنود جبناها من كذا محل مو طيبة

ام محمد الاردن
05-03-2011, 05:23 PM
مرحبا صبايا اليوم كلنا ما علينا طبخ لانة في بواقي الف نعمه
هنودي راح اسجل مقادير البتي فور عندي وراح اجربها شكرا يا عسل
وانا كمان بدي طريقة ام عبير بحلاوة الجبن
صبا وشوشو انتو طريقتكم بالمقلوبة بتختلف عنا بس باين عليها طيبة مقلوبتك شوشو

ام عبير
05-03-2011, 05:35 PM
مسا الخير صبايا وهي رابط الوصفة
http://www.manalonline.com/forum/showthread.php?t=21292
طبعا القشطة حسب زوقكم

صبا 2
05-03-2011, 06:22 PM
مشكورة حبيبتي ام عبير عالوصفة الرائعة وتسلم ايدين السيدة منال
عالوصفات الرائعة اللي عمتقدملنا اياها خلص حفظت الوصفة وانشالله رح اجربها
نحن عنا حلاوة الجبن اللي بالسوق كتيررر طيبة مشان هيك بستسهل وبجيبها من السوق
وخاصة حلاوة الجبن الحمصية يميييييييييييي بس هالمرة رح اجرب اعملها بالبييت
والله يستر هههههههههههههههه

orfan
05-03-2011, 08:54 PM
مساء الخير ياحلوين والف هنا للجميع
اليوم عملت فلافل وطلعوا كتير طيبين

شوكولا مرة
05-04-2011, 11:57 AM
صباح الخير صبايا
اليوم رح اعمل بزاليا ببندورة وجنبها رز مفلفل
تفضلواااااااااا
الحلو مافي لسى عندي بوظة شوكولا وعملت مبارح بوظة حليب
عم اعمل شوكلامو يمي يمي

ام عبير
05-04-2011, 11:58 AM
صباح الخير كيف طبخاتنا الشاطرات اليوم
صبا حبيبتي اكيد بانه حلاوة الجبن بكل سوريا طيبة وبتجنن ومو بحاجة لنقوم نساويها بايدينا بس عنا الصراحة ابدا مو طيبة وانا جربت اكتر من وصفة وما توفقت فيهم بس الصراحة هل الوصفة سهلة ومش مكلفة وطيبة الصراحة اطيب من السوق بالف مرة جربيها وشوفي حلاوتها ما بتاخد وقت
صبايا انا اليوم عملت رز ببازالاء وسلطة ولبن بخيار
والحلو اجازة بكرا انشا الله بعمل لانه جاييني ضيوف وبدهم يناموا عنا

بتول ولجين
05-04-2011, 12:16 PM
اممممممممممممم
والله شهيتوني يا حلوين يا احلى شيفات بالدنيا
ماشاء الله عليكم
انا اليوم مو عارفة شو اطبخ وعم دور وفكر بطبخة
لقيت المعظم عامل رز ببازيلا فبفكر اطبخها اليوم ان شاء الله

هنودي
05-04-2011, 02:50 PM
هههههههههه ام بتول ولوجيتن سرقة طبخة هههههههههههههههههههههه
انا اليوم عملت برغل بالبندورة وقليت زهرة وسلطة خيار ولبن
والحلو لسى عندي بيتيفور وغربية
بس حابي اسئل صبا انتي من وين من سورية

هنودي
05-04-2011, 02:51 PM
بالنسبي لحلاوة الجبن اكيد راح جربها وخبرك لانو كتير مشتهيتها
بس سؤال الموزاريلا بتكون مالحة ما ام في منها حلو ام هي مافيها مله اصلا بصراحة انا ولا مرة دقتها لحالها غير فوق البيتزة ما بحطها بس خبروني هي الي بحطها فوق البيتزا ام في منها مافيو ملح

صبا 2
05-04-2011, 03:24 PM
مسا الخير عالشيفات الامورات
حبيبتي ام عبير معك حق بيتم شغل البيت غير انضف واطيب انشالله رح اجربهااااا
هنودي حبيبتي انا من حلب ام المحاشي والكبب ههههههههههههههههههههههههههههههههههههههههههههه
انا اليوم عملت كوسا بلبن والحلو والله مابعرف يمكن مارح اعمل لان الشعب عندي مابيحب الحلو كتير
هنودي بالنسبة للموزاريلا مافيها ملح مابتجي مالحة ابدا

بتول ولجين
05-04-2011, 04:05 PM
هههههههههه ام بتول ولوجيتن سرقة طبخة هههههههههههههههههههههه
انا اليوم عملت برغل بالبندورة وقليت زهرة وسلطة خيار ولبن
والحلو لسى عندي بيتيفور وغربية
بس حابي اسئل صبا انتي من وين من سورية



ههههههههههه
يا فرحة ما تمت والله يا هنودي
ههههههههه
قمت اشوف هالطبخة ولا صحباتي اجو زيارة صبحية وضلو لقبل ما يجي زوجي بشوي
ههههههههههههه
قمت يا حلوين وعالسريع
قلبت الطبخة من رز ببازيلا الى
مقالي
هههههههههههههههههههه

وقليت زهرة وبطاطا وبندورة
هههههههه
بس انبسطو عليه زوجي والاولاد
بدي اسالك حبيبتي هنودي
البرغل ببندورة كيف بتعمليها؟؟؟؟؟
لاني بتزكر عملتها مرة اول ما تزوجت ونسيتها
ههههههههه

زهرة القدس
05-04-2011, 05:37 PM
صحتين وهناااااااااااااااااااااااااا على قلوبكم ي صبايا
انا اعملت الوم محشي كوووسا
والحلو بسبوسة ولاول مرة بعملها من قسم الوصفات المجربة وطلعت روعة يسلم ايديهم الصبايا
بس ممكن سؤال صبايا
شو الفرق بين البسبوسة وكعكة جوز الهند؟؟؟؟؟؟؟؟؟؟؟؟؟؟؟؟؟؟؟؟
ولا هم نفس الشي لاكن المسمى بيختلف
اختكم زهووورة

هنودي
05-04-2011, 06:08 PM
حبيبتي ام بتول ولوجين انا بعملة بطريقة غير الطريقة الاصلية طريقتي
هي مقادير لكاسة برغل - ببشر 5 حبات بندورة كبار ومستوين وبحطون على النار مع كاسة مي حتى يغلو
بس يغلو بكون انا مقلقلي البرغل مع شوية زبدي وزيت زيتون بعدين بحط عليهم البندورة الي عم تغلي وبرش فلفل اسود وملح
ولما بيستوى بقلي خبز وبرش فوقهم وحدون سلطة خيار ولبن اممممممم شوطيبة
اما الطريقة الاصلية
بتقلقلي بصلة مع سمني وبتحطي عليهم لحمة ناعمة مو كتير بس على الفرامي تكون وبس تستوي الحمة بتزيدي البندورة والفلفل الاسود والملح ولمل بيغلو وبدوب البندورة بتحطي البرغل لحتى يستوى وصحة وهنا

ام عبير
05-04-2011, 07:43 PM
مسا الخير صبايا
هنودي حبيبتي متل ما خبرتك صبا اي نوع موزاريلا بيمشي الحال هلاء صبايا انا اتعرفت على نوع موزاريلا جديد عجبني كتير متل الوزاريلا يلي منلاقيها فوق البيتزا هت ببقى بعطيكم نوعها بكرا لانه البراد بعيد عني هلاء ههههههههههههههههه

ام محمد الاردن
05-04-2011, 07:49 PM
مرحبا احلى شيفات وا شاء الله الاغلبية عاملين بازيلالبف صحو وهنا
اليوم عملت معكرونة بناء هلى طلب بنتي هدى (اذا على هدى بنتي كل يوم بدها معكرونة )هههههههه
والحلو بدي اعمل خلية النحل بس المغرب مو هلا لاني تعبانة من شغل البيت

شوكولا مرة
05-04-2011, 10:13 PM
هنودي حبيبتي انا بعمل البرغل وبندورة بس ما بخلط البرغل مع البندورة
يعني نفس الطريقة الاصلية تبعك وبعمل البرغل مفلفل مثل الرز مع الشعيرية
وبقدم البندورة وجنبها البرغل

صحة وهنا للجميع
ومتل ماقالو الصبايا الموزريلا ما بتجي مالحة انا جربتها بالكنافة وطلعت كتير طيبة وهلأ رح جربها بحلاوة الجبن
اكيد انشالله بتظبط

هنودي
05-05-2011, 08:43 AM
صبوحة للحلوين خلاص انا اكيد راح اجربها للحلاة الجبن وخبركم النتيجة يارب تتطلع متل حلاة الجبن ابو اللبن او الناطور هههههههههههههههههههههههه
انا هلق عم اعمل الفول عم قطعو يعني اليوم شو عندي طبخة ؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟
؟؟؟؟؟؟؟؟؟؟
؟؟؟؟؟؟؟؟؟؟؟؟ برغفو فول مقلاة يمي مع تبولي وسلطة خيار ولبن لبنتي وصحن بطاطة مقلي تفضلو الي على يالو اما الحلو بدي اعمل ليالي لبنان

ام محمد الاردن
05-05-2011, 09:53 AM
الف صحة وهنا هنودي اليوم انا عازمة نفسي عندك هههههههههه
يس قبل ما اجي مو عارفة شو اطبخ الهم بالبيت
لاشوف باقي الصبايا شو بدهم يطبخوا بلكي تضامنت مع وحدة فيهم

هنودي
05-05-2011, 10:16 AM
100اهلا وسهلا فيك ام محمد وانتي ولايم جيبي العيلي معك انتو بتحضرو وبيحضر واجبكم ولا يهم انتي اقعدي وادللي علينا

شوكولا مرة
05-05-2011, 10:45 AM
صحة صبايا
اليوم مارح اطبخ عندي من مبارح رز وبزاليا
اليوم راحة
وتأجلت روحة دبي ليوم السبت
واااااااااااااع

ام عبير
05-05-2011, 10:46 AM
صباح الخير صبايا ما شاء الله هنودي وام محمد نشيطات اليوم صحة وهنا على قلبك هنودي المقلا والتبولة
انا اليوم بدي اعمل بطاطا محشية وجنبها رز
والحلو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

صبا 2
05-05-2011, 11:11 AM
صبااااااح الخيرررررررررررررر ياصبايا
صحتين وهنا على كل الصبايا اليوم انا عاملة معكرونة بشاميل على طلب الجمهور الي عندي
والحلو رح اعمل كاتو على شوكولا

ام محمد الاردن
05-05-2011, 11:18 AM
تسلمي هنودي ما بتقضري بالمرة
شوشو لا تزعلي اذا الروحة على دبي تأجلت كل تأخيرة فيها خيرة
ام عبير الف صحة على المحشي
انا بدي اعمل صينية خضار بالفرن
اما الحلو ما بدي اعمل شي مو جاي على بالي ,,,,,,,,

ام عبير
05-05-2011, 05:49 PM
مسا الخير صبايا
صار عندي طوارئ البطاطا يلي طلعت من الحفر عماتها صينية البطاطا بطرق جديدة
وعملت حلو طبقات القشطة والنسكافه
وعملت قهوة وهلاء رايحة على الحديقة انا وبناتي واكلاتي من بعد ما اعتذروا ضيوفي يلا صبايا الحقوني
صبايا بلنسبة لنوع جبنة الموزاريلا استعملته عن جديد وعجبني كتير اسمه بريزيدن
وفي منه موزاريلا عادي وموزاريلا شيدر يلا باي

المجهولة5
05-06-2011, 05:15 AM
مرحبا
كيفكم ياغوالي
خميس وجمعة عندي راحة بطبخ اي شي سريعة ويحبة الاولاد
والخميس اجا اختي واخي زيارة ما فضيت يالله تظيف وعملتهم اكلات سهلة وانبسط ومنا وبقي من بسبوسة اخني
وبكرة رح افطر علية ومع شوية قهوة ورايح راسي هههههههههههه
ممكن ما اطبخ لان عندي عدس جاهز وممكن اعمل فتة عدس او اعمل الليل وجبة ثقيلة وتشبع وبشوف
وصحة وهنا

شوكولا مرة
05-06-2011, 10:43 AM
صباح الورد والياسمين

جمعة مباركة عالجميييييييييييييع

اليوم ما رح اطبخ لأنو بكرا نازلة على دبي يعني يادوب جهز اغراضي
بس ماتقولو مافي غدا ههههههه
عندي باقي شوي مقلوبة ورح اقلي صحن كبة ولبن وسلطة وعندي بسطرمة
والحلو بدي اعمل شي اكلة مشان اخدها معي على دبي بس لسى مافكرت شو رح تكون

هنودي
05-06-2011, 10:58 AM
جمعة مباركي على الكل انا اليوم ما بدي اطبخ شي عندي فول مقلاى وتبولي ممكن اقلي بيض من شان سوسو الله يسرلك شوكولا بس تروحي لعند اهلك لا تنسينا اي

ام عبير
05-06-2011, 12:35 PM
صباح الخير صبايا
شوشو الله معك سلمي على الماما كتير وانشا الله بتنبسطي بدبي الله يسرلك
صبايا كلكم اليوم اجازة وانا متلكم باقي عندي اكل بس يوم الجمعة لازم جاهز او بلمطعم على حسب الهمة ببقى بكرا بخبركم شو تغديت
جمعة مباركة عليكم جميعا

ام محمد الاردن
05-06-2011, 05:41 PM
شو صيابا اليوم الجمعه المفروض اكلة مميزة على اساس العيلةملتمة
عملت علة الفطور فتة حمص
والغدا متاخر راح اعمل مقلوبة زهرةمع سلطة
شوشوالله معك سلمي على الوالدة
ام عبير الف صحة وهنا
هنودي وام فادي كمان الف صحة وهنا

بتول ولجين
05-06-2011, 05:48 PM
هنودي حبيبتي يسلمو على طريقة البرغل بالبندورة وان شاء الله اجربها

انا اليوم عملت تسقية (فتة حمص) عالفطور
وطبخت عالغدا
سمك مع رز
والحلو ماعملت مع انو جاي عبالي
بس تعبانة من الوقفة والشغل هههه
كل صبية تقوم تناولني صحن حلو ههههههههههههه

شوكولا مرة
05-06-2011, 10:03 PM
انا عملت كيك مخطط بطريقة الست منال وطلع طيييييييييييييييييييب

تفضلوا

ام عبير
05-07-2011, 11:17 AM
صباح الخير صبايا
اليوم شمستكم عالية ولالالالالالالالالالالالالالالالالالالالالالا لانه غاب الشرطي اخذتوا راحتكم ههههههههههههههههههههههههه
صبايا انا اليوم عملت فول مقلاه وفتوش وعندي بطاطا محشيةورز
الحلو هذا الاسبوع ممنوع هذا اسبوع الفواكه

هنودي
05-07-2011, 12:39 PM
صباح الخير او ظهر الخير ههههههههههههههههههه
انا اليوم عاملي ملفوف وحدون لبن عيران على ايدي ومتبل بيتنجان ام الحلو ؟؟؟؟؟؟؟؟؟؟؟؟؟؟؟؟؟؟؟؟؟
ولا شي لانو اليوم طالعة زيارة لعند صديقتي

هنودي
05-08-2011, 09:14 AM
يا كسالا وينكم وين طبخاتكم انا فايتي على المنتدى بدي شوف شي اكلي اعملها طلعتو
مو طابخين شي له له
شو عم طعمو جوازكم واولادكم بدي اعمل عليكم حمى
هههههههههههههههههههه

ام محمد الاردن
05-08-2011, 11:01 AM
يسعد صباحكم شيفات شو بدك تطبخي بكرة
ام عبير مع حق الصبايا شافوا الشرطي مجاز عملو بقولو ان غاب القط العب يا فار هههههههههههههه
وهنودي خلص اعملي حملة كبيرة ههههههههههههههههههه
المهم انا امبارح كنت عند اهلي وكانت امي عاملة مقلوبة اليوم بدي اعمل كبسة والحلو لسة ما قررت بس جاية على بالي شي حلو بس بارد

ام عبير
05-08-2011, 11:47 AM
صباح الخيرانا حذفيني من الحملة هنودي مبارح شاركت متل العادة
المهم انا اليوم طبخت بامية ورز وعملت صنف بامية تاني وهو بامية مقلية ومطفاية بلحمض والكزبرة والتوم وكمان صحن فتوش
يلا اتفضلوا صبايا
اما الحلولالالالالالالالالالالالالالالالا ممنوع هذا اسبوع الفاكهة
صبايا مبارح اتعشيت بيتزا من عند ليتل سيزرز بلمارينا وشتهيتكم فيها مممممممممممممممممممم كتير طيبة

بتول ولجين
05-08-2011, 12:04 PM
الله يسعد صباحكم يا احلى شيفااااااات
ماشاء الله عليكي ام محمد وام عبير
نشيطات اسم الله
والله انا بعدني بس احتمال اعمل تشكيلة
ملوخية وجنبها معكرونة سباجيتي
الحلو ما جاي عبالي لاني مبارح عملت كيكة شوكولا

هنودي
05-08-2011, 12:27 PM
ليكو ما احلاكم كل اجى لمى سمعتو كلمة حماى ههههههههههههههههههههههه
انا اليوم عندي لسة من مبارح ملفوف الحلو مو جاي على بالي ابدا

زهرة القدس
05-08-2011, 01:13 PM
مساء الخير صبايا
كيفكم يا حلوات مو ملاحظين اني انا الي فترة ما بفوت
(يبدو انولو كنت مو جودة او مو موجودة نفس الشي)
انا ما عم بقدر اصبخ ولا اشتغل بالبيت ابدا لانو ايدي انحرقت من يومين بالماء الساخن وبتالمنى كتير والله
الله يبعد عنا وعنكم عذاب جهنم يا الله في الدنيا والاخرة
يا الله يا لله يا رب

ام عبير
05-08-2011, 02:26 PM
حبيبتي زهورة مكانك محفوظ بس كل منا عنده ظروف ونحنا كلنا دائما منسال عنك
سلامتك وسلامة ايديكي انتبهي على نفسك ومعافيه انشا الله
والله يبعد نار جهنم عنا وعنك وعن جميع القاريين

المجهولة5
05-09-2011, 02:56 AM
مساء الخير
كيفكم ياحلوين
وسلامتك يازهورة
ما بدخل لان بطبخ اطباق بوقت يعني للي بيجي ع بال بس لما بحدد من الليل بدخل بكتب ايش بطبخ
خلاص ولا تزعلو في الايام ماضية عملت كبسة دجاج مع خضار وعملت تونة مع رز وعملت سندوتشات الملون واكيد الحلو دونات لمنال العالم
هذا للي بتذكرة
بكرة ان شاء الله بعمل ياوزي دجاج او دجاج بصلصة بنية لمنال العالم
وكنت فاضية ممكن اعمل حلو وبشوف
مع سلام

هنودي
05-09-2011, 08:32 AM
ههههههههههههه الله يسعدك حبيبتي ام فادي
اخت زهرة ولو انتي بالقلب وكل وسلامات ان شاء الله ماتشوفي شر يا رب
ان شاء الله الام راح وماعدا يعلم بايدك اي شي ان شاء الله
صبايا انا اليوم بدي اعمل شيش برك جهزتون من مبارح بس اليوم بطبخ اللبن
والجحمد الله ام
انا هلق انا راح نام ماعم شوف اللاحرف منيح تصبحو على خير يا غوالي

زهرة القدس
05-09-2011, 12:35 PM
صباح الخير صبايا
كيفكم اليوم
الله يسلمكم صبايا وما تشوفو اي شر يا ربي
شكرا كتير الكم (عبير وام فادي وهنودي) الله يسعدكم
بس انتو ادعولى اتعافى عن قريب
قولو يا رب يا رب يا رب

ام محمد الاردن
05-09-2011, 01:57 PM
مرحبا صبايا كيفكم
سلامتك زهوووووووووووووووورة الف سلامة
هنودي صحة والله انا لسة محتارة مش عارفة شو اطبخ

هنودي
05-09-2011, 07:29 PM
اهلين بازهور وام محمد والله يشفيكي عن قريب حبيبتي زهرة القدس
ام محمد شو طلع معك طبخة اليوم
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انا رايحة اعمل غريبة حولو

ام محمد الاردن
05-09-2011, 09:05 PM
هنودي عملت القدرة الخليلية
وحلو عملت حلا الاناناس
بس وين الصبايا

ام عبير
05-10-2011, 12:18 AM
مسا الخير صبايا سامحوني اليوم ما قدرت ادخل النت بناتي عندهم اختبارات بكرا ونشغلة فيهم زهورة انشا الله راح الباس عنك حبيبتي الله يشفيكي
صبايا انا اليوم اجازة جبنا غدا جاهز مندي دجاج وسلطة خضرا والحلو اجازةةةةةةةةةةةةةةةةةةةةةةةةةةة

المجهولة5
05-10-2011, 01:32 AM
مساء الخير
كيفكم يا احلى صبايا وتسلم ايادكم ع الاطباق اللي بتعملها وصحة وهنا للجميع
اليوم عملت الدجاج بصلصة البنية اول اجرب واعمل وطالع كثير طيبة وسهل وسريع انصحكم تجربوها
وبكرة رح اعمل اوزي الدجاج ووجهزت الدجاج وسلقة بكرة بس اطبخ الارز واشوي الدجاج شفت الشطارة هههههههههه
وخبركم لو طلع طيبة لان اول مرة بعمل هذة الوصفة
بحس براحة لما طبخت وخلصت هههههههه
وممكن حتى انتم ترتاحوا لما تحضر من قبل صح؟؟؟؟؟؟

مع السلامة

هنودي
05-10-2011, 08:20 AM
الله الله على احلا واطيب ستات بيوت يسلملي النشاط نا
ام محمد صحة وهنا على القدرة الخليلية وان شاء الله 100 عافية
والله يات ام عبير الله يكون معك بالاختبارات انا الحمد الله بنتي خلصة الله يوفقهم يارب و
مافي احلا من الغدا يجيكي جاهززززززززززززززز امممممممممممم
ام فادي حبيبتي بس حابي اسئلك عن الدجاج البني ممكن تعطيني الوصفي بصراحة اول مرة بسمع فيه
وان شاء الله بيطلع طيب بس بتعرفي راح يطلع طيب لانو من تحت ايديكي
اما انا اليوم عندي شيش برك بجوز اعمل حدون سمك مقلي ما بعرف حسب طلبات الباشا هههههههه
والحلو غريبة من مبارح

ام محمد الاردن
05-10-2011, 08:42 AM
يسعد صياحكم فريق شو بدك تطبخي
اليوم ما راح اطيخ لانة ضايل عندي قدرة والحلو بدي اعمل رموش الستوصلى الله وبارك
يس انتو ملاحظين انة الشرطي لسة غايبة؟؟؟؟؟؟؟؟؟؟؟؟؟

شوكولا مرة
05-10-2011, 10:09 AM
احم احم


صبااااااااااااااااااااااح الحلو والقشطة والغسل عالحلوات

كيفكم وشو اخباركم؟؟؟؟

انا رجعت على بيتي
سلامة ايدك زهورة انشالله راح الشر

برافو هنودي من زمان لازم تعملي حماية لحتى يجو
نسوان آخر زمن

اليوم رح اعمل انجنار ( ارضي شوكي )ورز ولبن وسلطة
والحلو مابعرف يمكن اعمل كيكة صغيرة بس لازم احتفل اليوم عيد ميلاد جوزي خخخخخخ يعني وزارة الخارجية

الايام اللي قضيتها عند ماما تغدينا كبة لبنية وكبة مقلية وشوربة عدس ومسقعة ومعكرونة وفاصولية بيض حمام ورز وفول مقلى وطلعنا مرة تعشينا برا بحري
كتير اشتهيتكم معي بدبي بس ماقدرت فوت كانت اختي جاية وكتير انشغلنا معها

هاد ملخص طبخات الكم يوم اللي مضو

ام عبير
05-10-2011, 01:00 PM
مرحبا صبايا كيفكم اشتقتلكم
شوشو حمد الله على السلامة يا كي من السففففففففففففففففففففففففر
وصحة وهنا على الاكلات والله يخليلك الوالدة انشا الله
ام محمد صحة وهنا والله يعطيكي العافية
هنودي الله يعطيكي العافية ويا سلام على النشاط والششبرك
ام فادي متنشطة كتير ما شاء الله واكيد حبيبتي لازم التحضير قبل بيوم منشان نلحق وياريت تعطينا وصفة قوزي الدجاج واللحم
صبايا انا اليوم طبخت محاشي بلكوسا والباذنجان والفليفلة

هنودي
05-10-2011, 03:18 PM
اهلين بالصبايا كيفكم اهلين شوشو كل عام وانتي وجوزك واولادك بخير يارب وان شاء الله تقضو العمر كلو محبة وتفاهم يا حق
ام محمد حبيبتي شو رموش الست ياريت الطريقة
\يا عيني على المحاشي وصلت الريحة لعندي ام عبير هههههههههههههههههههه
عملت مع الشيش برك سمك اوالمر الباشا وفتوش حدون ههههههههههههههههه

nunostmoody
05-10-2011, 04:08 PM
مابعرف شو راح أطبخ :(

ام محمد الاردن
05-10-2011, 08:29 PM
تكرم عيونك هنودي هب الرابط لوصفة رموش الست
http://forum.hawaaworld.com/showthread.php?t=2446858
انا اليوم عملت ورق عنب لبكرة ان شاء الله
الحمدلله على سلامتك شوشووووووووو
الف صحة وهنا على المحاشي ام عبير

المجهولة5
05-11-2011, 12:37 AM
مرحبا
كيف الغوالي وكيفكم مع الطبخ
هنودي هذة الوصفة
http://www.al7aal.net//uploads/images/al7aal.com-609a91601b.jpg (http://www.al7aal.net//uploads/images/al7aal.com-609a91601b.jpg)
للاسف لا يوجد لها فيديو
اتمنى تجربيها بس ما تكثر فيها حار

المجهولة5
05-11-2011, 12:39 AM
ام عبير هذا الوصفة
http://www.al7aal.net//uploads/images/al7aal.com-8378d397ae.jpg (http://www.al7aal.net//uploads/images/al7aal.com-8378d397ae.jpg)
للاسف لا يوجد لها فيديو

ام عبير
05-11-2011, 12:53 AM
مسا الخير
مشكورة احلى ام فادي والله انشا الله بجربها قريبا

شوكولا مرة
05-11-2011, 09:56 AM
صباح الورد عالكل

اليوم مارح اطبخ عندي من مبارح انجنار بس رح اعمل رز لأنو مبارح خلص

الحلو عملت بوظة واختي جابتلي من الشام غريبة وبرازق وعجوة يعني مرتاحة من الحلو هالكم يوم

تفضلو صبايا

ام عبير
05-11-2011, 10:55 AM
صباح الخير صبايا
اليوم راح جرب وصفة ام فادي دجاج بلصلصة البنية وبطاطا مقلية وتبولة ومتبل
والحلولالالالالالالالالالالالالالالالالالالالالالا لالالالا
فواكه وبس

هنودي
05-11-2011, 11:38 AM
يسعد صباحكم يا غوالي
ام فادي مشكورة كتير على الوصفتين وبكرى اكيد راح اعمل الدجاج البني وخبرك كيف بيطلع معي وكما عجبتني طريقة اوزي الدجاج لانو مافيها بازيلاء هههههههههوكما اذا الله خلانى راح جربها الاسبوع الجاي وكمان خبرك
امحمد مشكورة حبيبتي على الوصفة كمان راح جربها بس الاسبوع القادم وخبرك كيف طلعت معي
اما اليوم فقت الصبح بكير وعملت كبي للقلي وهلق خلص مع لبن عيران امممممممممممممممم شو طيبة حولوا صبايا

ام محمد الاردن
05-11-2011, 12:25 PM
مر حبا صبايا
امبارح لفيت ورق العنب لليوم
مع كوسا
اما الحلو مفكرة اعمل كيكة بس كيكة شو لسة مش عارفة

nunostmoody
05-11-2011, 12:56 PM
انا راح ساوي كبدة لأول مرة راح أعملها

مين عندو طريئة طيبة علموني ياها :)

هنودي
05-11-2011, 05:44 PM
صحة وهنا ام محمد على الورق العنب والكوسة الي منون صحن امممممممممممممممممممممم
من شان الكبدي انا عندي طريقة كانت امي تعمله كتير كنت حبها الكبدي بعد ما تنظفيها وتغسليها منيح بتقلقليها مع بصل وزيت زيتون لحتى لقريب تستوي بعدي بتعملي بطاطة مربعات صغيرة وتحطيها فوقهم وشويت ماء وفليفلة حمرة رشة ومله وصحة وهنا مع سلطة خس ولبن واو خيار ولبن اممممممممم ذكرتيني فيها
انا هلق بدي اعمل للعشا بيتزا حولو صبايا

المجهولة5
05-11-2011, 05:54 PM
اختي انا ما باكل الكبدة وحتى ما بطبخها بس دورت لك عن وصفات للمبدعة منال العالم اتمنى تستفيدي منها
الكبدة الحارة بالفرن لمنال العالم
http://www.manalonline.com/forum/showthread.php?t=1082&highlight=%DF%C8
%CF%C9
بخطوات المصورة
http://www.manalonline.com/forum/showthread.php?t=308
الفيديو
http://www.manalonline.com/forum/showthread.php?t=137&highlight=%C7%E1%DF%C8%CF%C9+%C7%E1%CD%C7%D1%C9+%C 8%C7%E1%DD%D1%E4
أرز بالكبدة
http://www.manalonline.com/recipe.php?c_action=recipe&rec_id=103

ام محمد الاردن
05-11-2011, 09:31 PM
احلى صحن ورق عنب لعيونك هنودي على فكرة احنا بنسميه ورق دوالي بس عشان يكون مفهوم بقول ورق عنب

بالنسبة للكبدة اذا قلي بعد غسل الكبدة جيدا بقلي راس بصل وسنين ثوم وقرن فلفل اخضر بحد ما يتذبلوا ويقلي الكبدة وطبعا رشة ملح ورشة بهار
واذا شوي بالفرن نفس المكونات السابقة بس زيادة زيت زيتون وشوية مي وبالفرن وصحة وهنا

هنودي
05-12-2011, 08:50 AM
مشكورة ام محمد حبيبتي ونحنا كمان بسورية بنقول عنو ورق العنب دوالي سبحان الله
انا اليوم بدي اعمل سلق مقلقل مع لبنت وصحن بطاطة مقلية وفتوش

ام عبير
05-12-2011, 10:26 AM
صباح الخير صبايا
انا اليوم ما راح اطبخ على الغدا تعبانة شوي وراح ناجل الطبخ للعشا اما غدانا راح يكون بطاطا مسلوقة وبيض مسلوق وحواضر وخضر والحمد الله

شوكولا مرة
05-12-2011, 10:32 AM
صباح الخير

يعطيكم العافية يارب

انا اليوم رح اعمل عالغدا طاجن تركي يمي يمي وقدامو فليفلة خضرا
والحلو مافي على هالشوب بتكفي البوظة
وبطيخ باااااارد

شوكولا مرة
05-12-2011, 10:33 AM
ولا يهمك ام عبير تعي لغديكي او ببعتلك اذا مو حسنانة تشتغلي


مو تكرم عينك

ام عبير
05-12-2011, 11:01 AM
الله يكرمك شوشو يسلموا ايديكي ما بتقصري حبيبتي
انشا الله عامر
وشو طريقة الطاجن التركي

nunostmoody
05-12-2011, 11:51 AM
شكراااااااااااااااااا غلبتكم معي

يعطيكم العافية :)

شوكولا مرة
05-12-2011, 12:33 PM
حبيبتي ام عبورة الطاجن التركي كتير طيب وسهل

بدو قدرة فخار او ممكن بالصينية او جاط الفرن
بتحطي اللحمة شقف اول شي بعدين فوقها شرائح بصل وثوم قوفهم شرائح فليفلة خضرا بعدين مكعبات بيتنجان كبيرة شوي لأنو بيدوب
وفوقهم شرائح بندورة بعدين بكاسة بتدوبي ملعقة دبس بندورة مع كاسة مي وملح وبهار وفلفل ومكعب ماجي اذا بدك وبتصبيهم فوقهم وبترشي شوي زيت زيتون
بتغطيهم وبتحطيهم بالفرن بدون تحريك يعني كلها تطبيق والكل ني
تقريبا بالفرن ساعة بعدين بتشوفي اذا استوو وبتقدميها
كتير طيبة خصوصي اذا بقدر الفخار
وصحة وهنا

اليوم بطبخها بعدين بنزلها بالمنتدى

ام عبير
05-12-2011, 04:46 PM
يسلموا ايديكي شوشو انشا الله بجربها بما انه عندي طاجن فخار

ام عبير
05-12-2011, 04:52 PM
يسلموا ايديكي شوشو انشا الله بجربها بما انه عندي طاجن فخار

ام محمد الاردن
05-12-2011, 07:55 PM
يسلموا شوشو على طريقة الطاجن بلكي جربتها ليوم
اليوم عملت مندي على طريقة الست منال العالم
يس يا شوشو ويم باقي الصبايا
مالك مكسلة وين الضيط وين المخالفات ههههههه

صباوتالا
05-13-2011, 01:51 AM
مرحبا ياحلوين كيفكم وكيف الاكلات معكم
اليوم عملت عالغدا شيشبرك وملوخيه وبكره الجمعه ان شاءالله يمكن اعمل سمك بناء على طلب ابني جمعه مباركه عليكم جميع ان شاءالله

ام محمد الاردن
05-13-2011, 12:00 PM
اليوم بدي اعمل منسسسسسسسسسسسسف الي على بالو لا يحرم حالو

شوكولا مرة
05-13-2011, 03:36 PM
اليوم مارح اطبخ
فطرنا متأخرين فتة حمص
والغدا تحول للعشا بس لسى مافكرت شو؟؟؟؟؟؟؟

ام عبير
05-13-2011, 03:56 PM
مرحبا صبايا
صحة وهنا ام محمد على المنسف اليوم معزومين عندك
انا متل شوشو فطرنا متاخرين فطائر ومعجنات مشكلة وراح الغدا للعشا

المجهولة5
05-14-2011, 03:31 AM
صحة وهنا للجميع
(ولية كم يوم مريحة من الطبخ للي بيجي ع بال بطبخ وسهل وسريع )
المهم رجعة وبكرة بداية الدوام والاسبوع ولابد من النظام والطبخ ع اصولة ههههههههه الله يعين
رتب حال وقررت بكرة اعمل اطباق جديد في جديد
رح اجرب اعمل كبسة فيلية السمك لمنال العالم
والعشا رح اعمل بيتزا_ يا مرواح البيتزا او كرات البيتزا او فطائر البيتزا بسال الشباب واشوف ايش بدهم نوع
لانةفدوة لة كم يوم يطلبني بيتز ا واليوم لجاء الدقيق
وعدو حياتي بحب التبولة رح اعمل وكمان البنات الغاليات من سوري شهيتوني بتبول من كثر من تذكروها
وهذا نشرة ام فادي المطبخية انتهت هههههه
وسلام ختام

شوكولا مرة
05-14-2011, 11:45 AM
اليوم رح اعمل دجاج وبطاطا بالفرن بس

بتول ولجين
05-14-2011, 12:08 PM
الف صحة على قلوبكم حبيباتي
والله فتحتو نفسي بهالاطباق الشهية
انا ان شاء الله اليوم بدي اعمل شيشبرك تفضلوووووووو

حبيبتي شوشو كيف بتعملي البوظة ياقلبي؟؟؟
حرام عليكي شهيتيني على برازق وغريبة الشام اهئ اهئ اهئ
صحة وعافية على قلوبكم ياعمري

شوكولا مرة
05-14-2011, 12:34 PM
اهلين ام بتول
البوظة في طريقتين
اول وحدة بجيب علبة كريم فريش 250ملل ( اللي متل الحليب) وبخفقها لتصير كريمة
بجيب علبة نستلة ( حليب مكثف محلى) وبخلطها مع الكريمة ببطء
والنكهة بعدين حسب ما بدك ( اذا شوكولا بجيب كاسة حليب عالنار وبحط معها شوكولا خام وبحركها لتدوب وبتركها لتبرد بعدين بضيفها
او كاسة حليب مذوب فيه كاكاو او بودرة شوكولا
او اذا بنكهة القهوة - كاسة ماء فيها 3 ملعقة نسكافيه
او اي كوب عصير اذا بدك نكهات الفواكه بس تكون الفواكه مهروسة فيه مشان يكون كثيف

الطريقة التانية
بالخلاط بحط ظرف كريمة بودرة + كاسة حليب بودرة + كاسة مي وشوي فانيليا او ماء زهر
هيك بتكون بوظة حليب
ونفس الشي اذا بدك نكهات متل الطريقة الاولى بس بتضيفي كمان ظرف كريمة زيادة
يعني اذا ضفتي كاسة عصير او حليب بالشوكولا بتحطي ظرف زيادة كريمة ( انشالله يكون الشرح واضح
واذا اي استفسار تكرم عينك

بتول ولجين
05-14-2011, 12:39 PM
تسلمي ياقلبي
انا هلا ان شاء الله بدي اجربها
بس سؤالي ؟؟؟
انا بدي بوظة الشوكولا يا احلى شوكولا
بعد ما خفقت الكريمة السائلة وضفتلها علبة الحليب المحلى
اضيفلها كاسة حليب سائل ومدوبة فيه كاكاو؟؟؟؟؟؟؟
قصدي ما بيصير سائل كتير؟؟

ام عبير
05-14-2011, 02:53 PM
مرحبا صبايا اليوم عملت مندي لحم للست منال العالم
والحلو حر كتير ممنوع خلينا على البوظه

هنودي
05-14-2011, 03:41 PM
صباحكم عسل يا خوانم انا اليوم عندي من مبارح كباب وعرايس ودجاج مشوي عملت صحن سلطة وفتحت علبة حمص والحمد الله

شوكولا مرة
05-14-2011, 03:43 PM
اي حبيبتي بتصير سائل بس بتجمد بالفريزر

صحي نسيت قللك انو بعد ما تحطيها بالفريزر بساعتين طلعيها وحركيها شوي لأنو الداير بيكون جامد والنص سائل
واذا بدك انا بكسر شوي شوكولا وبرشهم عالوجه ولما بحركهم بيتداخلو مع البوظة او سمارتيز

هنودي
05-14-2011, 03:44 PM
شوشو حبيبتي سؤال البوظة الي بتعمليها بالاة اليبوظة شي
ام بالخلاط العادي

شوكولا مرة
05-14-2011, 03:58 PM
لاء يا هنودي حبيبتي ماعندي الالة
بعملها اذا كانت الكريمة بودرة بالخلاط
واذا كانت الكريمة فريش السائلة بعملها بالخفاقة

هنودي
05-14-2011, 04:02 PM
اي مشكورة حبيبتي
هلق رايحة العمل الطريقة التاني لانو ماعندي كريمة سائلة
وقديش لازم ضل بل البراد لتتقدم بدي عذبك معي شوشو ام منير

بتول ولجين
05-14-2011, 04:13 PM
حبيبتي شوشو تسلمي ياقمر وان شاء الله قيد التجربة
غلبتك معي ياعسولة

شوكولا مرة
05-14-2011, 04:34 PM
تكرمي عزيزتي
وصحة وهنا مقدما

شوكولا مرة
05-14-2011, 04:36 PM
اي مشكورة حبيبتي
هلق رايحة العمل الطريقة التاني لانو ماعندي كريمة سائلة
وقديش لازم ضل بل البراد لتتقدم بدي عذبك معي شوشو ام منير


حسب الفريزر عندك وقوته
بس يعتقد من هون للليل بتكون جاهزة
ولا تنسي تطلعيها بعد ساعتين وتحركيها عالخفيف يعني مجرد اللي عالداير يصيرو بالوسط مشان تجمد احسن

المجهولة5
05-15-2011, 02:40 AM
كيفكم ياحلوين
وكيفكم مع الطبخ
فينك
هنودي
ام محمد
ام عبير
شوشو
ومين
ام بتول
زهووووووووووة
وللي ع بالة يدخل ويكتب؟؟؟؟؟؟؟
يالله الهمة لازم تطبخو وتجدد كثيرررررررررررررر خلاص
كبسة فيلية السمك طلعت مررررررة حلوة وكمان مرواح البيتزا لذيذة انبسطو منها الاولاد
والحلو عطلة
وبكرة ان شاء الله
رح اعمل دجاج بثوم والخضروات لمنال العالم ورز ابيض
والعشاء ما بعرف ع حسب الهمة والنشاط واكيد شي خفيف
مع السلامة

ام عبير
05-15-2011, 11:43 AM
صباح الخير
كيفك ام فادي نحنا هون بس انتي متاخرة يا حلوة
صحة وهنا على الكبسة
صبايا اليوم الغدا رز ببازالاء وسلطة لبن بخيار وسلطة

شوكولا مرة
05-15-2011, 12:43 PM
صباح الخير
صحة وهنا عالجميع
اليوم عندي من مبارح دجاج وبطاطا بالفرن وشوربة عدس


شو صبايا ( هنودي وام بتول ) شو اخبار البوظة؟

عودة الروح
05-15-2011, 02:02 PM
السلام عليكم
اليوم عاملة صيادية سمك

صباوتالا
05-16-2011, 12:34 AM
حبيبة قلبي شوكلا مره تسلمي على وصفة البوظه ويعطيكي الف عافيه اكيد من الوصف طيبه وان شاءالله بجرها

هنودي
05-16-2011, 10:21 AM
يسعد صباحكم ياغ شيفات كيفك اليوم انا الوم
اليوم يبدي اطبخ بامية مطبقة وحدها رز وفليفلة وفجل ونعنع امممممممممممممممممممم شوطيبة
شوكولا طلعت البوظة خيلي لدرجة انو جوزي ماعاد بدو يجيب جاهز ورطت حالي هههههههههههههههههه

شوكولا مرة
05-16-2011, 10:42 AM
هههههههه صحة وهنا هنودي عالبوظة
وانا جوزي قللي ليش لنجيب من السوق؟؟؟


اليوم بدي اعما فاصولية كلاوي وجنبها رز وفليفلة خضرا

عشبة الليل
05-16-2011, 10:59 AM
:al7nan_87395943:فكرة حلوة كتييير يسلمو ياسوسنة وانا مستعدة اقدم مجلد في الطبخ بس يعني مش متل منال العالم :al7nan_87395943:

ام عبير
05-16-2011, 01:47 PM
مرحبا صبايا انا اليوم طبخت مجدرة وطاجن لحم بلبطاطا
وباقي عندي رز من مبارح وجنبهم لبن والحمد الله رب العالمين

المجهولة5
05-17-2011, 02:47 AM
مساء الخير
كيفكم يا غوالي
اليوم عملت رز ابيض وتونة وكان عندي من قبل يخنة خضار

وبككرة ان شاء الله اذا صحيت بدري وكفاني الوقت بجرب عملت طبق جديد للمبدعة منال العالم
صينية الدجاج والخضروات مع جوز الهند بس بعمل بدون جوزهند
وصحة وهنا للجميع

شوكولا مرة
05-17-2011, 11:03 AM
صباح الخير صبايا

اليوم مافي طبخ عندي من مبارح فاصوليه كلاوي بس ماعملت رز
عملت برغل بناء على اوامر سي السيد
والحلو مافي لأنو في بوظة وبوشار وفواكه

ام عبير
05-17-2011, 11:34 AM
صباح الخير كيفكم يا احلى ستات بيوت
اليوم طبختي حراء باصبعه
والحلو اجازة خلينا على البوظة

شوكولا مرة
05-17-2011, 11:51 AM
يمييييييييييييييي حراق باصبعو !!!!!!!!!!!!
ابعتيلي صحن ام عبورة

انشالله صحةوهنا

ام محمد الاردن
05-17-2011, 12:47 PM
مر حبا صبايا كيفكم كلكم
اشتقت الكم
محتارة شو اطبخ
صحة والف هنا للجميع

هنودي
05-17-2011, 01:13 PM
صباحكم عسل يا خوانم
انا اليوم بدي اطبخ فاصولياء خضراء بزيت وتوم وبندورة من شان البنوتي
بس بدي اسئل ام عبير كيف بتعملي الحراق باصبعو بسمع فيه بس ولامرة طبختو
شوكولا شو الفاصولياء كلاوي مافهمتها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ام عبير
05-17-2011, 01:57 PM
شوشو تكرم عينك حبيبتي الصحن سبقك على الصبحية
هنودي على راسي حبيبتي انا بس خلص شغلي بعطيكي الوصفة وهي اكلة كتير طيبة عنا بلشام منساويها على اصولها
هنودي حبيبتي الكلاوي هي الفاصولياءالعريضة البيضة ولحتى عنا بلشام منقلها فاصولياء عيشة خانم

شوكولا مرة
05-17-2011, 02:34 PM
يسلمو ام عبير
اخدت الصحن من لصبحية
هنودي الفاصولية الكلاوي هي فاصولية حبتها كبيرة لونها ابيض وبتشبه الكلية
بالشام منمونها خضرا وممكن تلاقيها يابسة
ام عبير الفاصولية الكلاوي غير عيشة خانم وغير بيض الحمام
العيشة خانم حبتها صغيرة ومنقطة احمر وابيض
وبيض الحمام متل العيشة خانم بس لونها ابيض بس وكروية اكتر


هي فاصولية بيضا

http://food.fatakat.com/photos/big/341.jpg


وهي فاصولية عيشة خانم

http://www.apartmenttherapy.com/uimages/kitchen/2009_01_22-SlowCookerBeans.jpg



http://a10.idata.over-blog.com/0/26/25/12/haricot_rom_1.gif


وهي الكلاوي

http://7awa.roro44.com/magazine/thumbnail/photo/8772-450x450_الفاصوليا-مقوي-عام-للكبد.jpg

http://www.nooor.com/thumbs/d6edf8b8d6c99aab.jpg



انشالله الصورة تكون واضحة

هنودي
05-17-2011, 02:51 PM
اي حبيبتي بعرفها بس نحنا بنقول عنها فاصولياء بيضاء
ناطرة الوصفي ام عبير

المجهولة5
05-18-2011, 01:57 AM
ع طاري الفاصواليا
انا دايم بعمل الفاصواليا البيضاء الصغيرة وكله تمام
بس حبيت اجرب الفاصواليا العرضية ع قولكم كلاوي
ما ظبت معاي يعني كم تاخذ وقت بنقع انا بعادة بنقعها من 12- 18 ساعة مع الكربونات

ويالله بجلس سنة والسلقعا ومن جوى بتبقى ناشقة ويابسة

ممكن لان جدا عريضة تاخذ وقت طويل بنقع؟
او النوع غير جيده ؟برغم ان اشتري من النوع فاصواليا صغير وجميع البقول

ياليت للي عندها خبره تقولي

المجهولة5
05-18-2011, 01:59 AM
اليو م صحيت متاخرة ما لحقت اعمل الصينية وتاجلت لبكرة
وعملت ع السريع فته عدس
عبارة عن طبقة خبز محمص ثم شربة عدس ثم طبقة رز ابيض ثم طبقة صلصة طماطم مع خل
يمممممممممب بحبها كثير والاولاد كمان
انتم تجربوها

وصحة وهنا للجميع

هنودي
05-18-2011, 09:16 AM
صباحكم عسل يا قمامير انا اليوم موجاي
على بالي اطبخ عندي شوية فاصولياء من مبارح
بس بدي الي صحن بطاطة
ام الحلو فن الصبح عملت بوظة الكاكو للرائعه شوشو الشرطي هههههههههههههههههه

شوكولا مرة
05-18-2011, 11:13 AM
اختي ام فادي
بالنسبة للفاصولية انا بنقعها من المسا للصبح عني من 8 -10 ساعات
وبعدين بغسلها وبحطلها ماء وبغليها على النار وكل شوي بشوفها حتى تستوي تقريبا تاخد بين ساعة لساعتين حسب نوع الفاصولية
بعدين بحطها بمصفاة وبطبخ طبختي عادي ثم بضيف الفاصولية تقريبا 10 دقائق لتاخد من نكهة الطبخ لأنها استوت وخلصت
بالنسبة للكربونات انا ما بستعملها ابدا لنقع الحبوب( حمص - فول- لوبية - فاصولية ) يعني بنقعهم بالماء الفاتر فقط

شوكولا مرة
05-18-2011, 11:15 AM
اليوم رح اعمل معكرونة صيني
والحلو بوظة طبعا

ام محمد الاردن
05-18-2011, 02:35 PM
مرحبا صبايا
يا عيني يا عيني على الفاصوليا ريحتها فايحة
اليوم راح اعمل صينية بطاطا ولسي السيد مسخن لانو كت بحب صينية البطاطا اما الحلو ????

هنودي
05-18-2011, 02:54 PM
صحة وهنا ام محمد الطبختين طيبن
بس زكاتك صحن مسخن
ههههههههههههههههه

ام عبير
05-18-2011, 07:48 PM
مسا الخير صبايا انا اليوم ما طبخت باقي عندي حراء باصبعه
هنودي تكرمي هي الوصفة
المكونات كاسة عدس احمر صغير تقريبا اربع بصلات مقطعين ريشة
5فصوص ثوم مهروسين ناعم حبة كزبرة مفرومة ناعمة دبس رمان حسب الزوق او عصير تمر هندي ملح خبز مجفف حسب الحاجة ورغيفين خبز مقطعين ومقليين للزينة زيت زيتون
الطريقة
نغسل العدس ونسلقه بماء وفير وقبل ما ينضج وفي قدر تاني نقلي البصل في زيت الزيتون وناخذ قليل منه بس مو محمرين ونضعه فوق العدس ونقلي باقي البصل حتى التحمير (جناح الدبور)نضع البصل المحمر في صحن للتزين وناخذ الزيت الذي بقي من تقلية البصل ونضعه فوق العدس بنفس القدر نقلي الكزبرة بزيت الزيتون ونضع فوقها الثوم نقلبهم مع بعض قليلا وناخذ قليلا منهم ونضعهم فوق العدس ونضع الباقي للزينة نتاكد من العدس بانه نضج ويجب ان تكون ماءه وفيرة نضع فوقه دبس الرمان والملح وانا بضيف ملعقة صغيرة حمض الليمون لتكون حموضته ظاهرة ندعه يغلي قليلا وثم ناخد الخبز المجفف والمقطع قطع مناسبة ونضعه فوقه وندعه يغلي حوالي دقيقتين نصبه العدس باطباق مناسبة ونضع على الوجه البصل المحمر والكزبرة والتوم والخبز المقلي وصحة وهنا
ملاحظة كمية الخبز على حسب زوقك وخبرتك متل اي فتة
والملح والحمض حسب زوقك ورغبتك

ام عبير
05-18-2011, 08:08 PM
شوشو حبيبتي بلنسبة للفاصولياء نحنا الكلاوي منقلها عيشة خانم والمنقطة احمر فاصولياء حب والكبيرة فاصولياء بيضاء بيجوز التسميات بتختلف من مكان لمكان وبس نحنا اهل سوريا منقلها كلاوي وعيشة خانم باقي البلدان فاصولياء بيضة وحمراء صغيرة كبيرة
ام فادي بلنسبة للفاصولياءاذا انتي بتسوقي البقوليات من المهباج يلي باسواق التميمي فالفاصولياء عنده نوعها ممتاز وما بتحتاج غير لثلاثة ساعات نقع بس طبعا بمكان دافئ مو عند المكيف

بعد النقع غسليها وبتكوني قلبتي حبة بصل كبيرة مع رشة ملح وفلفل
وبعدين حطي قطع اللحم فوق البصل وقلبيها لتجف ماءها مع الملح والفلفل الاسود حطي فوقهم الفاصولياء وعلى نار وسط قلبيها قليلا و
حطي فوقها ملعقة سكر كبيرة من غير اضافة الملح لانه الملح بيخليها تصير قاسية وطول لتستوي ومن بعد ما قلبتيها شوي واخذت طعم البصل واللحم حطي فوقها ماء وفير وسلقيها بدها ساعتين تقريبا وكل شوي زوقيها وضيفي ماء واذا شعرتي انها بدت تستوي ضيفي معجون طماطم وملح وفلفل اسود وقليل من دبس الرمان بيخلي المرق طيب وخليهم يغلوا شوي لتستوي الفاصولياء مظبوط وطبعا منقدم بجنبه رز بشعيرية

ام محمد الاردن
05-18-2011, 08:31 PM
احلى مسخن لعيونك هنودي
بالنسبة للفاصوليا الناشفة هي فاصوليا بيضا
بس احنا باخر الطبخة بنقدحها بالثوم ونضيف رشة بقدونس
يسلموا ام عبير على الوصفة راح اجربها ليوم

شوكولا مرة
05-18-2011, 10:23 PM
يسلمو ام عبير عالوصفة تبع الحراء
نحنا منعملو بنفس الطريقة بس منحط تمر هندي مو دبس رمان
ومنعملو بالعجين بس باقي الخطوات نفسها

والفاصولية متل ماقلتي بس بالشام بيدللوها وبيسموها اسماء مشكلة

وانا مشان ما تطول الطبخة عالنار بسلقها اول لحالها بعدين بحطها عالطبخة
وبكل الاحوال كل وحدة وخبرتها بالأكل والطبخ بس المهم يطلع الاكل طيب وناكلو بصحة ونعمة من رب العالمين

يسلمو على طبخات كل الشيفات
وصحةوهنا للجميييييييييييييييييييييييييييييييييييييييع

ام عبير
05-19-2011, 12:21 AM
مسا الخير
شوشو الغالية صح كلامك انا كمان بعملها بلتمر هندي بس بستخدم الموجود عندي واذا كان دبس الرمان اصلي وشغل بيتي بيعطي طعم اطيب من التمر هندي وكمان بعملهابلعجين بس هلاء الهمة تقيلة الخبز اسهل والحمد الله على النعمة

صبا 2
05-19-2011, 03:51 AM
مساااااااااااا الخيرررررررررررر على كل الصبايا الحلوين
والله يعطيكن العافية على هالاكلات الطيبة اشتقتلكن كتير
انا اليوم عاملة بامية ورز والحلو بوظة شوكولا على هالشوب

المجهولة5
05-19-2011, 05:19 AM
حراق اصبعو بنفس طريقتك بعمل ام عبير بس بدلة بضع مكرونة او عجين
وبعض الاحيان بضع تمر هندي بدلة
بس بخبز ما قد جربت ويباغلي اجرب وايدك وصفة حلو سريعة

وانت حامل حبيبتي اعمل اسهل واسرع طبخ
لان انا لما بكون حامل مالي نفس بطبخ خصوصا بشهور الاخيرة
الله يقويك ويتمللك ع خير

ع فكرة حلمتك ان شاء الله يكون خير لك

المجهولة5
05-19-2011, 05:28 AM
وشكرا ع الوصفات يا شوشو وام عبير

نسبة للفاصواليا انا بشتريها من بندة او الدانوب
ممكن نوعية مو جيدة لان الفاصواليا صغير مرررررة حلوة
وصفة الفاصواليا البيضاء بعمل بفس طريقتك بس ما بضع دبس رمان
ممكن رشة كزيرة خضراء وبعض الاحيان بعمل بصلصة طماطم ومرق دجاج
لان ما كثير بحب الحم قطع بيخنات .... شكرا حبيبتي تعبت معاي
وخلاص ما رح اجرب اشتري الفاصواليا الكبيرة خليني ع الصغيرة
رغم ان اشتهيتا لما بشوف بمسلسلات السورية
طيب الحمص كمان ما تضعوا لة كربونات والله ما بستوي بسرعة
او انبوبة الغاز بتخلص يبغالي اجربي ما اضع كربونات بس خلينا اشتري
قدر ضعظ وشوف

المجهولة5
05-19-2011, 05:32 AM
والله ميتة نوم وكفاية طبخ من بداية الاسبوع وبكرةعطلة مافي مدرسة
نووووووووووووووم وراحة لغاية السبت
بكرة بشوف ايش اعمل لابو فادي مادني والا ياكل من برى
وبعمل للولاد اللي يحبو من اكل واكيد سهل وسريع
وخلصنا
صحة وهنا للجميع

ام محمد الاردن
05-19-2011, 09:29 AM
الله يسعد صباحكم شيفات
اليوم بدي اعمل شوش برك اما الحلو مفكرة اعمل دحدح مابعرف اذا بتعرفوة

ام عبير
05-19-2011, 10:25 AM
صباح الخير كيف الصبايا
صبا منورة قله زمان القمر ما بان
ام فادي حبيبتي نسيت خبرك بانه الفاصولياء ما عم تنجح عندك بسبب البيكربونات انقعيها فقط بلماء
بلنسبة للحمص والفول ممكن ينتقع بلبيكربونات والبيكربونات بتستخدم للحفاظ على حبة الفول والحمص من التقشير وبقاء اللون فاتح

ام عبير
05-19-2011, 10:33 AM
اليوم طبختي لحمة بلصينية وبلغة باقي البلدان ههههههههههههههههههههههه(صينية كفتة)
ولبن عيران وسلطة وبطاطا مقلية
والحلو كيك باردبلشوكلا (بس لاتقولوا الوصفة لانه جاهز كيك امريكانا)وبوظة بنكهة التيراميسو والشوكلا والفانيليا

هنودي
05-19-2011, 12:09 PM
هههههههههه يسعد مساكم يارب ماشاء الله النشاط
انا اليوم بدي اعمل فاصوليا بيضاء مع رز وصينية دجاج بالفرن ام الحلا من عند شوشو بووووووووووووظة خربتيلي بيتي ههههههههههههههههههههههههه

ام عبير
05-19-2011, 12:20 PM
بس ام فادي خير شو الحلم اذا حلو احكيه واذا بشع لالالالالالالالالالالالالالالالالالالالالالالالالا لالالالالالالالالالالالالالالالالالا

شوكولا مرة
05-19-2011, 12:36 PM
صباح النشاط عالشيفات
كيفكم وكيف اكلاتكم؟

اليوم مارح اطبخ عندي من مبارح صيني
بس رح اعمل كاتو التفاح

والله هنودي حبيبتي بيتي انخرب قبلك هههههههههه كل يوم بوظة
جوزي مابقى بدو يشتري بوظة من السوق واااااااااااااااااع


ام فادي انا ما بستعمل الكربونات كنت استعملها ووقفت ومتل ماقالت ام عبير هي بتخلي اللون اشقر
بس انا بستعمل طنجرة الضغط بسلق الفول والحمص يعني نص ساعة وبينسلق وخلص

orfan
05-19-2011, 01:14 PM
صباح الخير يااحلى صبايا والله اشتقتلكم كيفكون اليوم
اليوم عملت ملوخية ورز ومقلوبة وسلطة

شوكولا مرة
05-20-2011, 03:35 PM
صباح الخير صبايا

اليوم الغدا بيتزا ومعجنات وسلطة سيزر
هيك اوامر سي السيد


حاضر افندم



هههههههههه

ام محمد الاردن
05-20-2011, 07:00 PM
اليوم الجمعة يعني مممممممممممممممممممممممممممممقلوبة
شوشو الف صحة وهنا يارب

المجهولة5
05-21-2011, 01:35 AM
مساء الخير
كيفكم ياحلوين
هنودي
ام عبير
شوشو
ام محمد
عرفان
وكيف العطلة معاكم
اليوم تغدا ابو فادي بعمل وريحني من طبخ
وصار الغدا عشاء وواكلنا عشاء من برى وهو اكل الاولاد المفضل
المطبق والمعصوب
وبكرة رجعنا للنظام ولازم طبخ ع اصوله
ممكن اعمل رز ابيض و دجاج بثوم والخضروات مرة ثانية ولان كثير حبوة الاولاد وخصوصا ان فية كتشب ووطعمة حامضة بشهي اتمنى تجربها

وصحة وهنا للجميع

المجهولة5
05-21-2011, 01:41 AM
ام عبير
والله صرت بخاف من الاحلام وما احكيها لحد سواء حلوة او مزعجة
لان ع متفسر تقع وكثير احلام فسرت وتحققت
وان شاء الله تشوفي خير ويرزقك بولد الصالح
لان من فترة حكيت لحلم لاختنا وحبيتنا تهاني علي من لبيبا وطبعا هي فسرتة
ومن ضمن الحلم ان ان زرتها وولم اجدها وحالو ادور وابحث علية وقالوها مسافرة ومادري متى ترجع
وها نحن الان انقطعت اخبارها وننتظر خبر يطمن عليها الله يرجعها وجميع الاخوات من لبيبا بخير وسلامة
يارب يارب
طبعا هذا الحلم قبل الاحداث بلبيبا بشهر ونص
الله يحمي الجميع ويسرلهم الخير حيث كان ويبعد عنهم الشر

عاشقة اولادي
05-21-2011, 01:35 PM
فكرة حلوة يا بنت الشام ان شاءاللة حطبخ كبدة ومكرونة وسلطة و بطاطس مقلية

ام عبير
05-21-2011, 02:10 PM
مسا الخير صبايا
وين الشيفات اليوم ولا اخدين اجازة بعدكم يلا بسرعة كل وحدة تفوت على المطبخ وتورجينا طبخاتها الطيبة
انا اليوم عملت شاكرية ورز بشعيرية
والحلو بوظة بهل الحرررررررررررررررررررر

ام محمد الاردن
05-21-2011, 09:57 PM
اليوم صبايا ما طبخت لانة باقي مقلوبة
وبيني بينكم رحت على دكتور الاسنان ورجعت من عندة وحاسة راسي بدو ينفجر (ربنا المعين)

شوكولا مرة
05-22-2011, 11:46 AM
سلامتك ام الزوز انشالله راح الشر

اليوم طابخة ستروغونوف وجنبو رز - لبن - والحلو عملت بوظة شوكولا وبوظة فريز

ام عبير
05-22-2011, 02:45 PM
مرحبا صبايا سلامتك ام محمد وسلامة اسنانك تغرغري بلقرنفل بيخف الالم كتير
شوشو يعطيكي الف عافية بس ما عرفت الفظ هل الاكلات بدنا الوصفة
انا اليوم عندي طبخ شاكرية ورز اجازةةةةةةةةةةةةة ههههههههه

هنودي
05-22-2011, 03:27 PM
يسعد مساكم انا اليوم طبخ محشي كتير طيبي ومتيل الكوسى يمي حولو اماني

العين الساحره
05-22-2011, 11:14 PM
يعطيك العافية عزيزتي

orfan
05-22-2011, 11:31 PM
الف هنا للجميع والله يعطيكون العافية يا احلى شيفات
اليوم عملت كبة بالصينية ومقلية وسماقية
وبكرة ان شاء الله فاصوليا خضراء ورز

شوكولا مرة
05-23-2011, 11:25 AM
صحة وهنا للجمييييييييييع

ام عبير ضحكتيني اسمها ( سترو غو نوف)

لحمة مع بطاطا وجزر وفطر وبصل ومرقة بني وجنبها بيكون في رز او بطاطا بيوريه
اذا بدك الطريقة بالضبط بعطيكي


اليوم مارح اطبخ عندي من مبارح

هنودي
05-23-2011, 03:39 PM
مساكم عسل يا حلوات كيفكم اليوم انا اليوم
ما طبخت شي تنطيف براد والحلو بوظة من مبارح

ام محمد الاردن
05-23-2011, 10:03 PM
مرحبا صبايا
اليوم عملت معجنات
وهي الصور


http://im3.gulfup.com/2011-05-23/1306172813261.jpg (http://www.anavip.net/vb/)


http://im3.gulfup.com/2011-05-23/1306172813522.jpg (http://www.anavip.net/vb/)



http://im3.gulfup.com/2011-05-23/130617281383.jpg (http://www.anavip.net/vb/)

شوكولا مرة
05-23-2011, 11:03 PM
يعطيكم العافية جميعا

يسلمووووووووووووووووو ام محمد شي بيشهي

وانا اخدت هاد الصحن للعشا

http://im3.gulfup.com/2011-05-23/1306172813261.jpg

هنودي
05-24-2011, 11:04 AM
يسعد صباحكم يا غوالي انا اليوم بدي اعمل يارنجي ودجاج واقلي صحن بطاطة حدون والحمد الله
والحلو مافي حلو هل الايام ريجيم هههههههههههههههههه
ام محمد على سيرت المعجنات انا ما صححني غيرها كتر ما بحبها وباكل منها بس للاسف ماطلعو الصور ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ام محمد الاردن
05-24-2011, 11:16 AM
تكرمي هنودي
هي الصور

http://up10.up-images.com/up//uploads/images/domain-d24063f926.jpg (http://fashion.azyya.com). (http://uploadpics.a2a.cc). (http://www.a2a.cc)



http://up10.up-images.com/up//uploads/images/domain-4bc1203b19.jpg (http://fashion.azyya.com). (http://uploadpics.a2a.cc). (http://www.a2a.cc)


http://up10.up-images.com/up//uploads/images/domain-d2dce26705.jpg (http://fashion.azyya.com). (http://uploadpics.a2a.cc). (http://www.a2a.cc)

شوكولا مرة
05-24-2011, 12:03 PM
صباح الخير صبايا
اليوم رح اعمل فولية وجنبها رز ولبن
والحلو في بوظة
تفضلوا

هنودي
05-24-2011, 12:09 PM
صحة ام منير على الفول كتير طيب
ام محمد مشكورى على المعجنات شكلها روعة يا قمر

ام عبير
05-24-2011, 12:57 PM
مرحباااااااااااااااااااااااااااااااااااااااااا صبايا
اليوم النشاط شغال
الله يعطيكي العافية ام محمد صور المعجنات شي بيشهي
هنودي شوشو اللع يعطيكم الف عافية وصحة وهنا
انا اليوم بدي اعمل فاصولياء خضراء بلزيت وشوربة صحيح حر
بس زوجي مزكم وانا اولوا عدتنا هنودي ههههههههههههههههه
والحلو لالالالالالالالالالالالالالالالالالالالا خلينا على البوظة

هنودي
05-24-2011, 02:40 PM
ههههههههههههههههههههههه وصل الزكام لعندكم على السعودية ههههههههههههههههههه
سلامات صحة وهنا على الفاصولياء ام عبير

ام عبير
05-24-2011, 04:46 PM
على قلبك هنودي
شايفة كيف عديتونا يا اهل الامارات هههههههههههههههههههه

ام محمد الاردن
05-24-2011, 05:15 PM
الله يستر احنا بالاردن ننعدي من اهل الامارات هههههههههه
اليوم حر عملت فتوش متبل باذنجان وبطاطا مقلية وصورتهم




http://up.arab-x.com/May11/A8O42047.jpg (http://up.arab-x.com/)


اما الحلوووووووووو


http://up.arab-x.com/May11/hDp42046.jpg (http://up.arab-x.com/)

http://up.arab-x.com/May11/97F42046.jpg (http://up.arab-x.com/)

هنودي
05-24-2011, 07:16 PM
عم اكتب ليش ما عم تطلع الكتابي
ام محمد كتير طيب شكلو هل الحلو سلمون
لا انشاء الله ما بتنعدو

ام عبير
05-24-2011, 08:28 PM
ام محمد شو هاد شي بيشهي
الله يعطيكي الف عافية
نيالوا ابو محمد

شوكولا مرة
05-25-2011, 10:44 AM
صباح الخير صبايا
عندي من مبارح فولية كتير طلعت طيبة خصوصي انو الفول اخضر من الشام يعني مو مجمد
والحلو عندي بوظة وفي بطيخ
حاج حلو خلونا عالريجييييييم

هنودي
05-25-2011, 11:44 AM
هههههههههههههههه كل هادا وريجيم يا ام منير
انا اليوم بدي اعمل برياني دجاج وخضراء حدون ولبن عيران
والحلو ممكن كيك بنتي جاي على بالها

صباوتالا
05-25-2011, 01:58 PM
الف صحه وهنا للصبايا يمكن اعمل اليوم شاورما والحلو بسبوسه

هنودي
05-25-2011, 03:29 PM
اممممممممممممممممم سمعت بسبوسة

المجهولة5
05-25-2011, 03:55 PM
اليوم عملت اختي ع الغدا دجاج صيني ورز ابيض

مع السلامة اشوفكم ع خير يا احلى شيفات

مسلمه 2
05-25-2011, 04:32 PM
الحمد لله هسا خلصنا غدا هممممممممممممممم شو طلع زاكي
كنت عامله سمك مشوي بالفرن بس عتجد همممممممممممم لذيذ طلع
الفضل لله ثم للمنتدى ,اتعلمت منو كتير شغلات

ام محمد الاردن
05-25-2011, 09:02 PM
اليوم عطلة و الطبخ عطلة ههههههههههه

ام عبير
05-25-2011, 10:33 PM
مسا الخير انا طبخت متل ام محمد مبارح والله شهيتيني المتبل بلبيتنجان والبطاطا المقلية وعملت معكرونة

زهرة القدس
05-25-2011, 10:51 PM
السلالالالالالالالالالالالالالالالالالالالالالالال الالالالالالالالالالام عليييييييييييييييكم
كيفكم حبيباتي انشاء الله بخير
انا اليوم اعملت كبسة بالدجاج
وبكرا ما بعرف و ما بدي افكر حتى وبدي اوكل امري لله
[
على العموم الف صحة وهنا على قلوبكم جميعا حبيباتى
اختكم زهووووووووورة

orfan
05-25-2011, 11:12 PM
مساء الخير لاحلى طباخات كيفكون ياحلوين ان شاء الله كلكون بخير
وان شاء الله الف هنا وصحة للجميع والله يعطيكون العافية
اليوم عملت مكسيكانو ورز اصفر بالكاري وصينية كواج مع مخلل فليفلة حامضة
وبكرة ان شاء الله جاج بالفرن وسلطة

هنودي
05-26-2011, 09:11 AM
امممممممممممممممم شو شو هل الطبخات الي بتشهي القلب ياعمي نيالو سي سيد علينا
ههههههههههههههههههههههههههههههههههه
انا اليوم بدي اعمل فاصولياء خضراء بزيت وثوم وحدها تبولي وعندي من مبارح شوية برياني اما الحلو فعملت كيك التفاح على طريقة شوكولا

nilly
05-26-2011, 09:13 AM
صباحو يا حلوين كيفكم انا اليوم اجازة مو عاملة شي يعني على الخفيف سلطة وشوربة مو اكتر وبكرة انشاءالله دجاج محشي و بطاطا مقلية و سلطة و رز بالفطر والمكسرات وما في حلو لانو زوجي ما بحب الحلو والمشكلة انا بحب اعمل حلو يعني وداعا لمواهبي بعمل الحلو واااااااع

هنودي
05-26-2011, 10:27 AM
ياعمري يا نيلي طيب اعملي حلو واعزمينة لعندك
ههههههههههههههههههههههه

شوكولا مرة
05-26-2011, 10:59 AM
صباح الخير عالشيفات الحلوات
اليوم رح اعمل يخني بطاطا وجنبو رز وفليفلة خضرا

الحلو مبارح بالليل عملت ترايفل يميييييييي


تفضلوا

ام محمد الاردن
05-26-2011, 11:27 AM
نيللي لا تزعلي اعملي حلوووووووووو واعزمينا ههههههههههههه
الف صحة وهنا هنودي وشوشو
اليوم مفكرة اعمل ورق عتب وكوسا سلطة لبن وخيار
اتفضلووووووووووووووووو

شوكولا مرة
05-26-2011, 11:49 AM
يلا ام محمد جيتك مو مشان شي!!!!!! مشان ساعدك باللف ودوقهم هههههههههههههههههههههههههههه

ام عبير
05-26-2011, 12:06 PM
صباح الخير
انا اليوم عم ادلع مو طالع على بالي اطبخ اجازززززززززززززززززززززززززززززززة
والحلو كيكة سفينج بوب بمناسبة عيد ميلاد عبير

ام محمد الاردن
05-26-2011, 12:14 PM
يلا ام محمد جيتك مو مشان شي!!!!!! مشان ساعدك باللف ودوقهم هههههههههههههههههههههههههههه

صباح الخير
انا اليوم عم ادلع مو طالع على بالي اطبخ اجازززززززززززززززززززززززززززززززة
والحلو كيكة سفينج بوب بمناسبة عيد ميلاد عبير


ياريت والله
وهاتي
معك ام عبير وهنودي


ام عبير ان شاء الله العمر كلة يارب

nilly
05-26-2011, 12:30 PM
ام محمد وانا مو معزومة على فكرة شطورة انا بحفر الكوسا :)

شوكولا مرة
05-26-2011, 12:32 PM
اي نيللي قال شطورة بحفر الكوسا بس ممكن تطق كم وحدة ههههههههه

بتاكلهم هي هههههه

"ام مالك"
05-26-2011, 12:42 PM
الله عليكم عم تتعازمو ولا كانو في حد يلا الله يسامحكم بس على كل حال انا رح بحشر حالي بيناتكم ووانضملكم بالنسبه لشو بدي اعمل اليوم عالاكل مممممممم محتاره بس شكلي رح اعتمد صينية البذنجان بالطحينيه كتيييييييييييير طيبه
والحلو ما آكله هم عندي مشكل من امبارح هههههه
ولبكره الله بيفرجها
ام محمد انا حابه اساعدك من عيوني بس ممكن ما تلاقي الا كوسايه او تنتين صالحين للحشي والباقي الحشوه بتحطيها جنبو ما بجواته هههههههه من عيوني لا تستحي واامري بتلاقيني شبيكي لبيكي ام مالك بين ايديكي خخهخخخخخخ

nilly
05-26-2011, 12:54 PM
حبيباتي للبتتغلب بحفر الكوسا لو حفرتي كوسا وطلع اغلبو في فتحات او ثقوب هون ولا هون ما تقلقي الحل عندي عادي احشيهم بس ما تتطبيخهم بطنجرة اطبخيهم بالفرن صفيهم بصينية وحطي عليه المي وصلصة البندورة وغطي الصينية بورق المنيوم وحسب الفرن ممكن تاخد نص ساعة وممكن ساعة الا ربع وادعولي بتتطلع زابطة متل اللي بالطنجرة

شوكولا مرة
05-26-2011, 01:07 PM
حبيباتي للبتتغلب بحفر الكوسا لو حفرتي كوسا وطلع اغلبو في فتحات او ثقوب هون ولا هون ما تقلقي الحل عندي عادي احشيهم بس ما تتطبيخهم بطنجرة اطبخيهم بالفرن صفيهم بصينية وحطي عليه المي وصلصة البندورة وغطي الصينية بورق المنيوم وحسب الفرن ممكن تاخد نص ساعة وممكن ساعة الا ربع وادعولي بتتطلع زابطة متل اللي بالطنجرة

ههههههههه
شكلك متعودة تثقبي الكوسايات كتير مشان هيك اخترعتي هالطريقة
ههههههههههه


شفتي ام محمد رح نعمللك قصة للكوسا ههههههه

مسلمه 2
05-26-2011, 02:46 PM
بالا تفضلو عليكو جييره تعااااااااااااااااااااااااااااااااااااااااالو
ع المساعده ففففففففففففففففففففففففففففففي كبسه اليوم
ع الطريقه السعوديه والاردنيه والفلسطينيه
اكيد ولا اطيب الحكم بعد التذوق

ام محمد الاردن
05-26-2011, 04:32 PM
ام مالك خلص انتي اقرب وحدة علي تعالي لفي معي يالنسبة للكوسىاكيد مش راح اسلمك اياهم هههههههههههههه مش مستغني عنهم ههههههههههههههههه
نيلي شكلك خبرة بتنقير الكوسى هههههههه
شوشو انتي نهفة من الاخر
ام حازم افتحي الباب هيني جاي

زهرة القدس
05-26-2011, 10:29 PM
الف صحة وهنا على الكوسا ام محمد
عاملين الكوسيات قصة عم تتسلو فيها
هههههههههههههه
زهوررة

شوكولا مرة
05-27-2011, 12:47 PM
صباح الخير

اليوم جمعة والمطبخ معطل
بس ام محمد رح تعمل مقلوبة متل العادة

وام عبير كان عندها حفلة مبارح واكيد اليوم تعبانة ورح تجيب غدا من برا هههه

وانا فطرت فتة متأخرة مشان هيك راح الغدا للعشا

ام فادي عم تنقل من بيتها معناه اليوم الغدا يا عند اختها او من برا

هنودي أخدت اليوم اجازة ورح تقضي اليوم برا لأنو اليسار خلصت فحص وحابة تغيرلها جو

هههههههههههه

كلو برا برا برا


والمطبخ عطلة

بشوفكم بكرا

ام امين
05-27-2011, 04:37 PM
الله يعطيكم العافية الكل عامل كوسا اليوم ياريتو صحتين وعافية انا اليوم عاملة كوسا محشي باللبن وطلعت بيرفكت يا ريت الكل يجربها والف عافية

هنودي
05-27-2011, 05:17 PM
مساء الخير كيفكم يا حلوين ام محمد انا كتير شاطرة بحفر والكوسا ولف ورق العنب لهيك اعزميني انا وانا بدوقهم ولا يهمك ههههههههههههههههه شايفين انا شو شريرة
من زمااااااااااااااااان يا زهور وينك ما عم تبيني لتكوني ماعم تطبخي ههههههههههههههههههههههه
ام عبير العمر كلو لعبورة القمر يارب بس وين الكيك وااااااااااااااااااااااااع
سوشو يا عسل بنتي لسى ما خلصة امتحانات لسى الاسبوع الجاي ام الغدا اليوم كان عندي من مبارح عزيمة لا عل البال ولا على الخاطر فعملت مشاوي وبرياني لحم وصينية لحمة وتبولي ومتبل وحمص ولبن فلسى عندي من مبارح ام الحلو كان بوزظة ما لحقت اعمل ههههههههههههههههههههههههه واليوم اتغدينا من الي بقى من مبارح
هههههههههههههههههههههههههههههههه
بس ياريت ما كون انسيت حدا هلق رايحة على الكارفور اخرب جيبتو للرجال بدكم شي هههههههههههههههههههههههه

ام محمد الاردن
05-27-2011, 05:33 PM
مرحبا احلى شيفات
شوشو والله كان اخوكي ايومحمد واية بدهم مقلووووووووووووووووبة قلت والله ما ني عاملة مقلوبة دخلت المطبخ على اساس مقلوبة
عملت دجاج تحمير وفلفلت فريكة وعملت سلطة ولبن
هنودي المرة الجاي ييعت وراكي ولا يهمك هههههههههه
زهوووووووووووووورة شو وينك
وهاتي معك من الكارفور اي شي على زوءك ههههههههه
ام امين اهلين فبكب معنا والف صحة وهنا على الكوسيات

شوكولا مرة
05-28-2011, 03:44 PM
ماشالله
حتى هون ماعم تجو
الله يعين رجالكم عليكم
قومو ورجوني شطارتكم احسن ما نفذ عقوبة هوون كمااااااااااان

اليوم رح اعمل كبسة دجاج ولبن وسلطة

هنودي
05-28-2011, 03:52 PM
شو القصة اليوم ما حدا بدو يطبخ حتى انا عندي تنطيف براد

زهرة القدس
05-28-2011, 05:59 PM
مساءالورد والريحان صبايا
كيفكم اليوم انشاء الله تمام
مشكورين حبيباتي هنودي وام محمد لسؤالكم عنى
والله انا هينى عايشة باهالدنيا متلكم
شا يفين كلامى قليل هون مووووووو
والله حلقى الو يومين ملتهب ومو قادره اتكلم
هههههههههههههههههههههه على اساس انا بنتكلم
مو الايدين الي بنشغلو بالكتابة ههههه
زهووووووورة

شوكولا مرة
05-28-2011, 06:53 PM
اهلين زهورة
بعد زمااااااااااااااااااااان
مادام عم تجي لهون شرفينا بالصبحية واكتبي على كيفك

http://www.manalonline.com/forum/showthread.php?p=262199#post262199
هونيك في اكل وشرب وكلام حلو
عم نستناكي

لا تتاخري

شوكولا مرة
05-29-2011, 12:14 PM
صباح الخير
الكل نايم وماحدا رح يطبخ؟؟؟؟؟؟؟؟؟؟؟؟

اليوم رح اعمل كبدة عالغدا

وبدي جهز كم طبخة لجوزي

ملوخية - انكنار - دجاج مع الخضار
بزاليا بالبندورة - صلصة معكرونة

تفضلو

nilly
05-29-2011, 12:49 PM
شوكولا مرة ما هو الانكنار؟

هنودي
05-29-2011, 05:17 PM
انا اليوم عملت مجدرة برغل وقليت فلافل وعملت سلطة ووالحمد لله

شوكولا مرة
05-29-2011, 05:19 PM
حبيبتي نيللي
الانجنار هو الارضي شوكي
نحنا بالشام منقللو انجنار

ام عبير
05-29-2011, 07:53 PM
مسا الخير كيفكم يا احلى شيفات
انا ما عم اطبخ بس لازم شارك معكم منشان ما تشتاقولي ههههههههههههه
اليم تغديت مندي لحم

زهرة القدس
05-29-2011, 08:58 PM
مساء الخير للحلوين
مشكورة حبيبة قلبي شوكلا ته على دعوتك لي لصبحية وان شاء الله بلبي دعوتك وبشاركم
ولا يهمك يا حلوة
وانا اليوم عامله ملوخية متلك
بس بالنسبة لللارض شوكي صدقينى انا ما بعرفو ابدا
بس بسمع عنو كيف شكلو هذا وكيف بينطبخ قوليلي عنو اذا ما في عندك مانع طبعا
وبكون ممنونتك
تحياتى للجميع
زهرة القدس

شوكولا مرة
05-29-2011, 11:57 PM
صحة وهنا للجميع


اهلين زهورة

تكرم عينك الطريقة موجودة هون

http://www.manalonline.com/forum/sho...=19072&page=47 (http://www.manalonline.com/forum/showthread.php?t=19072&page=47)

nilly
05-30-2011, 08:15 AM
تسلمولي يا اهل الشام والله انجنار اسم احلى من الارضي شوكي كل شي بيطلع من عندكم متل العسل

هنودي
05-30-2011, 08:18 AM
يسعد صباحكم يا هوانم كيفك اليوم
اهلين زهور كيفك حبيبتي انتو ملاحظين انو امحمد الها فترى غايبي شو القصة يا ترى ؟؟؟؟؟؟؟؟؟؟؟؟؟؟؟
ان شاء الله المانع خير
بصراحة مو عارفي شو بدي اطبخ تاركتها للتياسير !!!!!!!!!!!!!!!!!!!!!!!!!1

هنودي
05-30-2011, 08:18 AM
انتي الحلا كلو نيلي حبيبتي

شوكولا مرة
05-30-2011, 11:13 AM
اهلين نيلي تسلميلي انتي الحلوة
وكتبت طريقو عالرابط فوق اذا حبيتي

لسى مو عارفة شورح اطبخ متل هنودي

بس يمكن اعمل بطاطا كزبرية وسلطة ومابعرف حسب التيسير

بقلكم المسا شو طبخت

زهرة القدس
05-30-2011, 05:08 PM
="6"]مساء الخير يا حلوين[/color]
كيفكمممممممممممممممممممممم
مشكورة حبيبة قلبي شوكلاة على الرابط
الله يخليكي يا رب
وانشاء الله بتكون غيبة ام محمد خير
يا ربي
المهم انا اليوم ارتحت من الطبيخ
لانى معزومة عند اهلى انا وزوجي على مشاوي على العشا
اتفضلووووووووووو معى
زهوورة

ام عبير
05-30-2011, 08:04 PM
مسا الخير كيفك زهورررررررررررررررررة
نشاط ما شاء الله عليكلي الايام كيف ايديكي صاروا
صبايا غدايي سمك مقلي ومقبلات اليوم اتفضلوا

هنودي
05-31-2011, 09:02 AM
صحة وهنا على قلب الجميع انا اليوم
بدي اعمل مقالي يعني بيتنجان وبطاطة وزهرة وكوسى وسلطة الي على بالو لا يحرم حالو

شوكولا مرة
05-31-2011, 10:44 AM
صباح الورد

اليوم بدي اعمل معكرونة بالفرن

تفضلوا

زهرة القدس
05-31-2011, 12:21 PM
مساء الخير يا صبايا
كيفكم
هلا بام عبير وبهنودي وبام محمد وبشكولاتة مرة وام فادي منورين والله
انا اليوم يمكن اعمل مسخن لسا ما قررت والله
تحياتى للحلوين
سلام
زهورة

هنودي
06-01-2011, 09:56 AM
شو وين الطبخات يا خمخومات
انا اليوم عملت فول مقلا وتبولي ومتيل بيتنجان
حولوا

شوكولا مرة
06-01-2011, 10:58 AM
صباح الخير يا شيفات

وينكم؟؟؟؟؟؟؟؟؟؟؟
اليوم رح اعمل كواج او طباخ روحو وجنبو فليفلة
وعندي من مبارح معكرونة
تفضلواااااااااااا

suzanabdallah
06-01-2011, 11:17 AM
صباح الخير يا شيفات

وينكم؟؟؟؟؟؟؟؟؟؟؟
اليوم رح اعمل كواج او طباخ روحو وجنبو فليفلة
وعندي من مبارح معكرونة
تفضلواااااااااااا

صباح الخير على الحلوين كيفكم
ممكن توصفى ايلنا شو هو طباخ روحو باين عليه مابياخد وقت في تجهيزو

شوكولا مرة
06-01-2011, 11:47 AM
صباح الخير على الحلوين كيفكم
ممكن توصفى ايلنا شو هو طباخ روحو باين عليه مابياخد وقت في تجهيزو

اهلين اخت سوزان
مظبوط طباخ روحو سريع بالطبخ هههههههه

بالطنجرة بتحطي لحمة مفرومة او شقف صغيرة وبتقليها مع قليل سمنة او زيت
بعدين تضعي كوسا مفروم ثم طماطم مقشرة ومفرومة وملح وبهار بتقلبيهم قليلا وبتتركيهم على نار متوسطة وكل شوي تشوفيهم مع التقليب الخفيف حتى تستوي وتنشف قليلا
ندق ثوم مع نعناع ناشف ونضيفهم بالاخير
نقلبهم دقيقتين ثم تسكب وتؤكل بالخبز وجنبها فليفلة خضرا

وصحة وهنا

flower juri
06-01-2011, 12:00 PM
صباح الخير صبايا
اليوم راح ساوي داود باشا مع رز ابيض
تفضلوا

ام عبير
06-01-2011, 02:21 PM
مرحبا صبايا يعطيكم الف عافية
شهيتينا الطباخ بروحوا شوشو صحة وهنا
اليوم راح اطبخ سبانخ بلحمة
ومفركة بطاطا

هنودي
06-02-2011, 08:58 AM
انا ايوم ماراح اطبخ عندي من مبارح فول وبدي اقلي بطاطة حدون وواعمل تبولي

orfan
06-02-2011, 02:25 PM
صباح الخير ياحلوين الف هنا للجميع
اليوم راح اعمل عجة وتبولة تركية وكبة نية و وبقلة باللبن تفضلوا
وبكرة ان شاء الله ورق عنب

شوكولا مرة
06-02-2011, 06:19 PM
كيفكم صبايا
اليوم تغدينا برا بمردف سيتي سنتر
فروج الطازج وبطاطا ورز وسلطة وحمص وتوابعو
اشتهيتكم معي

هنودي
06-02-2011, 07:15 PM
صحةوهنا للكل انا اليوم علىاساس ما بدي اعمل شي
رحت عملت فروج بروستد وحمص ناعم وسلطة خيار وبندورة وكان عندي فول

هنودي
06-03-2011, 06:40 PM
وينكم وين الطبخ لا بدويصير مو شرطي عندكم لازم دويات شرطة

شوكولا مرة
06-04-2011, 09:15 PM
ماشالله مافي حدا عم يطبخ؟؟؟؟؟؟؟؟؟؟؟
على قولتك هنودي صار بدهم الصبايا دوريات شرطة


اليوم عملنا ملوخية ورز

ام عبير
06-05-2011, 12:01 AM
اهلين بلصبايا الدنيا شوب وما في شهية للاكل
اليوم عملت بامية ورز

هنودي
06-05-2011, 10:10 AM
صبوحة وينكم يا خمخومات وين ما لذا وطاب
انا اليوم بدي اعمل فاصولياء بزيت وتوم
لى قولة ام عبير مافي شهي للاكل من كتر الشوووووووووووووووووووووووووووووووووب

منى عبيد
06-05-2011, 10:20 AM
راح ا طبخ ملوخيه بالدجاج ورز بالشعريه

اتفضلو ع الغدا

مسلمه 2
06-05-2011, 11:17 AM
اسعفوني باي طبخه مو عارفه شو اطبخ
راجعه من مكه مكسله وتعبانه
ويش رايكو وحده تعزمني انا والبنات وابوهم
وين اهل الكرم والنخوه

ام عبير
06-05-2011, 12:27 PM
تفضلي مسلمة انتي والبنات لعنديخصوصا انه انا وانتي بنفس البلد
اليوم باقي عندي باميه من مبارح وعلى بالي اعمل معكرونة

مسلمه 2
06-05-2011, 04:40 PM
ام عبيرجزاك الله خير ع العزومه ما قصرتي حبيبتي
ولو انها على طبيخ بايت ( بس على رأي المتل الجود من الموجود)
بايت بايت احسن من مفيش

هنودي
06-05-2011, 04:50 PM
هههههههههههههههههههه
تكرم عيونك مسلمة تعالي بتحضري وبيحضر واجبك واله يهمك حبيبتي بتشرفي

ام عبير
06-05-2011, 05:09 PM
اهلين مسلمة اذا انتي بتتفضلي لعندي بتحضري وبيحضر واجبك
بس انا كملت التعليق علىغدانا بلبيت اليوم على العموم انا ضفت جديد على غداي همبرغر لحم وبطاطا مقلية وسلطة
اذا انتي جاده وبتجي تتغدي اهلا وسهلا فيكي بس ما بقلك شو الغدا بخلي مفاجاءة ومرة تانية اهلا وسهلا فيكي
على فكرة انا سالتك قبل وين مقيمة بلسعودية حضرتك بدي زورك ههههههههههههههههههه